Mərkəzinin – Tebriz Gazetesi

Girnədə Azərbaycan Beynəlxalq Mədəniyyət Mərkəzinin açılışı olub

Abdullah Yiğit — Mon, 20 May 2024 07:01:07 +0000

Girnədə Azərbaycan Beynəlxalq Mədəniyyət Mərkəzinin açılışı olub

2024

Girnədə Azərbaycan Beynəlxalq Mədəniyyət Mərkəzinin açılışı olub

Şimali Kipr Türk Cümhuriyyətinin (ŞKTC) Girnə şəhərində Azərbaycan Beynəlxalq Mədəniyyət Mərkəzinin açılış mərasimi keçirilib.

Tədbirdə Şimali Kipr Türk Cümhuriyyətinin Prezidenti Ersin Tatar, Şimali Kipr Türk Cümhuriyyəti Məclisinin Baş Naziri Ünal Üstəl və digər nazirlər, parlamentlərarası əlaqələr üzrə Azərbaycan-ŞKTC və Türkiyə-ŞKTC işçi qruplarının üzvləri, Azərbaycan Respublikasının Diasporla İş üzrə Dövlət Komitəsinin əməkdaşları, ictimaiyyət nümayəndələri və jurnalistlər iştirak ediblər.

Mərasim iştirakçıları Azərbaycan xalqının ümummilli lideri Heydər Əliyevin, eləcə də Azərbaycan, ŞKTC və Türkiyə uğrunda həyatlarını qurban vermiş şəhidlərin xatirəsini bir dəqiqəlik sükutla yad ediblər.

Azərbaycan-ŞKTC Dostluq Cəmiyyətinin rəhbəri Orxan Həsənoğlu mərkəzin açılışını ŞKTC və Azərbaycan xalqlarının yaxınlaşmasına növbəti mühüm töhfə adlandırıb. O, yaxın günlərdə Lefkoşada Heydər Əliyevin abidəsinin ucalacağına ümid etdiyini bildirib.

Azərbaycan Respublikasının Diasporla İş üzrə Dövlət Komitəsinin əməkdaşı Cavid İsmayıl xatırladıb ki, Azərbaycan Prezidenti İlham Əliyev və Birinci vitse-prezident Mehriban xanım Əliyevanın tapşırıq və tövsiyələrinə uyğun olaraq hazırda dünyanın 15 ölkəsində Dövlət Komitəsinin dəstəyi ilə 29 Azərbaycan Evi fəaliyyət göstərir. “Əminəm ki, ŞKTC-dəki mərkəz Azərbaycanın beynəlxalq mədəniyyətlərarası əlaqələrin inkişafında daha bir həlqə olacaq”, – deyə Cavid İsmayıl qeyd edib.

Milli Məclisin Mədəniyyət komitəsinin sədri Fazil Mustafa Azərbaycan-Kipr əlaqələrinin yüksələn xətlə getməsinin hər iki ölkənin milli mənafeyinə uyğun olduğunu vurğulayıb.

Azərbaycan-Şimali Kipr parlamentlərarası əlaqələr üzrə işçi qrupunun rəhbəri Cavanşir Feyziyev Azərbaycan tərəfinin ŞKTC ilə əlaqələrin, o cümlədən mədəniyyət və təhsil sahələrində inkişafına hazır olduğunu bildirib. Azərbaycan-ŞKTC Dostluq Cəmiyyətinin fəaliyyətini yüksək qiymətləndirib.

ŞKTC parlamentinin sədri Zorlu Töre türk dövlətlərinin müstəqilliyinin şəhidlərin sayəsində gerçəkləşdiyini bildirib.

ŞKTC Prezidenti Ersin Tatar türk dünyasının birləşməsi ilə bağlı ulu öndər Heydər Əliyevin arzularının hər gün daha çox gerçək olduğunu deyib, bu tarixi günlərə görə Azərbaycan Prezidenti İlham Əliyevə və Türkiyə Prezidenti Rəcəb Tayyib Ərdoğana təşəkkür edib.

Daha sonra proqrama uyğun olaraq Ümummilli Lider Heydər Əliyevin büstünün açılışı olub. Tədbir iştirakçıları mərkəzin açılışı şərəfinə qırmızı lenti kəsiblər. Mərkəzdə “Azərbaycan bizim qəlbimizdə” adlı fotosərginin də açılışı olub. Daha sonra “Türkiyə-Azərbaycan-ŞKTC əlaqələrinin gələcəyi” mövzusunda konfrans keçirilib.

Qeyd edək ki, Girnədəki Azərbaycan Beynəlxalq Mədəniyyət Mərkəzinin binasında tədbirlərin, o cümlədən sərgilərin keçirilməsi üçün hər cür şərait yaradılıb. Burada Heydər Əliyev irsinin tədqiqi mərkəzi, kitabxana, incəsənət emalatxanası, Tədqiqatlar və Robotlaşdırılmış Kodlaşdırma Mərkəzi, Azərbaycan milli rəqsləri dərnəyi, türk dilinin öyrənilməsi şöbəsi fəaliyyət göstərir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/girnede-azerbaycan-beynelxalq-medeniyyet-merkezinin-acilisi-olub-4698

Gürcüstan Azərbaycanlılarının İnteqrasiya Mərkəzinin tələbələri beynəlxalq gimnastika festivalına qatılıb

Abdullah Yiğit — Sat, 04 May 2024 09:18:07 +0000

Gürcüstan Azərbaycanlılarının İnteqrasiya Mərkəzinin tələbələri beynəlxalq gimnastika festivalına qatılıb
2024

Gürcüstan Azərbaycanlılarının İnteqrasiya Mərkəzinin tələbələri beynəlxalq gimnastika festivalına qatılıb
27-28 aprel tarixində Tbilisi şəhərində 4-cü beynəlxalq “Tbilisi Gymnaestrada” festivalı keçirilib. Gürcüstanın müxtəlif bölgələrindən və Azərbaycandan ümumilikdə 900-dən çox gimnastın iştirak etdiyi festivala Gürcüstan Azərbaycanlılarının İnteqrasiya Mərkəzinin gimnastika kursunun təlimçisi İnessa Rodinanın da tələbələri qatılıb. 11 gimnastdan ibarət komanda festivalda iştiraka və qrup şəklində uğurlu çıxışa görə medallarla təltif olunub.

Qeyd edək ki, GAİM-in gimnastika kursu 2019-cu ildən fəaliyyət göstərir. İlk dəfə olaraq 2023-cü ilin dekabr ayında Rustavi şəhərinin Kvemo-Kartli bölgəsində keçirilən yarışda mərkəzin tələbələri qrup rəqsində 1-ci yerin sahibi olub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/gurcustan-azerbaycanlilarinin-inteqrasiya-merkezinin-telebeleri-beynelxalq-gimnastika-festivalina-qatilib-4609

İlham Əliyev Bərdədə Qarabağ Regional DOST Mərkəzinin və Qarabağ Regional Peşə Hazırlığı Mərkəzinin açılışında iştirak edib

Abdullah Yiğit — Wed, 09 Aug 2023 19:35:43 +0000

İlham Əliyev Bərdədə Qarabağ Regional DOST Mərkəzinin və Qarabağ Regional Peşə Hazırlığı Mərkəzinin açılışında iştirak edib

2023,
İlham Əliyev Bərdədə Qarabağ Regional DOST Mərkəzinin və Qarabağ Regional Peşə Hazırlığı Mərkəzinin açılışında iştirak edib

Azərbaycan Respublikasının Prezidenti İlham Əliyev avqustun 7-də Bərdədə Əmək və Əhalinin Sosial Müdafiəsi Nazirliyinin Qarabağ Regional DOST Mərkəzinin və Qarabağ Regional Peşə Hazırlığı Mərkəzinin açılışında iştirak edib.

Əmək və əhalinin sosial müdafiəsi naziri Sahil Babayev dövlətimizin başçısına görülən işlər barədə məlumat verdi.

Qeyd edək ki, DOST Agentliyi Azərbaycan Respublikası Prezidentinin 2018-ci il 9 avqust tarixli Fərmanı ilə yaradılıb. Agentliyin DOST mərkəzləri vasitəsilə tam şəffaf və vətəndaş məmnunluğu prinsipləri əsasında məşğulluq, əmək, əlillik və sosial müdafiə sahələrində “bir pəncərə” prinsipi ilə 15 istiqamət üzrə 159 xidmət göstərilir. Hazırda Azərbaycanda 6 DOST Mərkəzi fəaliyyət göstərir. Bu mərkəzlərdə indiyədək 1 milyon 673 min nəfərə xidmət göstərilib. Vətəndaşların xidmətlərdən məmnunluq dərəcəsi 98,2 faiz təşkil edir. 2025-ci ilədək mərkəzlərin sayının 17-yə (o cümlədən Bakıda 5, regionlarda 12), yerlərdə xidmətlərin təşkili məqsədilə filialların sayının 55-ə çatdırılması planlaşdırılır.

Bildirildi ki, Qarabağ Regional DOST Mərkəzinin dördmərtəbəli binası ən yüksək tələblərə cavab verir. Burada 123 işçi çalışacaq, “Könüllü DOST” proqramı üzrə 50 könüllü fəaliyyət göstərəcək. Mərkəzdə gün ərzində orta hesabla 650-700 vətəndaşın qəbulu nəzərdə tutulur. Qarabağ Regional Dost Mərkəzinin əhatə dairəsinə 9 inzibati rayon daxildir. Burada ümumilikdə 770 mindən çox əhaliyə xidmət göstəriləcək. Onlardan 170 mini bilavasitə sosial müdafiəyə cəlb olunan şəxslərdir.

Binanın birinci mərtəbəsində DOST İnklüziv İnkişaf və Yaradıcılıq Mərkəzinin benefisiarları tərəfindən hazırlanmış dulusçuluq (keramika), floristika, ağacoyma, vitraj və boyama sənəti üzrə əl işlərindən ibarət sərgi təşkil olunub.

Məlumat verildi ki, hazırda Mərkəzdə 14 yaradıcılıq istiqaməti üzrə 195 benefisiara xidmət göstərilir. Onların 146-sı fərdi müraciət əsasında, 49-u müəssisələrlə fərdi əməkdaşlıq çərçivəsində qəbul olunub. Bu benefisiarların 37 nəfəri 6-10, 59 nəfəri 11-18, 99 nəfəri isə 18 yaşından yuxarıdır.

Prezident İlham Əliyev Qarabağ Regional Peşə Hazırlığı Mərkəzi ilə də tanış oldu.

Məlumat verildi ki, Mərkəzdə 7 emalatxana, 8 sinif və instruksiya otağı, Peşəyönümlü və Karyera Planlaması Mərkəzi, inzibati və texniki otaqlar mövcuddur. Burada 48 peşə istiqaməti, o cümlədən dərzi, tikişçi, dizayner, aşpaz, ofisiant, bərbər, vizajist, çilingər, dülgər, tornaçı, xarrat, mebel ustası, rəngsaz, qaynaqçı, santexnik və digər peşələr üzrə tədrisin həyata keçirilməsi üçün infrastruktur yaradılıb. Mərkəzdə bir dəfədə 300, ildə isə 1200 nəfərin hazırlıq keçməsi nəzərdə tutulub. Qarabağ Regional Peşə Hazırlığı Mərkəzində 20 nəfərlik heyət fəaliyyət göstərəcək.

Dövlətimizin başçısına ölkəmizdə peşə hazırlığı istiqamətində görülən işlər barədə məlumat verildi.

Bildirildi ki, hazırda Bakı, Göyçay, Gəncə və Qarabağ Peşə Hazırlığı mərkəzləri fəaliyyət göstərir. DOST Konsepsiyasına uyğun olaraq, Quba, Cəbrayıl, Sabirabad, Şəki, Masallı, Ucar və Şamaxıda da Peşə Hazırlığı mərkəzləri açılacaq. Ümumilikdə 175 peşə və ixtisas üzrə tədris aparılır. Bu sahədə 100-dən çox əlavə təhsil müəssisəsi ilə əməkdaşlıq həyata keçirilir.

Ümumilikdə son beş ildə ölkəmizdə 1 milyondan çox şəxsə məşğulluq xidməti göstərilib, 425 min nəfər işlə təmin olunub. Həmçinin 68 min nəfər özünüməşğulluq xidməti, 20 min nəfər işsizlikdən sığorta ödənişi ilə təmin edilib, 18 min nəfər peşə hazırlığına, 473 min nəfər isə peşəyönümlü xidmətlərə cəlb olunub. Postmüharibə dövründə 19 min şəhid ailəsi üzvü və müharibə iştirakçısı müvafiq xidmətlərdən yararlanıb.

Azərbaycan Prezidentinə işğaldan azad edilmiş ərazilərdə həyata keçirilən məşğulluq tədbirləri barədə də məlumat verildi.

Qeyd olundu ki, indiyədək 129 min şəxsin təhlili aparılıb. Laçın, Füzuli rayonları, Ağalı və Talış kəndləri üzrə 2257 şəxslə iş aparılır, 200-dək işəgötürənlə əməkdaşlıq qurulub. Şuşaya köçürüləcək əhalidən 19 mindən çox şəxs təhlil olunub, 56 nəfərin məşğulluğu təmin edilib.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/60797

Niderlandın İsrail üzrə Məlumat və Sənədləşdirmə Mərkəzinin direktoru Dövlət Komitəsində olub

Abdullah Yiğit — Fri, 03 Feb 2023 08:07:45 +0000

Niderlandın İsrail üzrə Məlumat və Sənədləşdirmə Mərkəzinin direktoru Dövlət Komitəsində olub
, 2023

Niderlandın İsrail üzrə Məlumat və Sənədləşdirmə Mərkəzinin direktoru Dövlət Komitəsində olub

Diasporla İş üzrə Dövlət Komitəsində Niderlandın İsrail üzrə Məlumat və Sənədləşdirmə Mərkəzinin (CIDI) direktoru Hanna Ludenlə görüş keçirilib.

Görüşdə dövlətimizin diaspor siyasəti, həyata keçirilən layihələr, dünyadakı yəhudi icması ilə əməkdaşlıq əlaqələri, Azərbaycanda mövcud olan multikulturalizm və tolerantlıq dəyərləri, yəhudi icmasının və sinaqoqların ölkəmizdə təhlükəsiz şəkildə fəaliyyət göstərməsi barədə məlumat verilib.

Hanna Luden rəhbərlik etdiyi mərkəzin fəaliyyəti barədə ətraflı məlumat verib.

Sonra Azərbaycan və İsrail həqiqətlərinin Niderland ictimaiyyətinə çatdırılması istiqamətində əməkdaşlıq perspektivləri müzakirə edilib.

Görüşdə Niderlandda yaşayan diaspor fəalı Səltənət Rəvanqızı da iştirak edib.

Qeyd edək ki, İsraildə dünyaya gələn Hanna Luden 30 ildən artıqdır Niderlandda yaşayır, mərkəz direktoru olmaqla yanaşı, yerli və xarici mediada tez-tez məqalələrlə çıxış edir.

Niderlandda nüfuzlu təşkilat kimi tanınan CIDI 1974-cü ildə yaradılıb. Mərkəzin məqsədi yəhudi xalqının (dünyanın istənilən yerində) təhlükəsiz yaşamaq hüququnu müdafiə etmək, antisemitizmlə mübarizə aparmaq və İsrail haqqında dürüst məlumatların yayılmasına nail olmaqdır.

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/niderlandin-israil-uzre-melumat-ve-senedlesdirme-merkezinin-direktoru-dovlet-komitesinde-olub-2318