Kanadada – Tebriz Gazetesi

Kanadada Azərbaycan rəqsləri alqışlarla qarşılanıb

Sat, 18 Oct 2025 08:57:43 +0000

Kanadada Azərbaycan rəqsləri alqışlarla qarşılanıb

, 2025

Kanadada Azərbaycan rəqsləri alqışlarla qarşılanıb

Kanada Azərbaycan Evinin nəzdində fəaliyyət göstərən “Mənim Azərbaycanım” həftəsonu məktəbinin şagirdləri Toronto şəhərində keçirilən “Diwali” festivalında iştirak ediblər.

https://x.com/DiasporaAz/status/1978805749724676516

Şagirdlər festival çərçivəsində həftəsonu məktəbinin müəllimi Orxan İslamovun bədii rəhbərliyi ilə səhnəyə çıxaraq “Sarı Gəlin”, “Naz eləmə”, “Yallı” və digər Azərbaycan milli rəqslərini ifa ediblər. Rəqslərimiz böyük maraq və alqışlarla qarşılanıb.

https://x.com/DiasporaAz/status/1978805749724676516

Tədbirin sonunda “Mənim Azərbaycanım” həftəsonu məktəbinin şagirdlərinə festivalda fəal iştiraklarına görə sertifikatlar təqdim olunub.

Foto qalereya

https://x.com/DiasporaAz/status/1978805749724676516

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/kanadada-azerbaycan-reqsleri-alqislarla-qarsilanib-6207

https://x.com/DiasporaAz/status/1978805749724676516

Azərbaycan mədəniyyəti Kanadada uğurla təbliğ edilib

Wed, 30 Apr 2025 19:19:50 +0000

Azərbaycan mədəniyyəti Kanadada uğurla təbliğ edilib

30 aprel, 2025

Azərbaycan mədəniyyəti Kanadada uğurla təbliğ edilib

Kanadanın Ottava və Toronto şəhərlərində yaşayan soydaşlarımız Azərbaycanın zəngin mədəni irsinin, tarixinin və milli dəyərlərinin tanıdılması istiqamətində fəaliyyətlərini davam etdirirlər. Onlar bu məqsədlə müxtəlif tədbirlər keçirir, beynəlxalq festivallarda iştirak edirlər. Bu isə ölkəmizin dünyada təbliği baxımından olduqca əhəmiyyətlidir.

https://x.com/DiasporaAz/status/1917545922713485319

Belə tədbirlərdən biri Kanadanın paytaxtı Ottavada baş tutub. Azərbaycanlı Tələbələr Assosiasiyasının təşkil etdiyi tədbir “Azərbaycan Mədəniyyət Gecəsi – Azerbaijani Cultural Gala” adlanıb. Gecə Azərbaycanın zəngin mədəniyyətini, tarixini və milli dəyərlərini Kanadada yaşayan azərbaycanlı gənclərə, diaspor üzvlərinə, eləcə də yerli ictimaiyyətə tanıtmaq məqsədilə keçirilib. “Qarabağ” Azərbaycan dili məktəbinin şagirdləri ölkəmiz haqqında məlumatlar verib, şeirlər səsləndirib. “Mənim Azərbaycanım” həftəsonu məktəbinin şagirdləri isə milli rəqslərimizi ifa ediblər. Gecədə Azərbaycanın tarixinə həsr olunmuş təqdimatlar da yer alıb. Məkan daxilində qurulan dekorativ guşələr, milli atributlar və sənətkarlıq nümunələri iştirakçılara ölkəmizin zəngin tarixi və mədəni irsi ilə tanışlıq imkanı yaradıb.

https://x.com/DiasporaAz/status/1917545922713485319

Toronto şəhərində isə Kanada Azərbaycan Evinin nəzdində fəaliyyət göstərən “Mənim Azərbaycanım” həftəsonu məktəbinin şagirdləri Multikultural Uşaq Festivalına qatılıblar. Festival Kanada Türk Mədəniyyəti və Folklor Dərnəyinin təşkilatçılığı ilə keçirilib. Balaca soydaşlarımız həftəsonu məktəbinin rəqs müəllimi Orxan İslamovun rəhbərliyi ilə milli rəqs nömrələri təqdim ediblər. Xüsusilə ingilis dilində səsləndirilən “Ey əziz anam, Azərbaycan” mahnısının sədaları altındakı rəqs böyük marağa səbəb olub və alqışlarla qarşılanıb.

Foto qalereya

https://x.com/DiasporaAz/status/1917545922713485319

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/azerbaycan-medeniyyeti-kanadada-ugurla-teblig-edilib-5762

https://x.com/DiasporaAz/status/1917545922713485319

Kanadada “Türk İrsi Ayı” münasibətilə tədbir keçirilib

Abdullah Yiğit — Tue, 16 Apr 2024 19:49:16 +0000

Kanadada “Türk İrsi Ayı” münasibətilə tədbir keçirilib

2024

Kanadada “Türk İrsi Ayı” münasibətilə tədbir keçirilib

Kanada Azərbaycan icmasının üzvləri Kanadada oktyabr ayının “Türk İrsi Ayı” kimi tanınması ilə bağlı “Bill C-384” qanun layihəsinin təqdimat mərasimində iştirak ediblər.

Tədbirə həmvətənlərimizlə yanaşı, Kanada parlamentinin üzvləri Brayan Masse (Biran Masse), Rob Olifant (Rob Oliphant), Salma Zahid, Françesko Sorbara (Francesco Sorbara), Ya’ara Saks, Paul Çianq (Paul Chiang), Culi Dzeroviç (Julie Dzerowicz), Anita Indira Anand, senator Viktor Oh, Türkiyənin Kanadadakı səfiri Esra Demir və digər rəsmi şəxslər qatılıblar.

Çıxışçılar Kanadadakı türk icmalarının “Türk İrsi Ayı” çərçivəsində öz mədəniyyətlərini geniş təbliğ etmək imkanı qazanacaqlarını bildiriblər.

Tədbirdə “Vətən” Azərbaycan İncəsənət və Mədəniyyət Mərkəzinin rəhbəri, Kanada Azərbaycan Evinin icraçı direktoru Lalin Həsənovanın və evin nəzdində fəaliyyət göstərən “Mənim Azərbaycanım” həftəsonu məktəbinin rəqs müəllimi Orxan İslamovun təşkilatçılığı ilə məktəbin şagirdləri “Dağlar Gözəli”, “Naz eləmə” rəqslərini ifa ediblər.

Qeyd edək ki, qanun layihəsi deputat Brayan Massenin (Brian Masse) dəstəyi ilə hazırlanıb Kanada parlamentinə təqdim olunub. Layihə Kanada parlamentində müzakirə mərhələsindədir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanadada-turk-irsi-ayi-munasibetile-tedbir-kecirilib-4543

Kanadada Azərbaycan mətbəxindən nümunələr təqdim olunub

Abdullah Yiğit — Sat, 06 Apr 2024 15:39:58 +0000

Kanadada Azərbaycan mətbəxindən nümunələr təqdim olunub

2024

Kanadada Azərbaycan mətbəxindən nümunələr təqdim olunub

Kanadanın Alberta əyalətinin Baş naziri Daniyela Smitin (Daniella Smith) dəvəti ilə Alberta əyalətində fəaliyyət göstərən Azərbaycan, Türkiyə, Livan, Misir, Pakistan icmasının nümayəndələri Kalqari şəhərində iftar süfrəsində bir araya gəliblər. Tədbirdə Azərbaycan icmasını Alberta Azərbaycan Mədəniyyəti Cəmiyyəti (ALACS) təmsil edib. ALACS iftar mərasiminin qonaqlarına Azərbaycan və türk mətbəxinə xas olan ləziz təamlar, şirniyyatlar, kəklikotu çayı təqdim edib. ALACS-ın bu təşəbbüsü qonaqlar tərəfindən yüksək qiymətləndirilib.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/kanadada-azerbaycan-metbexinden-numuneler-teqdim-olunub-4508

Kanadada “Yaşıl dünya naminə həmrəylik ili” çərçivəsində COP29-a həsr olunmuş tədbir keçirilib

Abdullah Yiğit — Mon, 18 Mar 2024 19:58:40 +0000

Kanadada “Yaşıl dünya naminə həmrəylik ili” çərçivəsində COP29-a həsr olunmuş tədbir keçirilib

18 mart, 2024

Kanadada “Yaşıl dünya naminə həmrəylik ili” çərçivəsində COP29-a həsr olunmuş tədbir keçirilib

Kanadada fəaliyyət göstərən “Vətən” Azərbaycan Mədəniyyət və İncəsənət Mərkəzi, Azərbaycanlı Tələbələr və Məzunlar Platforması (ASAP) və Azərbaycanlı Tələbələr Assosiyasiyasının birgə təşkilatçılığı ilə Kanadanın Toronto Universitetində “Yaşıl dünya naminə həmrəylik ili” çərçivəsində forum keçirilib.

100-ə yaxın gəncin iştirakı ilə baş tutan forumda giriş sözü ilə çıxış edən Milli Məclisin deputatı, COP29 üzrə Birləşmiş Millətlər Təşkilatının (BMT) İqlim Dəyişikliyi üzrə Yüksək Səviyyəli Çempionu (UN Climate Change High-Level Champion) Nigar Arpadarai ekoloji proseslərdə gənclərin rolu və təhsilin əhəmiyyəti, ictimaiyyətin iştirakı, korporativ məsuliyyət kimi mövzulardan danışıb, COP29-un iqlim dəyişikliyinin azaldılmasına və yaşıl təcrübələrin təşviqinə yönəlmiş qlobal təşəbbüslərin təşviqində Azərbaycanın fəal rolunu vurğulayıb.

Panel müzakirəsi formatında davam edən tədbirdə Məsud Əfəndiyev, Feridun Hamdullahpur, İlqar Məmmədov, Waseem Chaudhry, Jude Kong, İbrahim Dincer, Əminə Salmanova, Ulduz Rəhimov və Ali Eslami kimi professor və ekspertlər yaşıl enerji, təbiət, biomüxtəliflik və qlobal dünyamızın qorunması, eləcə də iqlim dəyişikliyinin sağlamlığa olan zərərlərinin prioritet sahələr kimi nəzərdə saxlanılması, BMT-nin davamlı inkişaf məqsədlərinin həyata keçirilməsində ətraf mühitin əhəmiyyəti və COP29-la bağlı mövzular ətrafında müzakirələr aparıblar.
Qeyd olunub ki, COP29 beynəlxalq konfransının Azərbaycanda, Bakıda keçirilməsi xüsusi əhəmiyyət kəsb edir. Bu bütün dünya ölkələrinin Azərbaycana növbəti dəfə yüksək etimad və hörmətinin göstəricisidir. Forumda eyni zamanda COP29 tədbirinin ölkəmizdə keçirilməsinin gənclər üçün yaratdığı imkanlar, beynəlxalq miqyasda gənclər arasında birgə təşəbbüs və əməkdaşlığın vacibliyi barədə fikir mübadiləsi aparılıb, ekspertlər tərəfindən suallar cavablandırılıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanadada-yasil-dunya-namine-hemreylik-ili-cercivesinde-cop29-a-hesr-olunmus-tedbir-kecirilib-4401

Kanadada yaşayan soydaşımız gənclər arasında cüdo üzrə ABŞ Açıq Çempionatının üçüncüsü olub

Abdullah Yiğit — Thu, 03 Aug 2023 19:51:08 +0000

Kanadada yaşayan soydaşımız gənclər arasında cüdo üzrə ABŞ Açıq Çempionatının üçüncüsü olub

, 2023

Kanadada yaşayan soydaşımız gənclər arasında cüdo üzrə ABŞ Açıq Çempionatının üçüncüsü olub

Kanadanın Alberta əyalətində yaşayan 13 yaşlı soydaşımız Emiliya Əliyeva ABŞ-ın Florida ştatının Fort Loderdeyl (Fort Lauderdale) şəhərində keçirilən gənclər arasında cüdo üzrə ABŞ Açıq Çempionatında (U. S. Open Judo Championships) bürünc medal qazanıb.

15 ölkənin idmançılarının 27-30 iyul tarixlərində qatıldığı yarışda Emiliya Əliyeva Kanadanın yığma komandası tərkibində uğurla çıxış edib. Gənc soydaşımız iki gün ərzində 70 kq çəki kateqoriyasında gərgin mübarizə şəraitində keçirdiyi 10 oyundan 8-də qalib gəlib. Yarışın birinci günü U18 yaş qrupunda, ikinci gün isə U15 yaş qrupunda cüdoçular arasında üçüncü yerə çıxıb və 2 bürünc medala layiq görülüb.

Qeyd edək ki, Emiliya Əliyeva 6 yaşından cüdo ilə məşğul olur. “Hiro’s Judo Club”un təmsilçisi kimi 70 kq çəki kateqoriyasında U16 yaş qrupuna mənsub olsa da, U18 yaş qrupunda, özündən 3 yaş böyük cüdoçularla güləşir. 2022-ci ildə Manitoba, Kvebek və Saskaçevan açıq çempionatlarında yarışıb. 2023-cü ili U18 yaş qrupunda II “Pacific İnternational” beynəlxalq yarışda iştirakdan başlayıb, ardınca U16 Edmonton beynəlxalq turnirində gücünü sınayıb və U16 Açıq Milli Çempionatda bürünc medal uğrunda mübarizə aparıb.

Hazırda Emiliya Kanadanın 8 ən yaxşı cüdoçu qızları arasında 4-cü yeri tutur. Gənc soydaşımız 2022-2023-cü ilin nəticələrinə görə Alberta əyalətinin cüdo üzrə gənc və ümidverici idmançısı seçilib. Onun məşqçisi atası Vəsfi Əliyevdir.

Diasporla İş üzrə Dövlət Komitəsi gənc Emiliya Əliyevanı və valideynlərini növbəti qələbə münasibətilə təbrik edir, idman karyerasında və təhsilində davamlı uğurlar arzulayır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanadada-yasayan-soydasimiz-gencler-arasinda-cudo-uzre-abs-aciq-cempionatinin-ucuncusu-olub-3301