Quba – Tebriz Gazetesi https://tebrizgazetesi.com Sun, 22 Oct 2023 08:14:53 +0000 tr hourly 1 https://tebrizgazetesi.com/wp-content/uploads/2025/03/cropped-tebriz-32x32.webp Quba – Tebriz Gazetesi https://tebrizgazetesi.com 32 32 İlham Əliyev Bakı-Quba-Rusiya Federasiyası ilə dövlət sərhədi ödənişli yeni avtomobil yolunun açılışında iştirak edib https://tebrizgazetesi.com/ilham-%c9%99liyev-baki-quba-rusiya-federasiyasi-il%c9%99-dovl%c9%99t-s%c9%99rh%c9%99di-od%c9%99nisli-yeni-avtomobil-yolunun-acilisinda-istirak-edib-h50740.html Sun, 22 Oct 2023 08:14:53 +0000 https://1453kralmedya.com/ilham-%c9%99liyev-baki-quba-rusiya-federasiyasi-il%c9%99-dovl%c9%99t-s%c9%99rh%c9%99di-od%c9%99nisli-yeni-avtomobil-yolunun-acilisinda-istirak-edib-h50740.html

 

 

 

İlham Əliyev Bakı-Quba-Rusiya Federasiyası ilə dövlət sərhədi ödənişli yeni avtomobil yolunun açılışında iştirak edib

2023,

 

 

 

 

İlham Əliyev Bakı-Quba-Rusiya Federasiyası ilə dövlət sərhədi ödənişli yeni avtomobil yolunun açılışında iştirak edib
Azərbaycan Respublikasının Prezidenti İlham Əliyev oktyabrın 20-də Bakı-Quba-Rusiya Federasiyası ilə dövlət sərhədi ödənişli yeni avtomobil yolunun açılışında iştirak edib.

 

 

 

Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlətimizin başçısına görülən işlər barədə məlumat verdi.

Qeyd edək ki, Şimal-Cənub beynəlxalq nəqliyyat dəhlizinin tərkib hissəsi olan Bakı-Rusiya Federasiyası ilə dövlət sərhədi ödənişli yeni avtomobil yolunun təməli 2017-ci ilin dekabrında Prezident İlham Əliyev tərəfindən qoyulub. Dövlətimizin başçısı yolun təməlinin qoyulduğu ilk gündən başlayaraq inşaat prosesinin gedişi ilə şəxsən və yerində maraqlanıb, tikinti işlərinin ən yüksək standartlara uyğun icra olunması ilə bağlı vaxtaşırı tapşırıqlarını verib.

 

 

 

Bildirildi ki, “Azərbaycan Respublikası regionlarının sosial-iqtisadi inkişafı Dövlət Proqramı”na uyğun olaraq yeni avtomobil yolunun Hacı Zeynalabdin Tağıyev qəsəbəsindən başlayaraq Rusiya sərhədinədək olan 150 kilometrlik hissəsi birinci texniki dərəcəyə uyğun inşa edilib.

Magistralın 129 kilometrlik hissəsi ödənişli yol kimi müəyyənləşdirilib və Tarif Şurası tərəfindən gediş tarifləri təsdiq edilib. Gediş üçün ödənişin məbləği nəqliyyat vasitəsinin qət etdiyi məsafə, çəkisi və ay ərzində gedişlərin sayı nəzərə alınmaqla müəyyənləşdirilib. Ödənişli avtomobil yolu 4 zolaqlıdır.

Ödənişli yoldan istifadə tarifləri yeni müəyyən olunduğu üçün hazırda həmin tariflərin ödəniş sisteminə inteqrasiyası həyata keçirilir. İnteqrasiya yekunlaşdıqdan sonra ödəniş sisteminin proqram təminatı test ediləcək. Sınaqlar başa çatdıqdan sonra yol ümumi istifadəyə veriləcək. Qeyd olunan işlərin qısa müddət ərzində yekunlaşdırılması nəzərdə tutulur.

 

 

 

Diqqətə çatdırıldı ki, bu magistral yolun tikintisi Azərbaycan Avtomobil Yolları Dövlət Agentliyinin nəzarəti altında 5 hissə üzrə həyata keçirilib. Yolboyu 40 yol ötürücüsü və körpü, 52 alt keçid, 6 ödəmə və yükə nəzarət məntəqəsi, 2 mindən çox yol nişanı və məlumat lövhəsi quraşdırılıb. Həmçinin hər hansı maneənin yola çıxmasının qarşısını almaq üçün tədbirlər görülüb. O da bildirildi ki, yeni yol mövcud yoldan 13 kilometr qısadır.

 

 

 

Dövlətimizin başçısı ödəmə sistemi haqqında videoçarxa baxdı.

Bildirildi ki, ödənişli yoldan istifadə xüsusi çip yerləşdirilən kart vasitəsilə həyata keçiriləcək. Bu kartı yolun giriş və çıxışlarından, yaxın gələcəkdə isə şəhər və rayonlarda müxtəlif satış nöqtələrindən əldə etmək mümkün olacaq.

Kartın 2 formada olması nəzərdə tutulub. Belə ki, yoldan daimi istifadə edən sürücülər daimi kart, vaxtaşırı istifadə edənlər isə müvəqqəti və ya birdəfəlik kart əldə edəcəklər.

Ödənişli yol sistemi sürücülərə adi və dayanmadan keçid zolaqlarından istifadə etmək imkanı verəcək. Adi zolağa daxil olan sürücü ödəniş məntəqələrində keçid üçün kartı əldə edərək avtomobilin ön şüşəsinə yerləşdirir və daha sonra ödənişli yoldan istifadə etmək hüququna sahib olur. Dayanmadan keçid zolağı isə sürücülərə ödəniş məntəqələrində sürəti azaltmadan və dayanmadan keçmək imkanı verir. Bunun üçün sürücüdə əvvəlcədən əldə edilmiş xüsusi çip kart və yetərli ödəniş balansının olması kifayətdir. Bu zolaqlarda xüsusi nömrə oxuma kameraları, təhlükəsizlik kameraları, avtomobilləri klassifikasiya etməyə imkan verən avadanlıqlar və digər innovativ texnoloji həllər tətbiq olunub, bütün məntəqələrdə çəkiyə nəzarət və yolun dayanıqlılığını təmin etmək məqsədilə elektron tərəzi sistemi də quraşdırılıb. Gələcəkdə avtomatik ödənişlər və ya QR kodları ilə mobil ödənişlər də mümkün olacaq.

 

 

 

 

Ödənişli yoldan keçid kartının ilk nümunəsi Prezident İlham Əliyevə təqdim olundu.

Qeyd edək ki, son illərdə regionların sosial-iqtisadi inkişafı dövlət proqramlarının uğurlu icrası nəticəsində ölkəmizdə magistral, respublika və yerli əhəmiyyətli avtomobil yolları əsaslı şəkildə yenidən qurulub, həmçinin yeni avtomobil yolları, körpülər və yol ötürücüləri inşa edilərək əhalinin istifadəsinə verilib. Prezident İlham Əliyevin imzaladığı sərəncamlara əsasən Bakı-Quba-Rusiya Federasiyası ilə dövlət sərhədi yeni avtomobil yolunun inşası ölkəmizdə yol infrastrukturunun müasir səviyyəyə çatdırılması istiqamətində icra olunan işlərin davamlı xarakter aldığını göstərir.

 

 

 

 

Bu yolun istifadəyə verilməsi, həmçinin beynəlxalq nəqliyyat əməkdaşlığı baxımından strateji əhəmiyyət daşıyan Şimal-Cənub beynəlxalq nəqliyyat dəhlizinin səmərəliliyini daha da artıracaq. Bundan başqa, yeni avtomobil yolunun tikilməsi nəqliyyat xidmətlərini daha da yaxşılaşdırmaqla yanaşı, bölgədə turizmin inkişafına əlavə təkan verəcək, dəhlizlə yük və sərnişin daşımalarında əsas rol oynayacaq.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/61831

 

 

 

]]> Kanadalı parlamentar Quba Soyqırımı Memorial Kompleksində və Qırmızı Qəsəbədə olub https://tebrizgazetesi.com/kanadali-parlamentar-quba-soyqirimi-memorial-kompleksind%c9%99-v%c9%99-qirmizi-q%c9%99s%c9%99b%c9%99d%c9%99-olub-h49739.html Wed, 20 Sep 2023 21:22:37 +0000 https://1453kralmedya.com/kanadali-parlamentar-quba-soyqirimi-memorial-kompleksind%c9%99-v%c9%99-qirmizi-q%c9%99s%c9%99b%c9%99d%c9%99-olub-h49739.html

 

 

 

 

Kanadalı parlamentar Quba Soyqırımı Memorial Kompleksində və Qırmızı Qəsəbədə olub
2023

Kanadalı parlamentar Quba Soyqırımı Memorial Kompleksində və Qırmızı Qəsəbədə olub

 

 

 

Ölkəmizə səfər çərçivəsində Kanada nümayəndə heyəti Azərbaycanın Quba rayonunu ziyarət edib.

 

 

 

Kanada İcmalar Palatasının üzvü, deputat Çandra Arya, Kanadanın nüfuzlu “Thej.ca” yəhudi media platformasının nəşriyyat direktoru Ron İst və Ottava şəhərində fəaliyyət göstərən “Qarabağ” Azərbaycan həftəsonu məktəbinin həmtəsisçisi Nigar Əliyevadan ibarət nümayəndə heyətinin Qubaya səfər proqramı şəhərdəki “Soyqırımı Memorial Kompleksi”ni ziyarətdən başlayıb. Eksponatlar və tarixi faktlarla tanışlıq qonaqlarda dəhşət doğurub. Ermənilərin azərbaycanlılara qarşı xüsusi qəddarlıqla törətdikləri Mart soyqırımını insanlığa zidd barbarlıq adlandıran qonaqlar xatirə kitabına ürək sözlərini yazıblar.

 

 

 

 

Kanada nümayəndə heyətinin getdiyi növbəti ünvan Dağ yəhudilərinin kompakt şəkildə məskunlaşdığı Qırmızı Qəsəbə olub. Qonaqlar buradakı sinaqoqların və Ümumdünya Dağ Yəhudilərinin Tarix-Etnoqrafiya Muzeyinin fəaliyyəti ilə tanış olublar. Səfər Roş-Ha-Şan bayramına təsadüf etdiyindən “Thej.ca” yəhudi media platformasının nəşriyyat direktoru Ron İst yeni il bayramını yəhudi əsilli Azərbaycan vətəndaşları ilə birlikdə qeyd etmək fürsətini böyük xöşbəxtlik adlandırıb.

 

 

 

Səfər çərçivəsində kanadalı parlamentar Quba Rayon İcra Hakimiyyətinin başçısı İlqar Mahmudovla görüşüblər. Qubanın tarixi, rayondakı multikultural və tolerant mühit, müxtəlif xalqların əsrlər boyu mehriban bir ailə kimi birgə yaşayışı, rayonun adət-ənənələri, iqtisadiyyatı, son illərdə rayonda görülmüş işlər, ölkəmizin inkişafı, əldə etdiyi naliyyətləri, torpaqlarımızın 30 illik işğaldan azad olunması haqqında qonağa geniş məlumat verilib.

 

 

 

Kanadalı parlamentar Çandra Arya müxtəlif etnosların Qubada sülh və əmin-amanlıq içində yaşamasını yüksək qiymətləndirib və bunu Azərbaycanda mövcud olan multikulturalizm və tolerantlıq ənənələrinin bariz nümunəsi adlandırıb.

Qeyd edək ki, Qubaya səfər zamanı Kanada nümayəndə heyətini Diasporla İş üzrə Dövlət Komitəsinin əməkdaşı Fidan Rüstəmzadə müşayiət edib.

 

 

 

 

Kanadalı parlamentarın ölkəmizə səfəri Diasporla İş üzrə Dövlət Komitəsinin “Beynəlxalq ictimaiyyətin Azərbaycan həqiqətləri ilə məlumatlandırılması” layihəsi çərçivəsində gerçəkləşdirilib.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanadali-parlamentar-quba-soyqirimi-memorial-kompleksinde-ve-qirmizi-qesebede-olub-3467

 

 

 

 

 

 

]]> Oslodakı Azərbaycan məktəbində 31 Mart soyqırımından bəhs edilib https://tebrizgazetesi.com/oslodaki-az%c9%99rbaycan-m%c9%99kt%c9%99bind%c9%99-31-mart-soyqirimindan-b%c9%99hs-edilib-h42923.html Fri, 07 Apr 2023 12:54:51 +0000 https://1453kralmedya.com/oslodaki-az%c9%99rbaycan-m%c9%99kt%c9%99bind%c9%99-31-mart-soyqirimindan-b%c9%99hs-edilib-h42923.html

 

 

 

Oslodakı Azərbaycan məktəbində 31 Mart soyqırımından bəhs edilib
, 2023
Oslodakı Azərbaycan məktəbində 31 Mart soyqırımından bəhs edilib

Norveçin paytaxtı Osloda fəaliyyət göstərən Nizami Gəncəvi adına Azərbaycan dili həftəsonu məktəbinin növbəti dərsi 31 Mart – Azərbaycanlıların Soyqırımı Gününə həsr olunub.

 

 

 

 

Şagirdlərə erməni və bolşevik silahlı dəstələrinin Azərbaycan xalqına qarşı törətdikləri 31 Mart soyqırımının tarixi haqqında məlumat verilib. Bildirilib ki, 1918-ci ilin mart və aprel aylarında Bakı, Şamaxı, Lənkəran, Quba və digər bölgələrimizdə aralarında qadınların, uşaqların və qocaların da olduğu on minlərlə azərbaycanlı qətlə yetirilib, evlər talana məruz qalıb, onlarla mədəniyyət abidəsi yandırılaraq məhv edilib.

Azərbaycan Xalq Cümhuriyyəti dövründə bu qanlı qırğına siyasi və hüquqi qiymətin verilməsinin sovet işğalı nəticəsində yarımçıq qaldığı, 70 illik sovet imperiyası dövründə cinayətin gizlədildiyi nəzərə çatdırılıb. Azərbaycanın dövlət müstəqilliyinin bərqərar olunmasından sonra xalqımızın ümummilli lideri Heydər Əliyevin 26 mart 1998-ci il tarixli Fərmanı əsasında soyqırıma siyasi qiymətin verildiyi, 31 mart tarixinin ölkəmizdə və dünyanın müxtəlif ölkələrində Azərbaycanlıların Soyqırımı Günü kimi yad edildiyi vurğulanıb.

Sonra uşaqlar faciəyə həsr olunmuş rəsmlər çəkiblər və panno hazırlayıblar.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/oslodaki-azerbaycan-mektebinde-31-mart-soyqirimindan-behs-edilib-2730

 

 

]]> Eskişehirdə 31 Mart – Azərbaycanlıların Soyqırımı Günündən bəhs edilib https://tebrizgazetesi.com/eskisehird%c9%99-31-mart-az%c9%99rbaycanlilarin-soyqirimi-gunund%c9%99n-b%c9%99hs-edilib-h42647.html Fri, 31 Mar 2023 04:33:55 +0000 https://1453kralmedya.com/eskisehird%c9%99-31-mart-az%c9%99rbaycanlilarin-soyqirimi-gunund%c9%99n-b%c9%99hs-edilib-h42647.html

 

 

 

Eskişehirdə 31 Mart – Azərbaycanlıların Soyqırımı Günündən bəhs edilib
, 2023
Eskişehirdə 31 Mart – Azərbaycanlıların Soyqırımı Günündən bəhs edilib

Türkiyənin Eskişehir şəhərində keçirilən ənənəvi “Çərşənbə Söhbətləri” toplantısının növbəti mövzusu 31 Mart – Azərbaycanlıların Soyqırımı Gününə həsr edilib.

Eskişehir Azərbaycanlılar Dərnəyinin təşkil etdiyi həftəlik toplantıda dərnək üzvləri, azərbaycanlı tələbələr və yerli ictimaiyyətin nümayəndələri iştirak ediblər.

Dərnəyin koordinatoru Cavid Əmirov 1918-ci il martın 30-dan aprelin 3-dək bolşeviklərin və erməni silahlı quldurlarının Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Qarabağ, Naxçıvan və digər ərazilərdə Azərbaycan xalqına qarşı törətdikləri qanlı qətliamlar barədə ətraflı məlumat verib.

 

 

 

 

 

Bildirib ki, Bakı Sovetinin etnik erməni olan rəhbəri Stepan Şaumyanın göstərişi ilə martın 30-dan başlayaraq Bakıda aralarında qadınların, körpələrin və yaşlı insanların da olduğu minlərlə dinc Azərbaycan türkü və müsəlman əhalisi vəhşicəsinə qətlə yetirilib, yaşayış məntəqələri, milli memarlıq abidələri, məscidlər, qəbiristanlıqlar dağıdılıb, Bakının böyük bir hissəsi xarabalığa çevrilib. Nəzərə çatdırıb ki, ötən illər ərzində Azərbaycanda aparılmış araşdırmalar sayəsində bir çox yeni faktlar və sənədlər toplanıb, Quba şəhərində kütləvi məzarlıq aşkarlanıb, Şamaxı hadisələri ilə əlaqədar tədqiqat işləri aparılır. “Üzə çıxmış tarixi faktlar 1918-ci ilin mart-aprel aylarında və sonrakı dövrlərdə ermənilərin həyata keçirdikləri qanlı cinayətlərin coğrafiyasının daha geniş və faciə qurbanlarının sayının dəfələrlə çox olduğunu sübuta yetirir. Azərbaycan türklərinə qarşı edilmiş bu vəhşiliyi və cinayətləri unutmamalıyıq. Erməni vəhşiliyinə beynəlxalq müstəvidə lazımi siyasi-hüquqi qiymət verilməlidir”, – deyə koordinator vurğulayıb.

Sonra toplantı iştirakçılarının sualları cavablandırılıb.

Xatırladaq ki, müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin 26 mart 1998-ci il tarixli Sərəncamı ilə 31 mart tarixi Azərbaycanlıların Soyqırımı Günü kimi qeyd olunur.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/eskisehirde-31-mart-azerbaycanlilarin-soyqirimi-gununden-behs-edilib-2710

 

 

 

]]>