ermənilərin – Tebriz Gazetesi

Müxtəlif ölkələrdəki Azərbaycan diasporu ermənilərin mina terroruna etiraz edib

Thu, 17 Apr 2025 20:13:51 +0000

17 aprel, 2025

Müxtəlif ölkələrdəki Azərbaycan diasporu ermənilərin mina terroruna etiraz edib

Aprelin 6-da və 7-də Ağdam, Cəbrayıl rayonlarında mina partlayışlarının baş verməsinə, nəticədə bir hərbçimizin həlak olmasına, dörd mülki şəxsin, o cümlədən azyaşlı uşaqların müxtəlif dərəcəli bədən xəsarətləri almasına müxtəlif ölkələrdə fəaliyyət göstərən Azərbaycan diasporu biganə qalmayıb.

https://x.com/DiasporaAz/status/1912853489962656038

ABŞ-də Amerika Azərbaycan İnteqrasiya Mərkəzi, Amerika Azərbaycan Gənclər Federasiyası, İngiltərədə Britaniya Azərbaycanlıları Cəmiyyəti, London İmperial Kollecinin Azərbaycan Tələbə Cəmiyyəti, Şotlandiyada Qlazqo Azərbaycan Tələbə Cəmiyyəti, Kanadada “Vətən” Azərbaycan İncəsənət və Mədəniyyət Cəmiyyəti, Alberta Azərbaycan Mədəniyyət Cəmiyyəti, İsraildə Azərbaycan Mədəniyyət Mərkəzi etiraz məktublarının göndərilməsində fəal iştirak edib.

https://x.com/DiasporaAz/status/1912853489962656038

Etiraz məktubları Beynəlxalq Qırmızı Xaç Komitəsi, ABŞ Mina Məsləhət Qrupu, Birləşmiş Millətlər Təşkilatının Minalarla Mübarizə Xidməti, Beynəlxalq Amnistiya Təşkilatı, “Human Rights Watch”, Birləşmiş Millətlər Təşkilatının İnsan Hüquqları üzrə Ali Komissarlığının İdarəsi, BMT-nin İnkişaf Proqramı, İnsan Hüquqları Müdafiəçiləri Təşkilatı, Avropada Təhlükəsizlik və Əməkdaşlıq Təşkilatı kimi beynəlxalq qurumlara, eləcə də Kanada Birləşmiş Millətlər Assosiasiyası, Böyük Britaniya İcmalar Palatasının üzvlərinə ünvanlanıb.

Etiraz məktublarında Ermənistan tərəfindən Azərbaycan ərazilərində basdırılmış mina və partlamamış hərbi sursatların mülki şəxslərin həyatına ciddi təhlükə yaratmaqda davam etdiyi bildirilib. Azərbaycanın işğaldan azad edilmiş ərazilərində minaların basdırılması nəticəsində faciələrin mütəmadi təkrarlanması, mina xəritələrinin verilməməsi hiddətlə pislənilib. Dünya ictimaiyyəti və beynəlxalq təşkilatlar bölgədə dayanıqlı sülhün və sabitliyin əldə olunması naminə Ermənistana güclü təzyiqlər göstərməyə və qətiyyətli addımlar atmağa çağırılıb.

Foto qalereya

https://x.com/DiasporaAz/status/1912853489962656038

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/muxtelif-olkelerdeki-azerbaycan-diasporu-ermenilerin-mina-terroruna-etiraz-edib-5733

https://x.com/DiasporaAz/status/1912853489962656038

Barselona azərbaycanlıları ermənilərin beynəlxalq platformalarda səsləndirdiyi əsassız iddiaları ifşa edib

Abdullah Yiğit — Wed, 11 Oct 2023 16:44:39 +0000

Barselona azərbaycanlıları ermənilərin beynəlxalq platformalarda səsləndirdiyi əsassız iddiaları ifşa edib

, 2023

Barselona azərbaycanlıları ermənilərin beynəlxalq platformalarda səsləndirdiyi əsassız iddiaları ifşa edib

İspaniyanın Barselona şəhərində yaşayan Azərbaycan icması Ermənistan rəsmilərinin ölkəmizə qarşı səsləndirdiyi əsassız iddialara hiddətli etirazını bildirib.

“Barselonada Azərbaycanlılar Cəmiyyəti” və Barselona Azərbaycan Evinin adından beynəlxalq təşkilatlara ünvanlanan bəyanatda bildirilib ki, soydaşlarımız erməni nümayəndələrinin beynəlxalq platformalarda ölkəmizin ünvanına səsləndirdikləri əsassız iddiaları qətiyyətlə rədd edir: “ATƏT-in digər üzv-dövlətinə qarşı təcavüz təşəbbüsü ilə çıxış edən, qonşusunun ərazisini otuz ilə yaxın qeyri-qanuni işğal altında saxlayan, beynəlxalq hüququ, o cümlədən BMT Nizamnaməsini açıq şəkildə pozan ölkə kimi Ermənistanın etnik təmizləmə və nifrət kimi anlayışlara istinad etməyə haqqı yoxdur”.

Bəyanatda Qarabağ münaqişəsinin tarixi, Ermənistanın ölkəmizə və xalqımıza qarşı apardığı qəsbkar, təcavüzkar, etnik təmizləmə, terror, vandalizm siyasəti barədə faktlara əsaslanan ətraflı məlumat verilib. Sülhsevər və multikultural Azərbaycanın nifrət və dözümsüzlüklə müşayiət olunan vəhşiliklərlə yadda qalan erməni təcavüzü və işğalından çox əzab çəkdiyinə diqqət cəlb edilib.

Bildirilib ki, erməni vəhşiliyinə dair faktların göz önündə olmasına, Azərbaycan dövlətinin Qarabağ iqtisadi rayonundakı erməni əhalisinə qarşı heç bir etnik təmizləmə aparmadığına, Ermənistan baş naziri Nikol Paşinyanın Qranadada Qarabağ da daxil olmaqla Azərbaycanın ərazi bütövlüyünü tanıdığını təsdiqlədiyinə baxmayaraq, erməni nümayəndə heyətləri israrla Azərbaycana qarşı yalan və uydurmalara əsaslanan əks-təbliğat aparmağa, öz vəhşiliklərini gizlətməyə və Azərbaycanın nüfuzunu ləkələməyə cəhdlər göstərirlər.

Tarixi vətənlərinə dəstəklərini ifadə edən Barselona azərbaycanlıları dünya birliyini və beynəlxalq təşkilatları erməni uydurmalarına inanmamağa, dəqiq mina xəritələrinin təhvil verilməsi, Azərbaycanla sülh müqaviləsi imzalanması, regionda davamlı sülhün bərqərar olması üçün Ermənistana təzyiq göstərməyə çağırıblar.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/barselona-azerbaycanlilari-ermenilerin-beynelxalq-platformalarda-seslendirdiyi-esassiz-iddialari-ifsa-edib-3666

Azərbaycan Millət vəkili Məşhur Məmmədov, “Ermənilərin növbəti təxribatı fiaskoya uğradı..”, ÖZEL

Abdullah Yiğit — Sat, 19 Aug 2023 14:10:44 +0000

Azərbaycan Millət vəkili Məşhur Məmmədov, “Ermənilərin növbəti təxribatı fiaskoya uğradı..”, ÖZEL

Millət vəkili Məşhur Məmmədov,

“Ermənistanın təşəbbüsü ilə Azərbaycanın Laçın dəhlizini guya blokadaya alması və “Dağlıq Qarabağ” ermənilərini aclıqla soyqırımına məruz qoyması iddiasının BMT TŞ-nin gündəliyinə gətirməsi və nəticə almaması, onun bu məsələni bir daha hər hansı beynəlxalq təşkilatın gündəminə gətirmə ehtimalının sıfıra endirdi. Nəinki BMT-yə daxil olan dövlətlər, bütün dünya dövlətləri şahid oldu ki, rəsmi İrəvanın “blokada” və ya “humanitar böhran” ilə bağlı ölkəmizə qarşı təbliğatı əsassız və sübutu olmayan iddialardır. Ermənistan Azərbaycanın Laçın dəhlizini guya blokadaya alması və Dağlıq Qarabağ ermənilərini aclıqla soyqırımına məruz qoymasını BMT TŞ-nin 16 avqust 2020-ci il tarixli növbədənkənar iclasında rəsmiləşdirərək Azərbaycana qarşı sanksiyalar tətbiq edilməsinə, Laçın dəhlizinin beynəlxalq gücdən istifadə edərək açılmasına çalışsa da, növbəti dəfə ciddi məğlubiyyətə uğradı. Faktiki olaraq heç bir dövlət Ermənistanın tezislərini dəstəkləmədi, Azərbaycanı qeyd edilən iddialarla bağlı ittiham etmədi. Bu Azərbaycanın xarici siyasətinin, beynəlxalq təşkilatlarda məqsədyönlü siyasətinin bariz uğur nümunəsidir.

Hadisələrin gedişatını izləyəndə aydın görmək olur ki, Ermənistanın hərəkətləri əvvəlcədən planlaşdırılmış siyasi riyakarlığın təcəssümüdür. Rəsmi İrəvanın Təhlükəsizlik Şurasına müraciəti aylar ərzində beynəlxalq ictimaiyyəti manipulyasiya etmək və çaşdırmaq üçün apardığı kampaniyanın tərkib hissəsi idi.
Ermənilərin planlarının fiaskoya uğraması Azərbaycan Prezidentinin uzaqgörən xarici siyasətinin nəticəsidir. Prezident İlham Əliyevin düşünülmüş xarici siyasəti, qonşu dövlətlərlə balanslı münasibətlər qurması, Qoşulmama Hərəkatına üzv dövlətlərlə ikitərəfli və çoxtərəfli münasibətləri inkişaf etdirməsi, beynəlxalq təşkilatlarda doğru istiqamətlərdə fəaliyyət göstərilməsi konsepsiyasının hazırlaması və tətbiq etməsi, tərəfdaş ölkələrlə qarşılıqlı maraqları eyni müstəviyə gətirməsi, strateji düşüncəni ön planda tutması TŞ-də Ermənistanın son ümidlərinin puça çıxması ilə nəticələndi.
Ermənilər şou yaradarkən unutdular ki, Beynəlxalq Ədalət Məhkəməsinin qərarı var. Xatırladım ki, Beynəlxalq Ədalət Məhkəməsinin 2023-cü il 6 iyul tarixli yekdil qərarı Ermənistanın nəzarət-buraxılış məntəqəsinin aradan qaldırılması ilə bağlı müvəqqəti tədbir görmək tələbini rədd edərək, Ermənistanın “Laçın” keçid məntəqəsinin qanunsuz olması ilə bağlı iddialarını qəti şəkildə təkzib edib.

Ermənistan həqiqətən də bölgənin sadə sakinlərini düşünsəydi, heç vaxt Ağdam-Xankəndi yolundan Qarabağ bölgəsinə yüklərin çatdırılmasına etiraz etməzdi. Sözügedən yol Azərbaycanın əsas nəqliyyat marşrutlarından birinə – “İpək Yolu” və ya M2 avtomobil yolu kimi tanınan, habelə beynəlxalq bazarlara etibarlı əlaqəni təmin edən magistral yolu ilə bağlıdır. Uzunluğu 59 kilometr olan, dağlıq və serpantinli ərazidən keçən Laçın-Xankəndi yolu ilə müqayisədə bu yol Ağdamla Xankəndi arasında cəmi 18 kilometrdir.
16 avqust iclasında həm də şahidi olduq ki, Azərbaycana dəstək artır. TŞ-də müzakirələrdə çıxış edən dövlətlərin əksəriyyətinin balanslı çıxışları Azərbaycanın mövqeyini daha da gücləndirdi, ərazi bütövlüyünün təmin edilməsinin beynəlxalq hüquqa uyğun olduğunu bir daha təsdiqlədi.
BMT-də aparılan müzakirələr bir daha göstərdi ki, bəzi Qərb dövlətlərinin və təşkilatlarının əsassız çağırışlarına, qərəzli bəyanatlarına baxmayaraq, dünya ictimaiyyəti rəsmi Bakının haqlı mövqedə olduğundan xəbərdardır.
Erməni mətbuatını izlədikdə aydın görmək olur ki, BMT-nin son qərarı Ermənistan rəhbərliyində və Qarabağdakı separatçı xunta rejimində dərin məyusluq yaradıb. Əsassız iddialarının davamlı olaraq puça çıxması fonunda Qarabağ ermənilərinin yeganə düzgün qərarı Azərbaycan vətəndaşlığını qəbul etmək, ölkəmizin yaradacağı etibarlı təhlükəsizlik və sivil birgəyaşayış mühitindən bəhrələnərək dinc yaşamaq olar. Əslində, BMT-nin son qərarından sonra bu prosesin sürətlənəcəyini də əminliklə söyləmək olar.”

Ülker Piriyeva/ Azerbaycan

Diasporumuz alman ictimaiyyətinin diqqətini ermənilərin ekoterrorizminə yönəldib

Abdullah Yiğit — Sun, 18 Dec 2022 18:05:43 +0000

Diasporumuz alman ictimaiyyətinin diqqətini ermənilərin ekoterrorizminə yönəldib

2022
Diasporumuz alman ictimaiyyətinin diqqətini ermənilərin ekoterrorizminə yönəldib
Almaniyada fəaliyyət göstərən Azərbaycan icması ölkəmizin ekofəallarının, könüllülərinin və media mənsublarının Şuşa-Xankəndi yolunda keçirdikləri etiraz aksiyası ilə bağlı alman ictimaiyyətinə müraciət edib.

Almaniya Azərbaycanlıları Alyansının sədri Nuran Abdullayevin və Alman Azərbaycan Mədəniyyət Evinin sədri, Köln Azərbaycan Evinin rəhbəri Ağa Ağayevin adından alman siyasətçisi, ekologiya, təbiətin mühafizəsi, nüvə reaktorlarının tikintisi və təhlükəsizliyi üzrə sabiq nazir Barbara Ann Hendriksə, ölkənin Ətraf Mühit və Təbiət Federasiyası, Təbiəti Mühafizə İttifaqı, “Robun Vud” təşkilatına və digər qurumlara ünvanlanan müraciətində diqqət Rusiyanın sülhməramlı kontingentinin müvəqqəti yerləşdiyi Azərbaycan ərazilərində erməni ekoterrorizminə və təbii sərvətlərin qeyri-qanuni istismarına cəlb edilib.

Yaranmış mövcud duruma gətirib çıxaran səbəblər barədə ətraflı məlumat verən diapor təşkilatlarının rəhbərləri qeyd ediblər ki, post-müharibə dövründə Rusiyanın sülhməramlı kontingentinin müvəqqəti yerləşdiyi Azərbaycan ərazilərində təbii sərvətlərin qeyri-qanuni istismarı daha da gücləndirilib. Azərbaycan Ekologiya və Təbii Sərvətlər Nazirliyi tərəfindən rayona göndərilmiş işçi qrupunun bu ərazidə monitorinq keçirmək cəhdinə isə imkan verilmir.

Azərbaycanlı etirazçıların tələblərinin haqlı olduğunu, ermənilərin ekoterrorizminin bütün regionu təhdid etdiyini vurğulayan diaspor təşkilatlarının rəhbərləri alman siyasətçilərini və təşkilatlarını bu məsələyə adekvat reaksiya göstərməyə çağırıb.

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/diasporumuz-alman-ictimaiyyetinin-diqqetini-ermenilerin-ekoterrorizmine-yoneldib-2081

ABŞ mətbuatında ermənilərin Azərbaycan səfirliklərinə hücumlarından bəhs edilib

Abdullah Yiğit — Sat, 01 Oct 2022 19:46:06 +0000

ABŞ mətbuatında ermənilərin Azərbaycan səfirliklərinə hücumlarından bəhs edilib

ABŞ mətbuatında ermənilərin Azərbaycan səfirliklərinə hücumlarından bəhs edilib
ABŞ-ın ən böyük yəhudi qəzetlərindən olan “The Jewish Press”də “Ermənilər Azərbaycan səfirliklərinə hücum ediblər” sərlövhəli məqalə dərc olunub.

Tanınmış israilli politoloq və jurnalist, Dona Qrasiya Diplomatiya Mərkəzinin təsisçisi və baş direktoru Reyçel Avrahamın qələmə aldığı məqalədə cari lin sentyabr ayında 40-50 erməni radikalından ibarət qrupun Azərbaycanın Fransadakı səfirliyinə basqın edərək, qarşısındakı dəmir baryerləri aşırması barədə məlumat verilib.

“Diplomatik əlaqələr haqqında” 1961-ci il Vyana Konvensiyasına istinad edən müəllif xarici dövlətin diplomatik nümayəndəliyini qəbul edən dövlətin onun əmlakını müdaxilədən və zədələnmədən mühafizə etmək, habelə nümayəndəliyin təmsil etdiyi dövlətin ləyaqətini qorumaq üçün bütün zəruri tədbirləri görmək öhdəliyinə diqqət çəkib. İsrailli politoloq baş vermiş insident zamanı Fransa polisinin nəinki Azərbaycanın bu ölkədəki səfirliyini qorumadığını, hətta zorakılıq baş verən zaman müdaxilə belə etmədiyini diqqətə çatdırıb.

Qeyd olunub ki, analoji hücumlar daha əvvəl ABŞ və Livan erməniləri tərəfindən Azərbaycanın adı çəkilən ölkələrdəki səfirliklərinə də edilib, habelə Gürcüstandakı səfirliyimizə edilən basqın cəhdinin qarşısı polisin vaxtında müdaxiləsi ilə alınıb. Baş verənləri sözügedən ölkələrdə polis səhlənkarlığı kimi dəyərləndirən müəllif bunu Azərbaycanla soyuq münasibətləri olan digər ölkələr üçün mənfi presedent kimi səciyyələndirib. Qeyd edib ki, Fransa və Yunanıstan kimi dövlətlərin Ermənistanın mövqeyinə aşkar surətdə güclü dəstək verməsi bu ölkələrdə yaşayan ermənilərə Azərbaycan diplomatlarına qarşı qanunsuz hərəkətlər etmək imkanı yaradır. İsrailli politoloq Azərbaycanla sıx əlaqələri olan İngiltərə, Türkiyə və İsraildə ermənilərin analoji şəkildə davranmaq imkanlarının məhdud olduğunu vurğulayıb.

Məqaləni ətraflı şəkildə aşağıdakı linkdən oxumaq mümkündür:

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/abs-metbuatinda-ermenilerin-azerbaycan-sefirliklerine-hucumlarindan-behs-edilib-1578