“Qarabağ Azərbaycandır!” – Tebriz Gazetesi

Diasporla İş üzrə Dövlət Komitəsi – Trakya Universitetində “Zəfərə doğru uzanan yol” adlı konfrans keçirilib

Sun, 27 Sep 2026 18:21:54 +0000

Diasporla İş üzrə Dövlət Komitəsi – Trakya Universitetində “Zəfərə doğru uzanan yol” adlı konfrans keçirilib

Türkiyənin Ədirnə şəhərinin Trakya Universitetində 27 Sentyabr – Anım Gününə həsr olunan “Zəfərə doğru uzanan yol” adlı konfrans keçirilib.

Konfrans Ədirnə Valiliyinin, Trakya Universitetinin, Azərbaycan Respublikasının Diasporla İş üzrə Dövlət Komitəsinin, Azərbaycanın İstanbul şəhərindəki Baş Konsulluğunun, Türkiyə-Azərbaycan Dərnəkləri Federasiyasının (TADEF) və Ədirnə Azərbaycan Evi Mədəniyyət və Həmrəylik Dərnəyinin birgə təşkilatçılığı ilə keçirilib.

Tədbirdə Azərbaycan və Türkiyənin dövlət və ictimaiyyət nümayəndələri, millət vəkilləri, diplomatlar, diaspor təşkilatlarının rəhbərləri, Trakya Universitetinin professor-müəllim heyəti, tələbələr və digər qonaqlar iştirak ediblər.

İştirakçılar əvvəlcə Ermənistanın işğalçılıq siyasəti nəticəsində Azərbaycan ərazilərində törədilən vandalizm və dağıntıları əks etdirən fotosərgi ilə tanış olublar.

Daha sonra konfrans öz işinə başlayıb. Azərbaycanın ərazi bütövlüyü və suverenliyi uğrunda canlarından keçən qəhrəman şəhidlərin əziz xatirəsi bir dəqiqəlik sükutla yad edilib, ardınca Azərbaycan və Türkiyənin Dövlət himnləri səsləndirilib.

Konfransda Diasporla İş üzrə Dövlət Komitəsinin Vətən müharibəsi dövründə xarici ölkələrdə keçirdiyi aksiya və mitinqləri, eləcə də Azərbaycan Respublikasının Prezidenti İlham Əliyevin həmin dövrdə beynəlxalq və xarici media nümayəndələrinə müsahibə və çıxışlarını əks etdirən videoçarx nümayiş olunub.

Tədbirdə Azərbaycan Respublikasının Diasporla İş üzrə Dövlət Komitəsinin sədrinin birinci müavini Valeh Hacıyev, Azərbaycanın İstanbuldakı Baş konsulu Zamin Əliyev, Türkiyə Böyük Millət Məclisinin deputatı, Azərbaycan-Türkiyə parlamentlərarası dostluq qrupunun rəhbəri Şamil Ayrım, Ədirnə Bələdiyyə başqanı Filiz Fencan, Trakya Universitetinin rektoru, professor Mustafa Hatipler, Ədirnə Valisinin müavini Şevket Atlı, Türkiyə-Azərbaycan Dərnəkləri Federasiyasının (TADEF) sədri Adalət Turan və Ədirnə Azərbaycan Evi Mədəniyyət və Həmrəylik Dərnəyinin sədri Tamer Karadağ çıxış ediblər.

Çıxışlarda 27 Sentyabr – Anım Gününün əhəmiyyəti, Azərbaycanın ərazi bütövlüyünün və suverenliyinin bərpası, Vətən müharibəsində qazanılmış tarixi Zəfərə aparan yol, Ermənistanın işğal dövründə Azərbaycan ərazilərində törətdiyi vandalizm, eləcə də Azərbaycan-Türkiyə qardaşlığı və strateji müttəfiqliyinin əhəmiyyəti vurğulanıb.

Konfrans panel müzakirəsi ilə davam edib. Paneldə Azərbaycan Respublikası Milli Məclisi sədrinin müavini, professor Musa Qasımlı Vətən müharibəsinin tarixi və siyasi əhəmiyyəti, Zəfərə aparan yol və müharibənin nəticələrindən danışıb.

Bədii hissədə Azərbaycan Respublikasının Xalq artisti Əlixan Səmədov, Mersin Universitetinin müəllimi Mələk Qocayevanın müşayiətilə Əməkdar artist Anar Şuşalının ifasında Azərbaycan-Türkiyə qardaşlığına və müttəfiqliyinə, xalqımızın qəhrəmanlığına həsr olunan musiqi nömrələri təqdim edilib.

Diasporla İş üzrə Dövlət Komitəsi – Trakya Universitetində “Zəfərə doğru uzanan yol” adlı konfrans keçirilib

https://x.com/DiasporaAz/status/2104171866395177223

Diasporla İş üzrə Dövlət Komitəsi – Trakya Universitetində “Zəfərə doğru uzanan yol” adlı konfrans keçirilib

Abdullah Yiğit — Sun, 27 Sep 2026 17:39:20 +0000

Diasporla İş üzrə Dövlət Komitəsi – Trakya Universitetində “Zəfərə doğru uzanan yol” adlı konfrans keçirilib

Türkiyənin Ədirnə şəhərinin Trakya Universitetində 27 Sentyabr – Anım Gününə həsr olunan “Zəfərə doğru uzanan yol” adlı konfrans keçirilib.

Diasporla İş üzrə Dövlət Komitəsi – Trakya Universitetində “Zəfərə doğru uzanan yol” adlı konfrans keçirilib

https://x.com/DiasporaAz/status/2104171866395177223

Almaniyadakı boksçularımız qələbələrini Zəfər Gününə həsr ediblər

Abdullah Yiğit — Wed, 15 Nov 2023 10:31:05 +0000

Almaniyadakı boksçularımız qələbələrini Zəfər Gününə həsr ediblər

, 2023

Almaniyadakı boksçularımız qələbələrini Zəfər Gününə həsr ediblər

Almaniyanın Marl şəhərində keçirilmiş boks üzrə beynəlxalq turnirdə azərbaycanlı boksçular uğurla çıxış ediblər.

Məşqçi Ağəli Alışov bildirib ki, turnirdə Şvelm şəhərində fəaliyyət göstərən “Fight Club Stolz” boks klubunu təmsil edən 4 idmançı soydaşımızdan ikisi qələbə qazanıb.

Təltif mərasimindən sonra Azərbaycan bayrağına bürünən və “Qarabağ Azərbaycandır!” şüarını səsləndirən qalib boksçularımız öz uğurlarını Azərbaycanın Zəfər Gününə və şəhidlərimizin əziz ruhuna həsr etdiklərini bildiriblər.

Qeyd edək ki, Şvelm şəhərində “Fight Club Stolz” idman klubu 2023-cü il yanvarın 10-da açılıb. Bundan öncə “Qələbə” Gənclər Təşkilatı kimi fəaliyyət göstərib və 25 sentyabr 2019-cu ildə Almaniyada rəsmi qeydiyyatdan keçib.

Almaniyada yaşayan Ağəli Alışov azərbaycanlı peşəkar boksçu və EBA (WBA) versiyası üzrə Avropa çempionudur.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/almaniyadaki-bokscularimiz-qelebelerini-zefer-gunune-hesr-edibler-3806

Azərbaycan Millət vəkili Məşhur Məmmədov, “Haqlı tərəf bizik..”, ÖZEL

Abdullah Yiğit — Tue, 14 Nov 2023 22:03:30 +0000

Azərbaycan Millət vəkili Məşhur Məmmədov,
“Haqlı tərəf bizik..”, ÖZEL

Millet vekili Meşhur Memmedov,

“Dörd il bundan əvvəl Xankəndi şəhər stadionunda Ermənistanın baş naziri çıxış edərkən təkəbbürlə demişdi: “Qarabağ Ermənistandır və nöqtə”. Doğrudur, o hadisədən az sonra “Valday”da “Qarabağ Azərbaycandır və nida işarəsi” deyən, Prezident İlham Əliyev Paşinyanın cavabını qətiyyətlə versə də, tam 1 il sonra biz ona, onun kimilərə və onların arxasında duranlara döyüş meydanında qan tökərək, şəhidlər verərək göstərdik ki, o, səhv yoldadır. Biz döyüşərək, vuruşaraq göstərdik ki, Qarabağ Azərbaycandır. Bu gün hər kəs bilməlidir ki, bizimlə bundan sonra heç kim diqtə dili ilə danışa bilməz.

Cənab Prezident, Silahlı Qüvvələrin Ali Baş Komandanı İlham Əliyev cari ilin 8 noyabr tarixində Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi paradda çıxışı zamanı bir daha Ermənistana önəmli xəbərdarlıqlar etdi: “Bizi heç kim və heç nə dayandıra bilməz, Qarabağ Azərbaycan torpağıdır və burada vəziyyəti biz diktə edirik. Əgər rəsmi İrəvan bizim sözümüzə baxsaydı, sentyabr ayında keçirilmiş antiterror tədbirinə ehtiyac qalmazdı. Onların bütün bəlalarının səbəbkarları elə onların özləridir. Onların bəlaları təkcə üç il bundan əvvəl başlamayıb, hələ 1990-cı illərin əvvəlində başlayıb. O vaxt Azərbaycanın çörəyini yemiş, Azərbaycanın suyunu içmiş nankor kütlə Azərbaycana qarşı ərazi iddiası qaldırmışdır”. Erməni xalqının bəlalarının səbəbkarları Ermənistana rəhbərlik etmiş şəxslərdir. Onlar hesab edirdilər ki, Azərbaycanın dədə-baba torpaqlarımını əbədi işğal altında saxlayacaqlar. Özləri buna inanmışdılar, xarici tərəfdaşları da inandırmağa çalışırdılar ki, onların güclü orduları var, onların güclü potensialı var, güclü himayədarları var və Azərbaycan heç vaxt torpaqları hərbi yolla azad etməyə cürət etməyəcək. Düzgün strategiya nəticəsində sentyabr ayında keçirilmiş antiterror tədbiri bir gündən də az çəkdi. Azərbaycan Ordusu peşəkarlıq və qəhrəmanlıq göstərərək, bütün strateji yerlərə çıxaraq, qısa müddət ərzində o əməliyyatın taleyini həll etdi və düşmən ordusu təslim olmağa məcbur oldu. Nəinki təslim oldu, hətta 30 il bundan əvvəl bizim torpağımızda yaratdıqları qondarma rejimə də xitam verildi, o rejim də süqut etdi, halbuki bu, qanunsuz rejim idi.

Sentyabrda keçirilən antiterror tədbirləri ilə Azərbaycan ordusu Müzəffər Ali Baş Komandanın rəhbərliyi altında tarixi ədaləti tam bərpa etdi. 20 sentyabr 2023-cü il bizim tariximizdə şanlı gün kimi qalacaq, necə ki, 8 Noyabr qalıb. Noyabrın 8-də Şuşa əməliyyatından sonra düşmən ordusunun demək olar ki, sütunu qırıldı və bir gün sonra kapitulyasiya aktına imza atdı. Bu il aprelin 23-də biz Laçın istiqamətində Azərbaycan-Ermənistan sərhədini nəzarətə alaraq ərazi bütövlüyümüzü, sentyabrın 20-də dövlət suverenliyini tam bərpa etdik. Biz 20 il ərzində bu günə doğru gedirdik, hazırlıq işləri gedirdi. Beynəlxalq hüquq müstəvisində Azərbaycan mövqeləri möhkəmləndirilirdi. Siyasi müstəvidə apardığımız uğurlu fəaliyyət nəticəsində bütün dünya artıq bilməyə başlamışdır ki, haqlı tərəf bizik. İqtisadi sahədə apardığımız islahatlar imkan verdi ki, müstəqil iqtisadiyyat quraq, heç kimdən asılı olmayaq, öz həyatımızı özümüz quraq. Güclü siyasi iradə imkan verdi ki, müstəqil xarici siyasət aparaq, daxili siyasət aparaq, imkan verməyək kimsə bizim işimizə müdaxilə etsin. Qələbəyə aparan əsas amillərdən biri müasir ordu quruculuğudur. Ötən illər ərzində ordu quruculuğu ölkəmiz üçün bir nömrəli vəzifə idi. Maddi-texniki təchizat, silah-sursatla təchizat, ordumuzun döyüş qabiliyyətinin qaldırılması və ilk növbədə, gənclərimizin vətənpərvərlik ruhunda tərbiyə edilməsi qələbəyə aparan əsas amillərdir. Nə qədər sənin silahın, sursatın olsa belə, nə qədər müasir hərbi texnologiyalardan istifadə etsən belə, qələbəni əldə edən əlində silah olan əsgərdir, zabitdir. O, sinəsini qabağa verir, ölümə getməyə hazırdır və biz bunu göstərdik. Ən çətin, əlverişsiz coğrafi vəziyyətdə müdafiə zolağını yararaq, döşənmiş bir milyondan artıq minanın üzərindən keçərək, təpələrdə yerləşmiş düşmən mövqelərini məhv edərək,

Azərbaycan əsgər və zabiti əsl qəhrəmanlıq və şücaət göstərmişdir. Onların qəhrəmanlıqları heç zaman unudulmayacaq, həmişə fəxarətlə yad ediləcək. Bizə yeni müharibə lazım deyil. Biz istədiyimizə nail olduq, beynəlxalq hüququ bərpa etdik, tarixi ədaləti bərpa etdik, milli ləyaqətimizi bərpa etdik, düşmənə yerini göstərdik. Antiterror tədbirlırindən sonra separatçıların kitabı bağlandı. Artıq Azərbaycanda separatçılığa yer olmayacaq. Azərbaycan dövləti bu gün bütün ərazilərinə peşəkar ordusu ilə nəzarət edir.”

Ülker PİRİYEVA/AZERBAYCAN

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

Abdullah Yiğit — Sat, 02 Sep 2023 19:59:54 +0000

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

, 2023

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

Niderland Krallığında fəaliyyət göstərən Azərbaycan icmasının fəal üzvləri Haaqa Ədalət Sarayının önündə dinc aksiyası keçirib.

Niderland-Belçika Azərbaycanlıları Koordinasiya Şurasının dəstəyi və “Ana Vətən” Avropa Azərbaycanlı Qadınlar Birliyinin təşkilatçılığı ilə baş tutan aksiya ölkəmizə qarşı 30 il ərzində qəsbkar və təcavüzkar siyasət yürütmüş Ermənistanın dünya ictimaiyyətini yenidən siyasi, hərbi və informasiya yönümlü manipulyasiya kampaniyası üçün alətə çevirmək və Azərbaycanın Qarabağ bölgəsində təxribatlar törətmək cəhdlərinə etiraz məqsədilə gerçəkləşdirilib.

Aksiya zamanı Azərbaycanın və Türkiyənin bayraqları dalğalandırılıb, musiqiçilərimizin ifasında ölkəmizin Qarabağ bölgəsinə həsr olunmuş muğam parçalaları və mahnılar səsləndirilib.

Niderland ictimaiyyətinin diqqəti “Azərbaycan sülh istəyir, Ermənistan müharibə istəyir”, “Ermənistan sülhü rədd edir, müharibəni seçir”, “Ermənistan, sülh sazişini imzala!”, “Ermənistan faktları təhrif edir, dünya ictimaiyyətini aldadır”, “Azərbaycan torpaqlarında Ermənistan əsgəri olmamalıdır!”, “Ermənistan, hücumu dayandır!”, “Ermənistan, bizim torpaqlarımızın minalandırılmasını dayandır!”, “Ermənilərin minaları dinc sakinləri öldürür!”, “Ermənistan minaları = müharibə cinayətləri!”, “Azərbaycan ərazilərində ekoloji terrorun törədilməsinə son qoyulsun!”, “Ermənistan İrəvandakı Azərbaycan mədəni irsini məhv edir”, “Azərbaycanın təbii sərvətlərinin talanına son qoyulsun!”, “Ətraf mühitə düzəldilməsi mümkün olmayan ziyanın vurulmasına son qoyulsun!” və sair şüarların əks olunduğu plakatlara cəlb edilib.

Aksiya iştirakçıları beynəlxalq ictimaiyyətdən Azərbaycanın Qarabağ bölgəsində Ermənistanın hərbi və ekoloji terroruna son qoyulmasını, Azərbaycan vətəndaşlarının Qarabağda təhlükəsizliyinin və insan hüquqlarının təmin edilməsini, Azərbaycan dövlətinin sülh səylərinin dəstəklənməsini tələb ediblər.

Aksiya icma üzvlərinin birlikdə “Qarabağ Azərbaycandır!” şüarını səsləndirməsi ilə yekunlaşıb.

Qeyd edək ki, aksiya zamanı Haaqa sakinlərinə Ermənistanın hərbi və ekoloji cinayətlərini əks etdirən bukletlər paylanılıb. Bukletlərdə Azərbaycan ərazilərində basdırılmış minaların insan həyatını təhdid etdiyi, 2020-ci il müharibəsindən bəri Azərbaycanda mina qurbanlarının sayının 303 nəfərə çatdığı, rəsmi İrəvanın dəqiq mina xəritələrini təhvil verməkdən imtinasının insan hüquqlarını kobudcasına pozduğu, erməni KİV-lərinin azərbaycanlılara qarşı pis rəftarla bağlı pərakəndə sübutlar yaymasının III Cenevrə konvensiyasına zidd olduğu, bir neçə azərbaycanlı əsgərin girov götürülərkən fiziki, mənəvi işgəncələrə və təhqirlərə məruz qaldığı, Azərbaycanın Qarabağ bölgəsində qızıl və mis-molibden yataqlarının qeyri-qanuni istismar edildiyi, 60 min hektardan çox meşə sahəsinin darmadağın edildiyi, çaylarımızın çirkləndirildiyi və sair faktlar nəzərə çatdırılıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/niderlanddaki-icmamiz-haaqa-seherinde-ermenistanin-herbi-ve-ekoloji-texribatlarina-etiraz-edib-3417