Sankt-Peterburq – Tebriz Gazetesi https://tebrizgazetesi.com Wed, 24 Jan 2024 06:26:49 +0000 tr hourly 1 https://tebrizgazetesi.com/wp-content/uploads/2025/03/cropped-tebriz-32x32.webp Sankt-Peterburq – Tebriz Gazetesi https://tebrizgazetesi.com 32 32 Sankt-Peterburq şəhərində 20 Yanvar şəhidləri anılıb https://tebrizgazetesi.com/sankt-peterburq-s%c9%99h%c9%99rind%c9%99-20-yanvar-s%c9%99hidl%c9%99ri-anilib-h53760.html Wed, 24 Jan 2024 06:26:49 +0000 https://1453kralmedya.com/sankt-peterburq-s%c9%99h%c9%99rind%c9%99-20-yanvar-s%c9%99hidl%c9%99ri-anilib-h53760.html

 

 

 

Sankt-Peterburq şəhərində 20 Yanvar şəhidləri anılıb

2024

 

 

 

Sankt-Peterburq şəhərində 20 Yanvar şəhidləri anılıb

 

 

 

Rusiyanın Sankt-Peterburq şəhərində 20 Yanvar faciəsinin 34-cü ildönümü ilə əlaqədar anım tədbiri keçirilib.

 

 

 

“Sankt-Peterburq və Leninqrad vilayəti üzrə Azərbaycanlıların Milli Mədəniyyət Muxtariyyəti” şəhər ictimai təşkilatı tərəfindən təşkil edilən tədbirdə öncə ölkəmizin azadlığı və müstəqilliyi uğrunda canlarından keçmiş 20 Yanvar şəhidlərinin xatirəsi bir dəqiqəlik sükutla yad edilib, dualar oxunub.

 

 

 

Tədbirdə “Sankt-Peterburq və Leninqrad vilayəti üzrə Azərbaycanlıların Milli Mədəniyyət Muxtariyyəti” şəhər ictimai təşkilatının sədri Vaqif Məmişov, Azərbaycanın Sankt-Peterburqdakı Baş konsulu Sultan Qasımov çıxış edərək, 20 Yanvar faciəsinə gətirib çıxaran siyasi proseslər, SSRİ rəhbərliyinin ədalət tələb edən xalqımızı cəzalandırmaq cəhdinin uğursuzluqla nəticələndiyi, xalqımızın iradəsini sındıra bilmədiyi barədə danışıb, qanlı qırğınla bağlı xatirələrini bölüşüblər. Tariximizdə əbədi həkk olunan bu faciənin və müstəqillik yolunda dönüş nöqtəsinə çevrilmiş qəhrəmanlıq səhifəsinin heç bir zaman unudulmayacağı vurğulanıb.

 

 

 

Tədbir çərçivəsində 20 Yanvar hadisələrini əks etdirən fotosərgi nümayiş etdirilib, şamlar yandırılıb. Soydaşlarımız və qonaqlar başsağlığı kitabında öz kədərlərini bir daha ifadə ediblər.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sankt-peterburq-seherinde-20-yanvar-sehidleri-anilib-4090

 

 

 

 

]]> Sankt-Peterburq şəhərində Heydər Əliyevin 100 illik yubileyi və Həmrəylik Günü qeyd edilib https://tebrizgazetesi.com/sankt-peterburq-s%c9%99h%c9%99rind%c9%99-heyd%c9%99r-%c9%99liyevin-100-illik-yubileyi-v%c9%99-h%c9%99mr%c9%99ylik-gunu-qeyd-edilib-h52893.html Sat, 30 Dec 2023 08:20:27 +0000 https://1453kralmedya.com/sankt-peterburq-s%c9%99h%c9%99rind%c9%99-heyd%c9%99r-%c9%99liyevin-100-illik-yubileyi-v%c9%99-h%c9%99mr%c9%99ylik-gunu-qeyd-edilib-h52893.html

 

 

 

Sankt-Peterburq şəhərində Heydər Əliyevin 100 illik yubileyi və Həmrəylik Günü qeyd edilib

, 2023

 

 

 

Sankt-Peterburq şəhərində Heydər Əliyevin 100 illik yubileyi və Həmrəylik Günü qeyd edilib

 

 

 

Rusiyanın Sankt-Peterburq şəhərində müasir Azərbaycan dövlətinin qurucusu Heydər Əliyevin anadan olmasının 100 illiyi və Dünya Azərbaycanlılarının Həmrəylik Günü münasibətilə bayram konserti keçirilib.

 

 

 

“Sankt-Peterburqda Azərbaycan Dostluq və Əməkdaşlıq Cəmiyyəti” və “Leninqrad vilayəti üzrə Azərbaycan Milli-Mədəni Muxtariyyəti regional ictimai təşkilatları tərəfindən təşkil edilən tədbirdə Azərbaycanın bu şəhərdəki Baş konsulluğunun, Leninqrad administrasiyasının, şəhər bələdiyyəsinin, müxtəlif icmaların nümayəndələri və soydaşlarımız iştirak ediblər.

 

 

 

Rusiya və Azərbaycanın Dövlət himnlərinin səsləndirilməsi ilə başlayan tədbiri giriş sözü ilə “Sankt-Peterburqda Azərbaycan Dostluq və Əməkdaşlıq Cəmiyyəti”nin sədri Sabir Məsimov açıb və qonaqları salamlayıb.

 

 

 

Tədbirdə çıxış edən Azərbaycanın Sankt-Peterburqdakı Baş konsulluğunun konsulu Rəhim Rəhimzadə və qonaqlar Heydər Əliyevin iki ölkə arasında münasibətlərinin möhkəmləndirilməsində misilsiz töhfələrini diqqətə çatdırıb, Azərbaycan diasporunun fəaliyyətini yüksək qiymətləndiriblər.

Azərbaycan diasporu fəallarının təltif olunduğu tədbir konsert proqramı ilə başa çatıb.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sankt-peterburq-seherinde-heyder-eliyevin-100-illik-yubileyi-ve-hemreylik-gunu-qeyd-edilib-4029

 

 

 

 

]]> Sankt-Peterburqda Heydər Əliyevin 100 illiyi təntənəli konsertlə qeyd edilib https://tebrizgazetesi.com/sankt-peterburqda-heyd%c9%99r-%c9%99liyevin-100-illiyi-t%c9%99nt%c9%99n%c9%99li-konsertl%c9%99-qeyd-edilib-h46238.html Thu, 08 Jun 2023 13:40:52 +0000 https://1453kralmedya.com/sankt-peterburqda-heyd%c9%99r-%c9%99liyevin-100-illiyi-t%c9%99nt%c9%99n%c9%99li-konsertl%c9%99-qeyd-edilib-h46238.html

 

 

 

Sankt-Peterburqda Heydər Əliyevin 100 illiyi təntənəli konsertlə qeyd edilib
2023
Sankt-Peterburqda Heydər Əliyevin 100 illiyi təntənəli konsertlə qeyd edilib

Rusiyanın Sankt-Peterburq şəhərindəki “Ledovıу” sarayında müasir Azərbaycan dövlətinin qurucusu Heydər Əliyevin anadan olmasının 100 illiyi münasibətilə “Yüzilliklər boyu dostluq” adlı təmtəraqlı qala-konsert keçirilib.

 

 

 

“Sankt-Peterburq və Leninqrad vilayətində Azərbaycan Milli-Mədəni Muxtariyyəti” şəhər ictimai təşkilatı tərəfindən təşkil edilən tədbirdə rəsmi şəxslər, yerli ictimaiyyətin müxtəlif təbəqələrinin və milli birliklərin təmsilçilərindən ibarət 12 min tamaşaçı iştirak edib. Qonaqlar arasında şəhərin qubernatoru Aleksandr Beqlov, Sankt-Peterburqun Qanunvericilik Məclisinin sədri Aleksandr Belski, Diasporla İş üzrə Dövlət Komitəsinin (DİDK) sədr müavini Vaqif Seyidbəyov və başqaları olub.

Tədbir iştirakçılarını “Sankt-Peterburq və Leninqrad vilayətində Azərbaycan Milli-Mədəni Muxtariyyəti” şəhər ictimai təşkilatının sədri Vaqif Məmişov salamlayıb.

 

 

 

Tədbirdə çıxış edən Komitə sədrinin müavini V.Seyidbəyov şəhər ictimaiyyətini yubiley münasibətilə təbrik edib, bu il ölkəmizdə və dünyanın müxtəlif ölkələrində xalqımızın görkəmli siyasi və dövlət xadimi Heydər Əliyevin anadan olmasının 100 illik yubileyinə həsr olunmuş tədbirlərin keçirildiyini bildirib. Bu mühüm hadisə ilə əlaqədar Azərbaycan Prezidenti İlham Əliyevin müvafiq Sərəncamı ilə ölkəmizdə “Heydər Əliyev İli” elan edildiyi nəzərə çatdırılıb. Sovet dövründə Heydər Əliyevin Moskvada yüksək vəzifələrindən birini tutduğunu xatırladan Komitə sədrinin müavini bildirib ki, böyük öndər Azərbaycan Prezidenti olduğu illərdə qonşu ölkə ilə ikitərəfli münasibətlərin inkişafı naminə misilsiz xidmətlər göstərib, Sankt-Peterburq şəhərinə də rəsmi səfərlər edib: “Hazırda Azərbaycan və Rusiya arasında qarşılıqlı münasibətlər yüksək səviyyədədir və bu münasibətlərin qurulmasının bünövrəsi Heydər Əliyev tərəfindən qoyulub. Dövlətlərimizin liderləri arasında dostluq münasibətləri də buna bariz nümunədir”.

Sədr müavini DİDK nümayəndə heyətinin möhtəşəm tədbirə dəvət olunmasına görə şəhər rəhbərliyinə, eləcə də Rusiyanın müxtəlif şəhərlərində “Heydər Əliyev İli” çərçivəsində çoxlu sayda tədbirlər keçirən diasporumuza və rusiyalılara minnətdarlığını bildirib, “Sankt-Peterburq və Leninqrad vilayətində Azərbaycan Milli-Mədəni Muxtariyyəti” şəhər ictimai təşkilatının və sədr Vaqif Məmişovun diaspor fəaliyyətini yüksək qiymətləndirib.

Tədbir Heydər Əliyevin uzaqgörən siyasətindən və Azərbaycan-Rusiya münasibətlərinin inkişafındakı böyük xidmətlərindən bəhs edən filmin nümayişi ilə davam edib.

 

 

 

Sonra Azərbaycandan gələn incəsənət xadimlərinin, Mariinski Teatrının artistlərinin və Sankt-Peterburqun milli-mədəni birliklərinin yaradıcı kollektivlərinin ifasında konsert proqramı təqdim edilib. İkinci Dünya müharibəsi və Qərb Hərbi Dairəsinin orta yaş həddi 88 olan veteranlarından ibarət xorun çıxışı alqışlarla qarşılanıb.

Qeyd edək ki, konsertdən öncə şəhərin qubernatoru Aleksandr Beqlov və Qanunvecilik Məclisinin sədri Aleksandr Belski MDB ölkələrini əhatə edən veteranlar və blokada dövrünün sakinləri ilə görüşüb, gənclərin vətənpərvər ruhda yetişməsində fəal iştiraklarına görə onlara minnətdarlıqlarını bildiriblər.

“Sankt-Peterburq və Leninqrad vilayətində Azərbaycan Milli-Mədəni Muxtariyyəti” şəhər ictimai təşkilatının sədri Vaqif Məmişova bayram tədbirinin təşkilində xidmətlərinə görə “Sankt-Peterburqun 320 illiyi” medalı təqdim edilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sankt-peterburqda-heyder-eliyevin-100-illiyi-tenteneli-konsertle-qeyd-edilib-3076

 

 

]]> Sankt-Peterburqda “Çinar” rəqs ansamblının 25 illik yubileyi qeyd edilib https://tebrizgazetesi.com/sankt-peterburqda-cinar-r%c9%99qs-ansamblinin-25-illik-yubileyi-qeyd-edilib-h42789.html Mon, 03 Apr 2023 17:15:13 +0000 https://1453kralmedya.com/sankt-peterburqda-cinar-r%c9%99qs-ansamblinin-25-illik-yubileyi-qeyd-edilib-h42789.html

 

 

 

 

Sankt-Peterburqda “Çinar” rəqs ansamblının 25 illik yubileyi qeyd edilib
, 2023
Sankt-Peterburqda “Çinar” rəqs ansamblının 25 illik yubileyi qeyd edilib
Rusiyanın Sankt-Peterburq şəhərində “Çinar” vokal-xoreoqrafik rəqs ansamblının 25 illik yubileyinə həsr olunmuş konsert kecirilib.

Tədbirdə Sankt-Peterburqda millətlərarası münasibətlər və miqrasiya siyasətinin həyata keçirilməsi üzrə komitənin nümayəndəsi Andrey Frolov, Azərbaycanın Sankt-Peterburqdakı Baş konsulluğunun humanitar məsələlər üzrə konsulu Rəhim Rəhimzadə, yerli hakimiyyət orqanlarının, Azərbaycan diasporunun nümayəndələri və müxtəlif icmaların mədəniyyət qurumlarının rəhbərləri iştirak ediblər.

 

 

 

 

Tədbirdə çıxış edən qonaqlar “Çinar” vokal-xoreoqrafik rəqs ansamblının bədii rəhbəri Xeyransa Mirzəyevanı və yaradıcı kollektivi yubiley münasibətilə təbrik ediblər. Ansamblın Sankt-Peterburqun mədəni müxtəlifliyinə böyük töhfələr verdiyini vurğulayan natiqlər “Çinar” ailəsinə davamlı uğurlar arzulayıblar.

Sonra “Çinar” ansamblının ifasında rəngarəng konsert proqramı təqdim olunub.

Yubiley konserti yerli kütləvi informasiya vasitələri və “Mir” telekanalı tərəfindən geniş işıqlandırılıb.

Tədbir çərçivəsində Azərbaycanın zəngin mədəniyyətini və adət-ənələrini əks etdirən sərgi təşkil edilib. Qonaqlara xalçatoxuma dəzgahında ilmələrin atılması, Novruz şirniyyatlarının bəzədilməsi qaydaları nümayiş etdirilib.

Qeyd edək ki, “Çinar” Mədəniyyət Mərkəzinin nəzdindəki eyniadlı vokal-xoreoqrafik rəqs ansamblı Sankt-Peterburq Dövlət Universitetinin baş muəllimi Xeyransa Mirzəyevanın təşəbbüsü və rəhbərliyi ilə yaradılıb. 1998-ci ildən fəaliyyətə başlayan ansambl təkcə Sankt-Peterbuqda deyil, Rusiyada və Rusiya hüdudlarından kənarda Azərbaycan musiqisinin və incəsənətinin fəal təbliğatçısı kimi tanınır.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/sankt-peterburqda-cinar-reqs-ansamblinin-25-illik-yubileyi-qeyd-edilib-2707

 

 

 

]]> Sankt-Peterburqda Xocalı soyqırımı ilə bağlı anım tədbiri olub https://tebrizgazetesi.com/sankt-peterburqda-xocali-soyqirimi-il%c9%99-bagli-anim-t%c9%99dbiri-olub-h41360.html Sun, 26 Feb 2023 16:37:18 +0000 https://1453kralmedya.com/sankt-peterburqda-xocali-soyqirimi-il%c9%99-bagli-anim-t%c9%99dbiri-olub-h41360.html

 

 

 

Sankt-Peterburqda Xocalı soyqırımı ilə bağlı anım tədbiri olub
, 2023
Sankt-Peterburqda Xocalı soyqırımı ilə bağlı anım tədbiri olub
Rusiyanın Sankt-Peterburq şəhərində Xocalı soyqırımının 31-cü ildönümü ilə əlaqədar anım mərasimi keçirilib.

Lensovet adına Mədəniyyət Sarayında baş tutan tədbir “Sankt-Peterburq və Leninqrad vilayəti üzrə azərbaycanlılarının milli-mədəni muxtariyyəti” şəhər ictimai təşkilatı tərəfindən təşkil edilib.

Öncə Xocalı soyqırımı qurbanlarının və Türkiyədəki dəhşətli zəlzələ nəticəsində həlak olanların xatirəsi bir dəqiqəlik sükutla yad edilib, ruhlarına dualar oxunub.

Tədbirdə “Sankt-Peterburq şəhəri və Leninqrad vilayəti üzrə azərbaycanlıların milli-mədəni muxtariyyəti” şəhər ictimai təşkilatının sədri Vaqif Məmişov, Azərbaycanın Sankt-Peterburqdakı Baş konsulu Sultan Qasımov və Türkiyənin Sankt-Peterburqdakı Baş konsulu Özgün Talu çıxış ediblər.

Xocalı soyqırımını Azərbaycan tarixinin ən dəhşətli səhifələrindən biri adlandıran natiqlər qeyd ediblər ki, məhz azərbaycanlı olduqlarına görə həmin müdhiş gecə aralarında 106 qadın, 63 uşaq, 70 qoca olmaqla 613 dinc sakin qətlə yetirilib, 487 dinc sakin ağır yaralanıb, 1275 nəfər girov götürülüb. Misli görünməmiş amansızlıqla törədilmiş Xocalı soyqırımına görə Ermənistanın o zamankı siyasi-hərbi rəhbərliyinin və Qarabağdakı erməni separatçılarının məsuliyyət daşıdığı vurğulanıb. Natiqlər dünya birliyini Xocalı soyqırımına hüquqi-siyasi qiymət verilməsi və bu dəhşətli faciəni törədənlərin beynəlxalq hüquqa uyğun olaraq cəzalandırılması istiqamətində qətiyyətli addımlar atmağa çağırıblar. Nəzərə çatdırılıb ki, Azərbaycan xalqı heç vaxt Xocalı faciəsini unutmayacaq

Sonra Heydər Əliyev Fondunun dəstəyi ilə “Xocalıya ədalət!” layihəsi çərçivəsində hazırlanmış videoçarx təqdim olunub.

Anım tədbiri klassik musiqinin və şeirlərin səsləndirilməsi, Xocalı hadisələri ilə bağlı şahidlərin kədərli hekayələrinin oxunması ilə davam edib.

Tədbir iştirakçılarına Heydər Əliyev Fondu tərəfindən hazırlanmış Xocalı soyqırımı haqqında broşürlər, nişanlar və “Sonsuz dəhliz” filminin diskləri hədiyyə olunub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/sankt-peterburqda-xocali-soyqirimi-ile-bagli-anim-tedbiri-olub-2431

 

 

]]> Sankt-Peterburqda həftəsonu Azərbaycan məktəbi fəaliyyətə başlayıb https://tebrizgazetesi.com/sankt-peterburqda-h%c9%99ft%c9%99sonu-az%c9%99rbaycan-m%c9%99kt%c9%99bi-f%c9%99aliyy%c9%99t%c9%99-baslayib-h41167.html Tue, 21 Feb 2023 13:46:51 +0000 https://1453kralmedya.com/sankt-peterburqda-h%c9%99ft%c9%99sonu-az%c9%99rbaycan-m%c9%99kt%c9%99bi-f%c9%99aliyy%c9%99t%c9%99-baslayib-h41167.html

 

 

 

Sankt-Peterburqda həftəsonu Azərbaycan məktəbi fəaliyyətə başlayıb
, 2023
Sankt-Peterburqda həftəsonu Azərbaycan məktəbi fəaliyyətə başlayıb

Rusiyanın Sankt-Peterburq şəhərində fəaliyyət göstərən Azərbaycan Humanitar Əməkdaşlıq Mərkəzinin nəzdində həftəsonu Azərbaycan məktəbi açılıb.

Məktəbin açılış mərasimində Azərbaycanın Sankt-Peterburqdakı Baş konsulluğunun humanitar məsələlər üzrə konsulu Rəhim Rəhimzadə, “Çinar” Regional İctimai Təşkilatının sədr müavini Ülviyyə Abbasova iştirak ediblər.

Tədbir iştirakçılarını salamlayan Azərbaycan Humanitar Əməkdaşlıq Mərkəzinin direktoru Eldar Əlizadə, mərkəzin sədri Nicat Bayramlı və “Simurq” Gənclər Assosiasiyasının sədr müavini İslam Səmədov bildiriblər ki, məktəb Azərbaycan dilinin öyrənilməsinə, zəngin mədəniyyətimizin və adət-ənənələrimizin təbliğ edilməsi məqsədinə xidmət edəcək. Bu isə Rusiyada böyüyən uşaq və gənclərin eyni zamanda Azərbaycan tarixinə və həqiqətlərinə dərindən bələd olmasına kömək edəcək.

Tədbir Murad Yusifovun və İslam Səmədovun ifasında şeir və mahnıların səsləndirilməsi ilə davam edib.

Məktəbin ilk dərsində öncə Azərbaycan dilində imla yazılıb və tədrisin aparılması üçün qruplar formalaşdırılıb. Tarix dərsində “Azərbaycanda ibtidai cəmiyyətlər”, “İlk dövlət quruluşları” mövzularından bəhs edilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/sankt-peterburqda-heftesonu-azerbaycan-mektebi-fealiyyete-baslayib-2410

 

 

]]> Sankt-Peterburqdakı icmamız humanitar yardımı Türkiyənin Baş konsulluğuna çatdırıb https://tebrizgazetesi.com/sankt-peterburqdaki-icmamiz-humanitar-yardimi-turkiy%c9%99nin-bas-konsulluguna-catdirib-h40755.html Sun, 12 Feb 2023 09:26:01 +0000 https://1453kralmedya.com/sankt-peterburqdaki-icmamiz-humanitar-yardimi-turkiy%c9%99nin-bas-konsulluguna-catdirib-h40755.html

 

 

 

Sankt-Peterburqdakı icmamız humanitar yardımı Türkiyənin Baş konsulluğuna çatdırıb

, 2023
Sankt-Peterburqdakı icmamız humanitar yardımı Türkiyənin Baş konsulluğuna çatdırıb
Rusiyanın Sankt-Peterburq şəhərində yaşayan Azərbaycan icması Türkiyənin zəlzələ bölgəsinə humanitar yardım göndərib.

“Sankt-Peterburq və Leninqrad vilayəti üzrə azərbaycanlıların milli-mədəni muxtariyyəti” şəhər ictimai təşkilatının sədri Vaqif Məmişovun rəhbərliyi ilə yaradılmış operativ qərargahda zəlzələdən zərərçəkmişlər üçün iaə və humanitar yardım toplanıb.

İanə edilən vəsaitin 34 min manatı nağd, 11 min manatı isə humanitar yardım şəklində Türkiyənin Sankt Peterburqdakı Baş konsulluğuna təqdim edilib.

Bağlamaların üzərində “Yanındayıq, Türkiyə!” ifadəsi yazılıb.

 

 

 

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/sankt-peterburqdaki-icmamiz-humanitar-yardimi-turkiyenin-bas-konsulluguna-catdirib-2368

 

 

 

]]> Sankt-Peterburqda “Şuşa-270” mövzusunda tədbir keçirilib https://tebrizgazetesi.com/sankt-peterburqda-susa-270-movzusunda-t%c9%99dbir-kecirilib-h38311.html Fri, 09 Dec 2022 10:48:20 +0000 https://1453kralmedya.com/sankt-peterburqda-susa-270-movzusunda-t%c9%99dbir-kecirilib-h38311.html

 

 

Sankt-Peterburqda “Şuşa-270” mövzusunda tədbir keçirilib

 

Sankt-Peterburqda “Şuşa-270” mövzusunda tədbir keçirilib

Rusiyanın Sankt-Peterburq şəhərində Azərbaycanın Şuşa şəhərinin 270 illiyinə həsr olunmuş tədbir keçirilib.

“Sreda” gənclər mərkəzində baş tutan tədbir “Azərbaycan Humanitar Əməkdaşlıq Mərkəzi” muxtar qeyri-kommersiya təşkilatı və “Simurq” Azərbaycanlı Gənclər Assosiasiyası tərəfindən təşkil olunub.

Tədbir iştirakçılarını salamlayan Azərbaycanın Sankt-Peterburqdakı konsulu Rəhim Rəhimzadə, “Azərbaycan Humanitar Əməkdaşlıq Mərkəzi” muxtar qeyri-kommersiya təşkilatının direktoru Eldar Əlizadə, mərkəzin sədri Nicat Bayramlı və “Simurq” Azərbaycanlı Gənclər Assosiasiyasının sədri Fuad Məmmədov iki il öncə Şuşanın azad edilməsinin tarixi əhəmiyyətindən, hazırda ölkəmizin mədəniyyət paytaxtında aparılan bərpa-quruculuq işlərindən danışıblar.

Mədəniyyət gecəsi U.Söhbətovanın “Qarabağın ilham pərisi”, E.Əlizadənin “Şuşanın tarixi” və S.Kayanın “Şuşa Bəyannaməsinin regional təhlükəsizlikdə əhəmiyyəti haqqında” məruzələrin təqdim olunması ilə davam edib.

Onlayn formatda tədbirə qatılan II Qarabağ müharibəsinin qazisi, Xüsusi Təyinatlı Qüvvələrin baş çavuşu Əfqan Zaxmayev tədbir iştirakçılarına döyüş təəssüratlarını bölüşüb.

Tədbir zamanı “Şuşa” şeiri səsləndirilib, Şuşaya həsr olunmuş sənədli filmlərdən fraqmentlər nümayiş etdirilib.

FOTO QALEREYA

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/sankt-peterburqda-susa-270-movzusunda-tedbir-kecirilib-2037

 

 

]]>