fotoqraf – Tebriz Gazetesi https://tebrizgazetesi.com Wed, 05 Jul 2023 19:43:03 +0000 tr hourly 1 https://tebrizgazetesi.com/wp-content/uploads/2025/03/cropped-tebriz-32x32.webp fotoqraf – Tebriz Gazetesi https://tebrizgazetesi.com 32 32 Məşhur fransız fotoqraf Laçın və Naxçıvana səfər edib https://tebrizgazetesi.com/m%c9%99shur-fransiz-fotoqraf-lacin-v%c9%99-naxcivana-s%c9%99f%c9%99r-edib-h47243.html Wed, 05 Jul 2023 19:43:03 +0000 https://1453kralmedya.com/m%c9%99shur-fransiz-fotoqraf-lacin-v%c9%99-naxcivana-s%c9%99f%c9%99r-edib-h47243.html

Məşhur fransız fotoqraf Laçın və Naxçıvana səfər edib

 

 

 

 

, 2023

 

 

 

 

Məşhur fransız fotoqraf Laçın və Naxçıvana səfər edib

 

 

 

 

Məşhur fransız fotoqraf, yazıçı, rejissor Qreqori Herpe Azərbaycana səfəri çərçivəsində Laçın və Naxçıvan şəhərlərində olub.

 

 

 

 

Fransada Azərbaycanın Dostları Assosiasiyasının təşkilatçılığı ilə baş tutan səfər yenidən qurulan Laçın şəhərindən başlayıb.

 

 

 

 

Azərbaycan dövləti tərəfindən qısa müddət ərzində Laçın şəhərində aparılan bərpa və quruculuq işlərini möhtəşəm layihə adlandıran Qreqori Herpe yenilənmiş Laçında gördüklərindən çox təsirləndiyini və heyrətləndiyini etiraf edib. Əhalinin Laçına qayıdışını, həyatın burada canlandığını vurğulayıb, şəhərin tezliklə müxtəlif beynəlxalq festivallara və tədbirlərə ev sahibliyi edəcəyinin mümkün olduğunu söyləyib.

 

 

 

 

Sonra fotoqraf Naxçıvan şəhərinə yola düşüb. Azərbaycanın qədim şəhərindəki “Naxçıvanqala”, Nuh türbəsi, “Əshabi-kəhf”, Gəmiqaya, Əlincə qalası, Möminə xatun türbəsi, Heydər Əliyev adına məscid, Heydər Əliyev muzeyi kimi tarixi, mədəni, dini abidələrlə tanış olub və xatirə kitablarına ürək sözlərini yazıb. Fotoqraf məşhur Batabat gölünü və “Duzdağ” fizioterapiya mərkəzini də lentə alıb.

 

 

 

 

Qreqori Herpe bu səfərin təşkilinə görə Diasporla İş üzrə Dövlət Komitəsinə təşəkkürünü bildirib. Qonağı səfərdə Paris Azərbaycan Evi Təşkilatının sədr müavini, Fransada Azərbaycanın Dostları Assosiasiyasının layihə rəhbəri Mehri Quliyeva, Diasporla İş üzrə Dövlət Komitəsinin əməkdaşları Arif Abbasov və Aydın Mahmudov müşayiət ediblər.

Qeyd edək ki, bundan öncə fransız fotoqraf Diasporla İş üzrə Dövlət Komitəsinin dəstəyi və Fransada Azərbaycanın Dostları Assosiasiyasının təşkilatçılığı ilə 2021 və 2022-ci illərdə Qarabağda səfərdə olub. Səfərlər zamanı Ermənistanın otuzillik işğalı nəticəsində dağıdılmış tarixi və mədəni irs nümunələrimizi, Azərbaycan tərəfinin apardığı bərpa-quruculuq və minatəmizləmə işlərini lentə alıb.

 

 

 

 

Həmin fotoşəkillər Parisdəki Azərbaycan Mədəniyyət Mərkəzində “Qarabağ: sülh dövründə” və Avropa Parlamentinin Altiero Spinelli binasında “Qarabağ müharibədən sonra” adlı sərgilərdə nümayiş etdirilib.

Xatırladaq ki, dünya təsviri incəsənətinin müasir nümayəndələrindən biri olan fotoqraf 25 fevral 1969-cu ildə Fransada anadan olub. Nyu-Yorkda “Polaris Images” və Honq Konqda “Sopa Images” mətbuat agentliklərində fotomüxbir kimi çalışır. Vaxtilə Fransa və İngiltərə KİV-lərində jurnalist və baş redaktor işləyib. Hazırda Fransadakı bir sıra qeyri-hökumət təşkilatları ilə mütəmadi olaraq əməkdaşlıq edir. Fotoəsərləri Paris, Kann, Barselona, Bristol, Boston, San Dieqo, Sürix, Afina və Strasburq və sair şəhərlərdə nümayiş etdirilib. Bir sıra nüfuzlu büynəlxalq mükafatların laureatıdır.

Aktyor, rejissor və yazar kimi Avropada teatr tamaşalarının quruluşçu rejissoru olub, Fransa və Kanadada çoxsaylı ədəbi əsərlər nəşr etdirib.

 

 

 

 

2019-cu ildə Azərbaycanda olarkən fotoqraf paytaxtımız haqqında xoş təəssüratlarını “British edition of London Street Art Design” jurnalında bölüşüb: “Memarlıq və dizayn həvəskarısınızsa, Bakı sizin üçün lazımı yerdir. Bu qədim şəhərin içindən keçəndə bir çox memarlıq üslubuna vurulursan”.

 

 

 

 

Eyni zamanda 44 günlük Vətən müharibəsi zamanı Azərbaycanı dəstəkləyən fikirlər və yazılarla çıxış edib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/meshur-fransiz-fotoqraf-lacin-ve-naxcivana-sefer-edib-3183

]]> Bişkekdə Heydər Əliyevin 100 illik yubileyi münasibətilə bayram şənliyi təşkil edilib https://tebrizgazetesi.com/biskekd%c9%99-heyd%c9%99r-%c9%99liyevin-100-illik-yubileyi-munasib%c9%99til%c9%99-bayram-s%c9%99nliyi-t%c9%99skil-edilib-h46330.html Sun, 11 Jun 2023 07:35:47 +0000 https://1453kralmedya.com/biskekd%c9%99-heyd%c9%99r-%c9%99liyevin-100-illik-yubileyi-munasib%c9%99til%c9%99-bayram-s%c9%99nliyi-t%c9%99skil-edilib-h46330.html

Bişkekdə Heydər Əliyevin 100 illik yubileyi münasibətilə bayram şənliyi təşkil edilib
9 iyun, 2023

 

 

 

Bişkekdə Heydər Əliyevin 100 illik yubileyi münasibətilə bayram şənliyi təşkil edilib
Bişkek şəhərindəki Qırğızıstan-Azərbaycan Dostluğu Parkında müasir Azərbaycan dövlətinin qurucusu, türk dünyasının qüdrətli liderlərindən biri olan Heydər Əliyevin anadan olmasının 100 illiyinə həsr olunmuş bayram şənliyi keçirilib.

 

 

 

 

Diasporla İş üzrə Dövlət Komitəsinin dəstəyi, “Mərkəzi Asiyada Mütərəqqi Azərbaycanlılar Birliyi”nin təşkilatçılığı ilə baş tutan tədbirdə yerli ictimaiyyətin nümayəndələri və Azərbaycan diasporunun fəalları iştirak ediblər.

 

 

 

 

Şənlik iştirakçılarını salamlayan birlik sədri Xansıvar Baxşəliyev xalqımızın ümummilli lideri Heydər Əliyevin ölkəmizin müstəqilliyinin bərqərar olmasında və möhkəmləndirilməsində misilsiz xidmətləri barədə məlumat verib. Qeyd edib ki, belə tədbirlər qardaş Azərbaycan və Qırğızıstan xalqlarını daha da yaxınlaşdırır.

Sonra rəngarəngliyi ilə fərqlənən proqram təqdim olunub: Heydər Əliyevin həyat və siyasi fəaliyyətini əks etdirən fotosərgi nümayiş etdirilib, Azərbaycan musiqisi səsləndirilib, milli adət-ənənələrə xas əyləncəli oyunlar təşkil olunub, ustad dərsləri keçirilib, ziyarətçilər milli mətbəx nümunələrinə qonaq edilib.

 

 

 

 

Qeyd edək ki, Bişkek şəhərində Qırğızıstan-Azərbaycan Dostluq Parkı 11 oktyabr 2022-ci ildə açılıb. Parkın açılışında Azərbaycan Prezidenti İlham Əliyev və Qırğızıstan Prezidenti Sadır Japarov iştirak ediblər.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/biskekde-heyder-eliyevin-100-illik-yubileyi-munasibetile-bayram-senliyi-teskil-edilib-3092

]]> Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib https://tebrizgazetesi.com/britaniyadaki-icmamiz-baronessa-koksun-c%c9%99zalandirilmasi-t%c9%99l%c9%99bi-il%c9%99-parlament-komit%c9%99sin%c9%99-muraci%c9%99t-edib-h46313.html Sat, 10 Jun 2023 15:38:50 +0000 https://1453kralmedya.com/britaniyadaki-icmamiz-baronessa-koksun-c%c9%99zalandirilmasi-t%c9%99l%c9%99bi-il%c9%99-parlament-komit%c9%99sin%c9%99-muraci%c9%99t-edib-h46313.html

Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib

, 2023

Resim
Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib
Böyük Britaniya və Şimali İrlandiya Birləşmiş Krallığında yaşayan Azərbaycan icması qızışdırıcı islamofob fikirlərinə görə Lordlar Palatasının üzvü Karolina Ann Koksun (baronessa Koks) cəzalandırılmasını tələb edir.

 

 

 

 

Britaniya Azərbaycan İcmasının sədri Fəridə Pənahovanın adından Britaniya Parlamentinin Standartlar üzrə Komitəsinin sədri Kristofer Con Brayanta ünvanlanmış müraciətdə baronessa Koksun tvitləri “Azərbaycanın Qarabağ regionunda nifrətin qəsdən alovlandırılması” kimi qiymətləndirilib və Azərbaycan icmasının sülh prosesinə mane olan bu tvitlərdən və xəbərlərdən dərin narahatlığı ifadə edilib: “Lordlar Palatası üzvünün sağçı siyasətçilərin diqqətini cəlb etmək üçün bu cür bölücü taktikalara əl atması, xüsusən də dindən sui-istifadəsi və islamofobiyanı təbliğ etməsi təəssüf doğurur”.

 

 

 

Lordlar Palatasının demokratik dəyərlərin qorunmasında və cəmiyyətdə harmoniyanın təşviqində əsas rol oynadığı, amma Baronessa Koksun təhrik və ayrı-seçkilik çalarları ilə dolu mətnaltı tvitlərinin bu prinsiplərə uyğun gəlmədiyi nəzərə çatdırılıb. “Söz azadlığı, şübhəsiz ki, qorunmalı fundamental hüquqdur, lakin ondan nifrət, dözümsüzlük və ya islamofobiyanı qızışdırmaq üçün qalxan kimi istifadə etmək olmaz. Lordlar Palatası mötəbər institut kimi öz üzvlərinin söz azadlığı hüquqlarından qarşılıqlı anlaşma, əməkdaşlıq və dözümlülüyü təşviq edən tərzdə məsuliyyətlə istifadə etmələrini təmin etməlidir”, – deyə icma sədri xatırladıb.

 

 

 

 

Standartlar Komitəsinin belə davranışı aradan qaldırmaq üçün tədbirlər görməsinin zəruri olduğuna diqqəti cəb edən icma sədri bu tələbini “Lordlar Palatasının reputasiyasına kölgə salınması, onun ədalət və inklüzivlik prinsiplərinə sadiqliyinə xələl gətirilməsi” arqumentləri ilə əsaslandırıb: “Baronessa Koksun tvitlərinin ciddi nəticələrini nəzərə alaraq, Standartlar Komitəsindən bu məsələni hərtərəfli araşdırmasını rica edirəm. Onun hərəkətlərinin Lordlar Palatasının müəyyən etdiyi standartları və prinsipləri pozduğunu müəyyən etmək olduqca vacibdir. Üstəlik, mən komitəni baronessa Koksa töhmət vermək və onu qınamaq kimi müvafiq tədbirlər görməyə çağırıram. Bu, Lordlar Palatasında belə davranışın qəbuledilməz olduğuna dəqiq aydınlıq gətirə bilər”.

Lordlar Palatasında baronessa Koksun mövqeyini yada salan icma sədri vurğulayıb ki, o, hər iki icma üçün sülhməramlı tədbirlərin təşəbbüskarı və həyata keçirilməsində ön sıralarda olmaq əvəzinə, şüurlu olaraq qəsdən tam əksini – erməni və azərbaycanlı icmalarını münaqişədə saxlamaq üçün təxribat və daha da yadlaşdırma strategiyasını seçib və həyata keçirir.

 

 

 

 

İcma sədri hesab edir ki, Standartlar Komitəsi bu problemi həll etməklə, Lordlar Palatasına ictimai etimadın və inamın bərpasına kömək edə bilər: “Bundan əlavə, bu, komitənin etik standartları qorumaq və mötəbər qurumda demokratiya və inklüzivlik prinsiplərinə əməl olunmasını təmin etmək öhdəliyini nümayiş etdirəcək. İnanıram ki, Standartlar Komitəsi söylənilən narahatlığı aradan qaldırmaq üçün sürətli və qətiyyətli addımlar atacaq. Əvvəlki kimi ümidvaram ki, Sizin səyləriniz sayəsində Lordlar Palatası bundan sonra da ədalət və hamıya hörmət mayakı olmağa davam edəcək”.

 

 

 

 

Xatırladaq ki, 1982-ci ildən Lordlar Palatasının üzvü olan (Baronessa Koks) eyni zamanda ermənipərəst mövqe nümayiş etdirəm “Humanitarian Aid Relief Trust” (HART) adlı təşkilatın təsisçisidir. 20 aprel 2023-ci il tarixində istintaq Baronessa Koksu özəl firmada (Equal and Free Ltd) maraqlarını bəyan etmədiyi üçün təqsirli bilinib və davranış kodeksini pozmaqda ittiham edib (https://find-and-update.company-information.service.gov.uk/company/08143808). Standartlar üzrə Komitə bu fakt aşkar edildikdən sonra Baronessa Koksdan üzr istəməyi tələb edib.

 

 

 

 

Qeyd edək ki, baronessa Koks Azərbaycanın razılığı olmadan dəfələrlə Dağlıq Qarabağa səfərlər edib. Azərbaycan Respublikasının Xarici İşlər Nazirliyi “Dövlət sərhədləri haqqında” Azərbaycan Respublikasının Qanununu pozduğuna görə baronessa Koksun adını persona-non-qrata siyahısına salıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/britaniyadaki-icmamiz-baronessa-koksun-cezalandirilmasi-telebi-ile-parlament-komitesine-muraciet-edib-3093

]]> Azərbaycanlı alim dünya alimlərinin reytinqində yer alıb https://tebrizgazetesi.com/az%c9%99rbaycanli-alim-dunya-aliml%c9%99rinin-reytinqind%c9%99-yer-alib-h46311.html Sat, 10 Jun 2023 13:38:25 +0000 https://1453kralmedya.com/az%c9%99rbaycanli-alim-dunya-aliml%c9%99rinin-reytinqind%c9%99-yer-alib-h46311.html

Azərbaycanlı alim dünya alimlərinin reytinqində yer alıb

, 2023
Azərbaycanlı alim dünya alimlərinin reytinqində yer alıb

 

 

Səudiyyə Ərəbistanı Krallığında yaşayan azərbaycanlı alim-tədqiqatçı, Kral Abdullah Neft Araşdırmaları və Tədqiqat Mərkəzinin (KAPSARC) baş elmi işçisi Fəxri Həsənov 2022-ci il üzrə “Dünya alimlərinin TOP 2%”i reytinqində yer alıb.

 

 

 

 

ABŞ-ın Stanford Universiteti və məşhur elmi-tədqiqat bazalarından biri olan “Elsevier” ilə birlikdə tərtib olunan reytinq dünya üzrə 200 000-dən çox alimi əhatə edib. Bu qiymətləndirmə konkret il və alimin-tədqiqatçının bütün fəaliyyət dövrü üzrə aparılır. Fəxri Həsənov 2022-ci ildə əldə etdiyi nailiyyətlərə görə reytinqdə yer alıb.

 

 

 

 

Bu münasibətlə Kral Abdullah Neft Araşdırmaları və Tədqiqat Mərkəzinin toplantısında Fəxri Həsənova və digər nailiyyət qazanan ekspertlərə sertifikatlar təqdim edilib. Toplantıda Səudiyyə Ərəbistanı Krallığının energetika naziri və mərkəzin Qəyyumlar Şurasının sədri şahzadə Əbdül Əziz bin Salman əl-Səud və mərkəzin əməkdaşları iştirak ediblər.

 

 

 

 

Qeyd edək ki, Fəxri Həsənov 7 aprel 1979-cu ildə Azərbaycanın Laçın rayonunda anadan olub. Azərbaycan Dövlət İqtisad Universitetini və Corc Vaşinqton Universitetini bitirib. İqtisad elmləri üzrə fəlsəfə doktoru, 100-ə yaxın elmi məqalənin müəllifi, “Frontiers in Environmental Science” jurnalının redaktorlarından biridir. 2014-cü ildən Səudiyyə Ərəbistanının Ər-Riyad şəhərində yaşayır. “KAPSARC Global Energy Macroeconometric Model (KGEMM)”-in əsas qurucularından biridir və 2015-ci ildən etibarən bu model layihəsinə rəhbərlik edir.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycanli-alim-dunya-alimlerinin-reytinqinde-yer-alib-3090

]]> Azərbaycanlı fotoqraf Fransa Senatında təşkil edilən tədbirə məruzəçi qismində qatılıb https://tebrizgazetesi.com/az%c9%99rbaycanli-fotoqraf-fransa-senatinda-t%c9%99skil-edil%c9%99n-t%c9%99dbir%c9%99-m%c9%99ruz%c9%99ci-qismind%c9%99-qatilib-h46309.html Sat, 10 Jun 2023 12:33:51 +0000 https://1453kralmedya.com/az%c9%99rbaycanli-fotoqraf-fransa-senatinda-t%c9%99skil-edil%c9%99n-t%c9%99dbir%c9%99-m%c9%99ruz%c9%99ci-qismind%c9%99-qatilib-h46309.html

Azərbaycanlı fotoqraf Fransa Senatında təşkil edilən tədbirə məruzəçi qismində qatılıb
9 iyun, 2023

 

 

Azərbaycanlı fotoqraf Fransa Senatında təşkil edilən tədbirə məruzəçi qismində qatılıb

Fransada yaşayan Azərbaycan əsilli tanınmış fotoqraf Reza Deqati Parisdəki Amerika Ali Məktəbinin (American Graduate School) buraxılış mərasimində əsas məruzəçi qismində çıxış edib.

 

 

 

 

Fransa Senatında keçirilmiş tədbirə dəvəti Reza Deqati özü üçün böyük şərəf adlandırıb. Qeyd edib ki, bu xüsusi gün ərzində tələbələr və məzunlara çoxlu sayda təbriklər ünvanlanıb: “Məzunların hamısına həyat boyu əhəmiyyətli nailiyyətlər əldə etməyi arzulayıram”.

 

 

 

 

Parisdəki Amerika Ali Məktəbi 1994-cü ildə yaradılıb. Beynəlxalq münasibətlər və diplomatiya, habelə münaqişələrin həlli, beynəlxalq hüquq və ətraf mühit məsələləri kimi sahələrdə ixtisaslaşmış qeyri-kommersiya ali təhsil müəssisəsidir.

 

 

 

 

Qeyd edək ki, Reza Deqati dünya azərbaycanlılarının tanınmış nümayəndələrindən biridir. Fotoqraf 30 ildən çoxdur Azərbaycan həqiqətlərini öz əsərləri ilə dünya ictimaiyyətinə çatdırır. Mədəniyyət paytaxtımız Şuşada keçirilmiş Dünya Azərbaycanlılarının V (Zəfər) Qurultayının iştirakçısı olub.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycanli-fotoqraf-fransa-senatinda-teskil-edilen-tedbire-meruzeci-qisminde-qatilib-3089

]]>