Girne şəhərində – Tebriz Gazetesi https://tebrizgazetesi.com Thu, 18 May 2023 16:31:01 +0000 tr hourly 1 https://tebrizgazetesi.com/wp-content/uploads/2025/03/cropped-tebriz-32x32.webp Girne şəhərində – Tebriz Gazetesi https://tebrizgazetesi.com 32 32 Girne şəhərində “Multikultural Beynəlxalq Uşaq Festivalı” təşkil edilib https://tebrizgazetesi.com/girne-s%c9%99h%c9%99rind%c9%99-multikultural-beyn%c9%99lxalq-usaq-festivali-t%c9%99skil-edilib-h45458.html Thu, 18 May 2023 16:31:01 +0000 https://1453kralmedya.com/girne-s%c9%99h%c9%99rind%c9%99-multikultural-beyn%c9%99lxalq-usaq-festivali-t%c9%99skil-edilib-h45458.html

 

 

 

Girne şəhərində “Multikultural Beynəlxalq Uşaq Festivalı” təşkil edilib
, 2023

Girne şəhərində “Multikultural Beynəlxalq Uşaq Festivalı” təşkil edilib

Şimali Kipr Türk Respublikasının Girne şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş “Multikultural Beynəlxalq Uşaq Festivalı” tədbiri keçirilib.

Azərbaycan-Kipr Dostluq Cəmiyyətinin nəzdində fəaliyyət göstərən Azərbaycan Mədəniyyət Mərkəzində baş tutan tədbirdə adada yaşayan 200-dən çox yerli və əcnəbi ailələrin övladları iştirak ediblər.

 

 

 

Tədbir iştirakçılarını salamlayan Azərbaycan-Kipr Dostluq Cəmiyyətinin sədri Orxan Həsənoğlu bildirib ki, 1923-cü il xalqımızın tarixində çox böyük önəm daşıyır: “Xalqımızın böyük öndəri Heydər Əliyev məhz həmin ildə dünyaya göz açıb. 2023-cü ildə Prezident İlham Əliyevin müvafiq Sərəncamı ilə elan olunmuş “Heydər Əliyev İli”ndə Azərbaycanda və xarici ölkələrdə müxtəlif tədbirlər həyata keçirilir. Şimali Kiprdə aktiv fəaliyyət göstərən bir təşkilat olaraq bu gün gələcəyimiz olan uşaqlar üçün “Multikultural Beynəlxalq Uşaq Festivalı” keçirməyimiz təsadüfi deyil. Zəngin mədəniyyətə malik Azərbaycanda multikulturalizm və tolerantlıq dəyərlərinə çox yüksək səviyyədə və böyük hörmətlə yanaşılır”, – deyə cəmiyyət sədri vurğulayıb.

Festivalda müxtəlif sənətçilərin və Azərbaycan Mədəniyyət Mərkəzinin əməkdaşlarının ifasında konsert proqramı təqdim olunub. Uşaqlar əyləncəli oyunlarda fəal iştirak ediblər və rəsmlər çəkiblər.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/girne-seherinde-multikultural-beynelxalq-usaq-festivali-teskil-edilib-2968

 

 

]]> Girne şəhərində “Beynəlxalq Uşaq Şənliyi” təşkil olunub https://tebrizgazetesi.com/girne-s%c9%99h%c9%99rind%c9%99-beyn%c9%99lxalq-usaq-s%c9%99nliyi-t%c9%99skil-olunub-h44312.html Fri, 28 Apr 2023 12:26:43 +0000 https://1453kralmedya.com/girne-s%c9%99h%c9%99rind%c9%99-beyn%c9%99lxalq-usaq-s%c9%99nliyi-t%c9%99skil-olunub-h44312.html

 

 

 

Girne şəhərində “Beynəlxalq Uşaq Şənliyi” təşkil olunub
, 2023
Girne şəhərində “Beynəlxalq Uşaq Şənliyi” təşkil olunub
Şimali Kiprin Girne şəhərində 23 aprel – Milli Suverenlik və Uşaq Bayramı münasibətilə “Beynəlxalq Uşaq Şənliyi” adlı tədbir keçirilib.

Azərbaycan-Kipr Dostluq Cəmiyyətinin və Lefkoşa Yunus Əmrə İnstitutunun birgə təşkilatçılığı ilə baş tutan tədbir Türkiyədəki dağıdıcı zəlzələdən sonra Şimali Kipr Türk Respublikasında yerləşmək məcburiyyətində qalan uşaqlara mənəvi dəstək göstərilməsi məqsədilə həyata keçirilib.

Cəmiyyətin nəzdindəki Mədəniyyət Mərkəzində gerçəkləşdirilən tədbirdə Şimali Kiprdə yaşayan soydaşlarımızın övladları və türk dövlətlərini təmsil edən uşaqlar iştirak ediblər.

Şənlik iştirakçılarını salamlayan cəmiyyətin sədri Orxan Həsənoğlu çıxışını Türkiyə Cümhuriyyətinin qurucusu Qazi Mustafa Kamal Atatürkün “Azərbaycanın sevinci sevincimiz, kədəri kədərimizdir” və müasir Azərbaycan Respublikasının qurucusu Heydər Əliyevin “bir millət, iki dövlət” kəlamları ilə başlayıb. “Böyük öndərlərimiz bu qiymətli kəlamları bizə miras qoyublar. Bu gün hər iki ölkənin dövlət başçıları İlham Əliyev və Rəcəb Tayyib Ərdoğan birliyimizin daha da möhkəmlənməsi naminə ciddi siyasi iradə sərgiləyirlər. Türkiyənin yaşadığı ağır təbii fəlakətin açdığı yaraları birlikdə sarmaq üçün əl-ələ vermişik. Bu birlik gələcəyimiz olan uşaqların həyatının ən qısa zamanda normal məcraya qayıtmasına səbəb olacaq. Türkiyə-Azərbaycan birliyi əbədi olacaq!”, – deyə Orxan Həsənoğlu vurğulayıb.

 

 

 

Tədbirdə çıxış edən Lefkoşa Yunus Əmrə İnstitutunun müdir əvəzi Abdulah Aktaş şənliyin təşkil olunmasına görə Azərbaycan-Kipr Dostluq Cəmiyyətinə təşəkkürünü bildirib. İki qardaş ölkənin dağıdıcı zəlzələdən sonra birlikdə hərəkətə keçdiyini, Azərbaycan dövlətinin və xalqının bütün imkanlarını səfərbər etdiyini xatırladıb. Müxtəlif ölkələri təmsil edən uşaqların beynəlxalq atmosferdə birlikdə olmasının böyük əhəmiyyət kəsb etdiyini vurğulayıb.

Tədbir azərbaycanlı şagirdlərin şeirlər söyləməsi, musiqi nömrələrinin təqdim olunması, ebru, seramika sənətləri, milli oxçuluq və digər əyləncəli oyunların nümayiş etdirilməsi ilə davam edib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/girne-seherinde-beynelxalq-usaq-senliyi-teskil-olunub-2850

 

 

]]>