Avropa – Tebriz Gazetesi https://tebrizgazetesi.com Tue, 22 Apr 2025 13:11:49 +0000 tr hourly 1 https://tebrizgazetesi.com/wp-content/uploads/2025/03/cropped-tebriz-32x32.webp Avropa – Tebriz Gazetesi https://tebrizgazetesi.com 32 32 Avropa Azərbaycan Mərkəzindən beynəlxalq təşkilatlara bəyanat https://tebrizgazetesi.com/avropa-az%c9%99rbaycan-m%c9%99rk%c9%99zind%c9%99n-beyn%c9%99lxalq-t%c9%99skilatlara-b%c9%99yanat-h66804.html https://tebrizgazetesi.com/avropa-az%c9%99rbaycan-m%c9%99rk%c9%99zind%c9%99n-beyn%c9%99lxalq-t%c9%99skilatlara-b%c9%99yanat-h66804.html#respond Tue, 22 Apr 2025 13:11:49 +0000 https://gazetegazetesi.com/avropa-az%c9%99rbaycan-m%c9%99rk%c9%99zind%c9%99n-beyn%c9%99lxalq-t%c9%99skilatlara-b%c9%99yanat-h68580.html Avropa Azərbaycan Mərkəzindən beynəlxalq təşkilatlara bəyanat

2025

Avropa Azərbaycan Mərkəzindən beynəlxalq təşkilatlara bəyanat

Almaniya Azərbaycanlıları Alyansının İdarə heyətinin üzvü, Münsterdə fəaliyyət göstərən Avropa Azərbaycan Mərkəzinin rəhbəri Zaur Əliyev 18 Aprel – Beynəlxalq Abidələr və Tarixi Yerlər Günü münasibətilə beynəlxalq təşkilatlara bəyanat ünvanlayıb.

 

https://x.com/DiasporaAz/status/1914548284791595036

 

Bəyanatda beynəlxalq hüququn əsas prinsiplərindən biri kimi mədəni irsin qorunmasının vacibliyi qeyd edilib və bu sahədə baş verən ciddi pozuntuların beynəlxalq ictimaiyyətin diqqətindən kənarda qalmamalı olduğu xatırladılıb. Ermənistanın 30 il ərzində Azərbaycanın işğal altında qalan ərazilərində törətdiyi vandalizm aktlarının təkcə siyasi deyil, həm də mədəni soyqırımı olduğu əlavə edilib.

 

https://x.com/DiasporaAz/status/1914548284791595036

 

 

Xocalı rayonunun Pirlər kəndində yerləşən, xüsusi qoruma rejiminə malik qədim alban məbədinin hərbi məqsədlər üçün istifadə olunduğu diqqətə çatdırılıb. Bu tarixi abidənin qəsdən dağıdılması, daxilində gizli otaqlar qazılaraq silah-sursat anbarına çevrilməsi Cenevrə və 1954-cü il Haaqa Konvensiyalarının müddəalarının açıq şəkildə pozulması, beynəlxalq humanitar hüququn ciddi şəkildə tapdanması kimi qiymətləndirilib.

https://x.com/DiasporaAz/status/1914548284791595036

 

 

Bəyanatda, həmçinin Ermənistanın dini abidələri hərbi məqsədlər üçün alət seçməklə, Azərbaycanın bu cür obyektlərə qarşı həssas yanaşmasından sui-istifadə etdiyi yazılıb. Sonradan isə həmin abidələrə dəyən ziyanı saxtalaşdıraraq, Azərbaycanı qərəzli şəkildə ittiham etdikləri və bunun da beynəlxalq ictimaiyyəti yanıltmaq məqsədi daşıdıqları vurğulanıb.

Azərbaycanın işğaldan azad olunmuş ərazilərində 437 tarixi abidənin zədələndiyi, 68-nin tamamilə məhv edildiyi, 114-nün isə ciddi zərər gördüyünü nəzərə almaqla, ümumilikdə 700 milyon manatdan artıq zərərin dəydiyi bildirilib.

 

https://x.com/DiasporaAz/status/1914548284791595036

 

Sonda Azərbaycanın beynəlxalq öhdəliklərinə sadiqliyi vurğulanaraq, UNESCO, ICOMOS və digər beynəlxalq təşkilatlar mədəni irsin qorunması sahəsində daha prinsipial və fəal mövqe nümayiş etdirməyə çağırılıb.

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/avropa-azerbaycan-merkezinden-beynelxalq-teskilatlara-beyanat-5742

 

 

https://x.com/DiasporaAz/status/1914548284791595036

]]> https://tebrizgazetesi.com/avropa-az%c9%99rbaycan-m%c9%99rk%c9%99zind%c9%99n-beyn%c9%99lxalq-t%c9%99skilatlara-b%c9%99yanat-h66804.html/feed 0 Avropada yaşayan musiqiçi soydaşlarımızın onlayn görüşü keçirilib https://tebrizgazetesi.com/avropada-yasayan-musiqici-soydaslarimizin-onlayn-gorusu-kecirilib-h61340.html https://tebrizgazetesi.com/avropada-yasayan-musiqici-soydaslarimizin-onlayn-gorusu-kecirilib-h61340.html#respond Thu, 03 Oct 2024 07:40:27 +0000 https://gazetegazetesi.com/avropada-yasayan-musiqici-soydaslarimizin-onlayn-gorusu-kecirilib-h96450.html Avropada yaşayan musiqiçi soydaşlarımızın onlayn görüşü keçirilib
2024
Avropada yaşayan musiqiçi soydaşlarımızın onlayn görüşü keçirilib
“Qobustan” İsveç Aydınlar Ocağının sədri Səadət Kəriminin moderatorluğu ilə “Xaricdə Azərbaycan Milli Musiqisi” adlı onlayn görüş keçirilib.

 

https://x.com/DiasporaAz/status/1841483934510510249

 

 

Görüşdə bəstəkar, sənətşünaslıq üzrə fəlsəfə doktoru, musiqişünas Xədicə Zeynalova, tanınmış orqan ifaçısı Cəmilə Cavadova-Şpitsberq, sənətşünas, Azərbaycan Bəstəkarlar İttifaqının üzvü Aydın Ziyadlı, musiqiçi soydaşlarımız Aynur Məlikova, Hüseyn Nəsirli, İradə Sultanova, Leyli Yekta, Sevda Murad, Qalib Məmmədov və Osloda fəaliyyət göstərən Nizami Gəncəvi adına Həftəsonu Azərbaycan məktəbinin müəllimi Arzu Rzayeva iştirak edib.

 

https://x.com/DiasporaAz/status/1841483934510510249

 

 

Onlayn görüşdə musiqiçilərimizin Vətəndən kənarda Azərbaycan musiqisinin və mədəniyyətinin, xalqımızın zəngin mədəni irsinin təbliği sahəsindəki xidmətlərindən bəhs edilib. Azərbaycan diasporunun gördüyü işlər nəticəsində görkəmli mədəniyyət xadimlərimizin adlarının artıq dünyanın əksər ölkələrində tanınması təqdirəlayiq hal kimi qiymətləndirilib.

Foto qalereya

dostların arasında bunu ilk tövsiyyə edən sən ol
Digər xəbərlər

Kaynak:https://diaspor.gov.az/az/news-detail/avropada-yasayan-musiqici-soydaslarimizin-onlayn-gorusu-kecirilib-5127

 

 

 

https://x.com/DiasporaAz/status/1841483934510510249

]]> https://tebrizgazetesi.com/avropada-yasayan-musiqici-soydaslarimizin-onlayn-gorusu-kecirilib-h61340.html/feed 0 Nazir Ceyhun Bayramovun Dünya Bankının Avropa və Mərkəzi Asiya regionu üzrə vitse-prezidenti Antonella Bassaninin rəhbərlik etdiyi nümayəndə heyəti ilə görüşünə dair mətbuat məlumatı https://tebrizgazetesi.com/nazir-ceyhun-bayramovun-dunya-bankinin-avropa-v%c9%99-m%c9%99rk%c9%99zi-asiya-regionu-uzr%c9%99-vitse-prezidenti-antonella-bassaninin-r%c9%99hb%c9%99rlik-etdiyi-numay%c9%99nd%c9%99-hey%c9%99ti-il-h55105.html Sun, 10 Mar 2024 07:24:37 +0000 https://1453kralmedya.com/nazir-ceyhun-bayramovun-dunya-bankinin-avropa-v%c9%99-m%c9%99rk%c9%99zi-asiya-regionu-uzr%c9%99-vitse-prezidenti-antonella-bassaninin-r%c9%99hb%c9%99rlik-etdiyi-numay%c9%99nd%c9%99-hey%c9%99ti-il-h55105.html

No:104/24, Nazir Ceyhun Bayramovun Dünya Bankının Avropa və Mərkəzi Asiya regionu üzrə vitse-prezidenti Antonella Bassaninin rəhbərlik etdiyi nümayəndə heyəti ilə görüşünə dair mətbuat məlumatı

 

 

 

 

6 mart 2024-cü il tarixində Azərbaycan Respublikasının xarici işlər naziri Ceyhun Bayramov Dünya Bankının Avropa və Mərkəzi Asiya regionu üzrə vitse-prezidenti Antonella Bassaninin rəhbərlik etdiyi nümayəndə heyəti ilə görüşüb.

 

Görüş zamanı Azərbaycan və Dünya Bankı arasında əməkdaşlıq perspektivləri, habelə cari ildə ölkəmizdə keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasından (COP29) irəli gələn məsələlər müzakirə olunub.

 

Nazir Ceyhun Bayramov ölkəmiz üçün əhəmiyyət kəsb edən bir sıra, o cümlədən iqtisadiyyat, kənd təsərrüfatı, enerji təhlükəsizliyi, nəqliyyat və kommunikasiyalar, infrastruktur kimi istiqamətlər üzrə uğurla icra olunan, habelə davam etdirilən layihələrin əməkdaşlığın inkişafına töhfə verdiyini məmnunluqla qeyd edib. Dünya Bankı çərçivəsində əməkdaşlığın öz növbəsində ölkəmizin digər regional və beynəlxalq maliyyə təşkilatları ilə əlaqələrini genişləndirməsinə təkan verdiyi diqqətə çatdırılıb.

 

COP29-a sədrliyimiz çərçivəsində aparılan substantiv danışıqlar prosesi, habelə 29-cu sessiyaya hazırlıq işləri barədə qarşı tərəfi ətraflı məlumatlandıran nazir Ceyhun Bayramov, sədrliyimizin əsasən qlobal iqlim dəyişikliyinə qarşı mübarizəyə maliyyə resursları və investisiyaların cəlbinə vurğu etdiyini söyləyib. Bu istiqamətdə dövlətlərlə yanaşı, beynəlxalq maliyyə institutlarının prosesə mümkün töhfəsinin müəyyən edilməsi istiqamətində təmasların aparılması baxımından Dünya Bankının mühüm platforma rolu oynaya biləcəyi qeyd olunub.

 

Postmünaqişə dövründə işğaldan azad olunmuş ərazilərdə aparılan genişmiqyaslı bərpa və quruculuq işlərindən bəhs edən nazir Ceyhun Bayramov, görülən işlərin eyni zamanda Qarabağ və Şərqi Zəngəzur bölgəsinin alternativ enerji potensialından səmərəli istifadəyə yönəldiyini, bu istiqamətdə müvafiq layihələrə artıq bir sıra xarici tərəfdaşların cəlb olunduğunu diqqətə çatdırıb.

 

Müqabil tərəf Azərbaycanı COP29-a sədrliyi münasibətilə təbrik edərək, ölkəmizin uğurlu sədrlik təcrübəsi nümayiş etdirəcəyinə, habelə sədrlik prioritetlərinə müvafiq olaraq beynəlxalq maliyyə institutları ilə əməkdaşlığın genişləndiriləcəyinə dair inam ifadə edib. Xüsusilə, COP29 çərçivəsində müəyyənləşəcək qlobal öhdəliklərin öz praktiki icrasını tapması istiqamətində addımlar atılmasının vacibliyi qeyd olunub, Dünya Bankının bu istiqamətdə təşəbbüslərin dəstəklənməsinə hazır olduğu vurğulanıb.

 

Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

 

Paylaş
BÜTÜN XƏBƏRLƏR

kaynak:https://mfa.gov.az/az/news/no10424

 

 

 

 

]]> Ceyhun Bayramovun Avropa İttifaqının Cənubi Qafqaz üzrə xüsusi nümayəndəsi Toivo Klaar ilə görüşünə dair mətbuat məlumatı https://tebrizgazetesi.com/ceyhun-bayramovun-avropa-ittifaqinin-c%c9%99nubi-qafqaz-uzr%c9%99-xususi-numay%c9%99nd%c9%99si-toivo-klaar-il%c9%99-gorusun%c9%99-dair-m%c9%99tbuat-m%c9%99lumati-h54725.html Mon, 26 Feb 2024 10:54:41 +0000 https://1453kralmedya.com/ceyhun-bayramovun-avropa-ittifaqinin-c%c9%99nubi-qafqaz-uzr%c9%99-xususi-numay%c9%99nd%c9%99si-toivo-klaar-il%c9%99-gorusun%c9%99-dair-m%c9%99tbuat-m%c9%99lumati-h54725.html

No:068/24, Ceyhun Bayramovun Avropa İttifaqının Cənubi Qafqaz üzrə xüsusi nümayəndəsi Toivo Klaar ilə görüşünə dair mətbuat məlumatı

22 fevral 2024-cü il tarixində Azərbaycan Respublikasının xarici işlər naziri Ceyhun Bayramov Avropa İttifaqının Cənubi Qafqaz üzrə xüsusi nümayəndəsi Toivo Klaarı qəbul edib.

 

Görüşdə tərəflər Azərbaycan-Avropa İttifaqı əlaqələrinin cari vəziyyətini, Azərbaycanla Ermənistan arasında normallaşma prosesinin və sülh sazişi layihəsi perspektivlərini müzakirə ediblər.

 

 

 

 

Nazir Ceyhun Bayramov uzun sürən sabitlikdən sonra heç bir təhrikedici amil olmadan snayper atəşi nəticəsində Azərbaycan hərbi qulluqçusunun yaralanması ilə nəticələnən Ermənistan təxribatının sülh prosesinə zərbə vurmaq məqsədi daşıdığını diqqətə çatdırıb.

 

Sülh sazişi layihəsinə gəldikdə ölkəmizin növbəti şərhlərinin Ermənistan tərəfinə təqdim edildiyi və bu istiqamətdə danışıqlar prosesinin başlamasında maraqlı olduğumuz diqqətə çatdırılıb. Bununla yanaşı, Ermənistanın Konstitusiyasında, qanunvericilik aktlarında, beynəlxalq təşkilat və məhkəmələrdə ölkəmizin ərazi bütövlüyü və suverenliyinə qarşı davam edən iddialar bir daha xatırlanıb və bu iddiaların qəbuledilməz olduğu vurğulanıb.

 

Görüşdə habelə, tərəflər qarşılıqlı maraq doğuran ikitərəfli və regional məsələlər ətrafında fikir mübadiləsi aparılıb.

 

Paylaş

BÜTÜN XƏBƏRLƏR

kaynak:https://mfa.gov.az/az/news/no06824

 

]]> İlham Əliyev ilə Avropa Komissiyasının İcraçı vitse-prezidentinin görüşü olub https://tebrizgazetesi.com/ilham-eliyev-il%c9%99-avropa-komissiyasinin-icraci-vitse-prezidentinin-gorusu-olub-h54518.html Wed, 21 Feb 2024 09:15:37 +0000 https://1453kralmedya.com/ilham-eliyev-il%c9%99-avropa-komissiyasinin-icraci-vitse-prezidentinin-gorusu-olub-h54518.html

 

 

 

İlham Əliyev ilə Avropa Komissiyasının İcraçı vitse-prezidentinin görüşü olub

2024,

 

 

 

İlham Əliyev ilə Avropa Komissiyasının İcraçı vitse-prezidentinin görüşü olub

 

 

 

Fevralın 17-də Münxendə Azərbaycan Respublikasının Prezidenti İlham Əliyev ilə qarşı tərəfin müraciətinə əsasən Avropa Komissiyasının Avropa Yaşıl Saziş Təşəbbüsü, təsisatlararası əlaqələr və planlaşdırma üzrə İcraçı vitse-prezidenti Maroş Şevçoviçin görüşü olub.

 

 

 

Maroş Şevçoviç Azərbaycan ilə Avropa İttifaqı arasında enerji sahəsində əməkdaşlığın uğurla inkişaf etməsinin məmnunluq doğurduğunu vurğuladı. O, Azərbaycanın pan-Avropa enerji təchizatçısı olduğunu yüksək qiymətləndirdi. Tezliklə ölkəmizə səfər etmək niyyətində olduğunu bildirən Maroş Şevçoviç COP29-un Azərbaycan ilə Avropa İttifaqı arasında bərpaolunan enerji və iqlim dəyişikliyi ilə mübarizə sahəsində əməkdaşlıq üçün yaxşı imkanlar yaratdığını diqqətə çatdırdı.

 

 

 

 

O, Azərbaycanın ev sahibliyi edəcəyi COP29-un sessiyasının əsas gündəliyinin çox vacib mövzulardan birinin iqlim maliyyələşdirilməsi olacağını deyərək, Avropa İttifaqının da iqlim dəyişikliyi üzrə proseslərdə yaxından iştirak edən tərəfdaş kimi Azərbaycana dəstək göstərməyə hazır olduğunu vurğuladı.

 

 

 

Prezident İlham Əliyev qeyd etdi ki, Azərbaycan COP29-da qlobal Şimal və qlobal Cənub arasında həmrəyliyə nail olmaq istiqamətində səylərini əsirgəməyəcək. Belə ki, Azərbaycanın Qoşulmama Hərəkatında, İslam Əməkdaşlıq Təşkilatında və digər üzv təşkilatlarda apardığı iş, Avropa İttifaqı ilə əlaqələri və digər tərəfdaşlarla münasibətləri bu cür həmrəyliyin əldə edilməsinə töhfə verə bilər. Dövlətimizin başçısı, həmçinin COP çərçivəsində ilk dəfə olaraq Üçlük mexanizminin yaradıldığını qeyd etdi və Birləşmiş Ərəb Əmirlikləri, Azərbaycan və Braziliyanın bir araya gələrək bu istiqamətdə birgə iş aparacağını vurğuladı.

 

 

 

 

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/64244

 

 

 

]]> Nazir Ceyhun Bayramovun UNICEF-in Avropa və Mərkəzi Asiya ölkələri üzrə regional direktoru, Avropada qaçqın və miqrant məsələləri üzrə xüsusi əlaqələndirici Regina de Dominitsis ilə görüşünə dair mətbuat məlumatı https://tebrizgazetesi.com/nazir-ceyhun-bayramovun-unicef-in-avropa-v%c9%99-m%c9%99rk%c9%99zi-asiya-olk%c9%99l%c9%99ri-uzr%c9%99-regional-direktoru-avropada-qacqin-v%c9%99-miqrant-m%c9%99s%c9%99l%c9%99l%c9%99ri-uzr%c9%99-xusus-h53416.html Fri, 12 Jan 2024 18:20:00 +0000 https://1453kralmedya.com/nazir-ceyhun-bayramovun-unicef-in-avropa-v%c9%99-m%c9%99rk%c9%99zi-asiya-olk%c9%99l%c9%99ri-uzr%c9%99-regional-direktoru-avropada-qacqin-v%c9%99-miqrant-m%c9%99s%c9%99l%c9%99l%c9%99ri-uzr%c9%99-xusus-h53416.html

 

 

No:003/24, Nazir Ceyhun Bayramovun UNICEF-in Avropa və Mərkəzi Asiya ölkələri üzrə regional direktoru, Avropada qaçqın və miqrant məsələləri üzrə xüsusi əlaqələndirici Regina de Dominitsis ilə görüşünə dair mətbuat məlumatı

 

 

11 yanvar 2024-cü il tarixində Azərbaycan Respublikasının xarici işlər naziri Ceyhun Bayramov Birləşmiş Millətlər Təşkilatının Uşaq Fondunun (UNICEF) Avropa və Mərkəzi Asiya ölkələri üzrə regional direktoru, Avropada qaçqın və miqrant məsələləri üzrə xüsusi əlaqələndirici Regina de Dominitsis ilə görüşüb.

 

 

 

 

Görüşdə Azərbaycan və UNICEF arasında mövcud əməkdaşlıq gündəliyində duran məsələlər və gələcək əməkdaşlıq perspektivləri, habelə cari regional vəziyyət ətrafında fikir mübadiləsi aparılıb.

 

 

 

Nazir Ceyhun Bayramov ölkəmizin müstəqilliyinin bərpasının ilk günlərindən BMT-nin müxtəlif ixtisaslaşmış qurumları, o cümlədən UNICEF-lə yaxından əməkdaşlıq etdiyini, xüsusilə Ermənistanın ərazilərimizi işğalı nəticəsində qaçqına və məcburi köçkünə çevrilmiş uşaqlar üçün daha yaxşı təhsil və səhiyyə imkanlarının yaradılması sahəsində aidiyyəti dövlət qurumları ilə birgə uğurlu proqram və layihələrin həyata keçirildiyini qeyd edib.

 

Qarşı tərəf hazırkı postmünaqişə dövründə vətəndaşlarımızın öz evlərinə ləyaqətli qayıdışının təmini istiqamətində görülən genişmiqyaslı bərpa və yenidənqurma işləri, mina təhdidinə qarşı mübarizə barədə ətraflı məlumatlandırılıb.

 

 

 

Nazir Ceyhun Bayramov, xüsusilə mina təhdidi ilə mübarizə sahəsində UNICEF-lə əməkdaşlıq çərçivəsində aparılan maarifləndirmə fəaliyyətindən bəhs edərək, bu istiqamətdə beynəlxalq ictimaiyyətin diqqətini də bu təhdidə çəkməyin vacibliyini vurğulayıb.

 

 

 

Regina de Dominitsis UNICEF-in Azərbaycanla mövcud uğurlu əməkdaşlıq təcrübəsinin davam etdirilməsində maraqlı olduğunu, xüsusilə Azərbaycanın ev sahibliyi edəcəyi cari ildə keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) və 2026-cı ildə keçiriləcək Ümumdünya Şəhərsalma Forumu çərçivəsində uşaq hüquqları sahəsində müxtəlif birgə təşəbbüslərin həyata keçirilə biləcəyini qeyd edib.

 

 

 

Postmünaqişə dövründə Azərbaycan tərəfindən məcburi köçkünlərin öz evlərinə qayıdışına istiqamətlənən bərpa və quruculuq fəaliyyətinin təqdirəlayiq olduğu, bu istiqamətdə UNICEF-in də prosesə dəstək göstərməyə hazır olduğu diqqətə çatdırılıb.

 

 

 

Nazir Ceyhun Bayramov öz növbəsində COP29-a hazırlıq prosesində ilkin planlar barədə qarşı tərəfi məlumatlandırıb.

 

Görüş zamanı, həmçinin qarşılıqlı maraq doğuran digər məsələlər müzakirə olunub.

 

 

Paylaş
BÜTÜN XƏBƏRLƏR

kaynak:https://mfa.gov.az/az/news/no00324

 

 

 

 

]]> Azərbaycan Respublikası və Avropa İttifaqı arasında Birgə Viza Sadələşdirilməsi Komitəsinin 7-ci iclasına dair mətbuat məlumatı https://tebrizgazetesi.com/az%c9%99rbaycan-respublikasi-v%c9%99-avropa-ittifaqi-arasinda-birg%c9%99-viza-sad%c9%99l%c9%99sdirilm%c9%99si-komit%c9%99sinin-7-ci-iclasina-dair-m%c9%99tbuat-m%c9%99lumati-h51905.html Tue, 28 Nov 2023 08:45:28 +0000 https://1453kralmedya.com/az%c9%99rbaycan-respublikasi-v%c9%99-avropa-ittifaqi-arasinda-birg%c9%99-viza-sad%c9%99l%c9%99sdirilm%c9%99si-komit%c9%99sinin-7-ci-iclasina-dair-m%c9%99tbuat-m%c9%99lumati-h51905.html

 

 

No:676/23, Azərbaycan Respublikası və Avropa İttifaqı arasında Birgə Viza Sadələşdirilməsi Komitəsinin 7-ci iclasına dair mətbuat məlumatı

 

 

 

23 noyabr tarixində Bakı şəhərində Azərbaycan Respublikası və Avropa İttifaqı arasında Birgə Viza Sadələşdirilməsi Komitəsinin 7-ci iclası keçirilib.

 

İclasda Azərbaycan Respublikası Xarici İşlər Nazirliyinin və digər dövlət qurumlarının rəsmiləri, eləcə də Avropa İttifaqının Miqrasiya və Daxili İşlər Baş Direktorluğunun nümayəndələri, Avropa İttifaqının Azərbaycan Respublikasındakı Nümayəndəliyinin əməkdaşları və Avropa İttifaqı üzv dövlətlərinin ölkəmizdə akkreditə olunmuş diplomatik missiyalarının konsulları da iştirak edib.

 

 

Tərəflər 2013-cü ilin 29 noyabr tarixində imzalanmış “Azərbaycan Respublikası ilə Avropa İttifaqı arasında vizaların rəsmiləşdirilməsinin sadələşdirilməsi haqqında” Sazişin müddəalarından irəli gələn sadələşdirilmələrin tətbiqi mexanizmləri və Avropa İttifaqı ilə ölkəmiz arasında bu sahədə faydalı əməkdaşlığın genişləndirilməsi perspektivlərini əhatə edən mövzular ətrafında konstruktiv və ətraflı müzakirələr aparıblar.

 

2022-ci və 2023-cü ilin 15 noyabr tarixinədək olan statistik göstəricilərə istinad edilərək, Azərbaycan Respublikası və Avropa İttifaqı vətəndaşları arasında qarşılıqlı səfər sayında ciddi artımın olduğu vurğulanıb.

 

 

 

İclas zamanı, həmçinin Azərbaycan Respublikası vətəndaşlarının Avropa İttifaqına üzv ölkələrin Azərbaycan Respublikasında fəaliyyət göstərən diplomatik missiyalarına viza müraciətləri zamanı üzləşdikləri çətinliklər qarşı tərəfin diqqətinə çatdırılıb və onların aradan qaldırılması mexanizmləri üzrə fikir mübadiləsi aparılıb.

 

Paylaş

BÜTÜN XƏBƏRLƏR

kaynak:https://mfa.gov.az/az/news/no67623

 

 

 

 

]]> İlham Əliyev BMT-nin Avropa üzrə İqtisadi Komissiyasının icraçı katibini qəbul edib https://tebrizgazetesi.com/ilham-%c9%99liyev-bmt-nin-avropa-uzr%c9%99-iqtisadi-komissiyasinin-icraci-katibini-q%c9%99bul-edib-h51861.html Sun, 26 Nov 2023 14:04:41 +0000 https://1453kralmedya.com/ilham-%c9%99liyev-bmt-nin-avropa-uzr%c9%99-iqtisadi-komissiyasinin-icraci-katibini-q%c9%99bul-edib-h51861.html

 

 

 

İlham Əliyev BMT-nin Avropa üzrə İqtisadi Komissiyasının icraçı katibini qəbul edib

2023,

 

 

 

İlham Əliyev BMT-nin Avropa üzrə İqtisadi Komissiyasının icraçı katibini qəbul edib

Azərbaycan Respublikasının Prezidenti İlham Əliyev noyabrın 23-də BMT-nin Avropa üzrə İqtisadi Komissiyasının (UNECE) icraçı katibi Tatyana Molçanı qəbul edib.

Azərbaycanın 1993-cü ildə BMT-nin Avropa üzrə İqtisadi Komissiyasına üzv qəbul olunmasından etibarən ölkəmiz ilə bu təsisat arasında sıx əlaqələrin qurulduğunu deyən dövlətimizin başçısı qeyd etdi ki, Azərbaycan bu Komissiya ilə ətraf mühitin mühafizəsi, nəqliyyat, gömrük, enerji, Dayanıqlı İnkişaf Məqsədlərinin həyata keçirilməsi və digər sahələrdə uğurlu əməkdaşlıq edir.

 

 

 

Prezident İlham Əliyev BMT-nin Avropa üzrə İqtisadi Komissiyasının nümayəndə heyətlərinin ölkəmizdə Azərbaycanın sədrliyi ilə təşkil olunan beynəlxalq tədbirlərdə iştiraklarını məmnunluqla qeyd etdi. Dövlətimizin başçısı bu xüsusda Bakıda keçirilən BMT-nin Mərkəzi Asiya Ölkələrinin İqtisadiyyatları üçün Xüsusi Proqramı (SPECA) Zirvə görüşündə BMT-nin Avropa üzrə İqtisadi Komissiyasının və BMT-nin Asiya və Sakit okean üzrə İqtisadi və Sosial Komissiyasının icraçı katiblərinin iştirakını SPECA çərçivəsində əməkdaşlığa verilən əhəmiyyətin nümunəsi kimi qiymətləndirdi.

Azərbaycan Prezidenti SPECA yarananda üzv ölkələrin müstəqilliklərinin ilk mərhələsində, fərqli geosiyasi və coğrafi mühitdə olduqlarını xatırladı, ötən müddət ərzində üzv ölkələrin müstəqil dövlətlər olaraq uğurlu inkişaf yolu keçdiklərini vurğuladı.

 

 

 

SPECA Zirvə görüşünün Bakıda keçirilməsinin Azərbaycan ilə Mərkəzi Asiya ölkələri arasında əməkdaşlığın hərtərəfli və dinamik surətdə inkişafının bariz nümunəsi olduğunu deyən Prezident İlham Əliyev son illər ərzində Azərbaycan ilə region ölkələri arasında siyasi, iqtisadi, nəqliyyat və digər sahələrdə əməkdaşlığın genişlənməsini məmnunluqla qeyd etdi. Dövlətimizin başçısı vurğuladı ki, SPECA-nın üzvü olan dövlətlər sıx əməkdaşlıq nəticəsində uğurlu regional model təqdim edirlər. Bu, həmçinin Azərbaycanın və Mərkəzi Asiya ölkələrinin vahid siyasi, iqtisadi və geosiyasi bir məkanı ifadə etmələrinin bariz təzahürü, Azərbaycanın Mərkəzi Asiya ölkələri ilə əməkdaşlığı daha da genişləndirmək əzminin və niyyətinin nümunəsidir.

Dəvətə görə təşəkkürünü bildirən Tatyana Molçan Azərbaycanın SPECA-ya uğurlu sədrliyini vurğuladı və ilk dəfə bu formatda Zirvə görüşünün keçirilməsinin mühüm nailiyyət olduğunu dedi.

 

 

 

Azərbaycanın sədrliyi ilə bu çərçivədə əməkdaşlığın daha böyük perspektivlərinin olduğunu qeyd edən qonaq Sammitin SPECA-nın yaranmasının 25-ci ildönümünə təsadüf etməsini və bu xüsusda, BMT Baş Assambleyasında SPECA-nın təsis edilməsinə dair qətnamənin qəbul olunmasının əhəmiyyətini vurğuladı.

Tatyana Molçan SPECA-nın Sammitində BMT Baş katibini təmsil etməsindən məmnunluq duyduğunu bildirdi. O, bu Sammitin SPECA-ya üzv ölkələr arasında qarşılıqlı maraq doğuran sahələrdə əməkdaşlığın inkişaf etdirilməsi, prioritetlərin və eyni zamanda, çağırışların müzakirəsi baxımından böyük əhəmiyyət daşıdığını bildirərək BMT-nin Avropa üzrə İqtisadi Komissiyasının Sammit çərçivəsində aparılacaq müzakirələrdə həmsədr qismində iştirakının məmnunluq doğurduğunu dedi.

 

 

 

Görüşdə nəqliyyat dəhlizləri, urban-meşə konsepsiyası və şəhərlərdə yaşıllaşdırmanın artırılması, Azərbaycanın tarazlaşdırılmış və uğurlu şəkildə bərpaolunan və yaşıl enerji konsepsiyasına keçidi, bu istiqamətdə ölkəmizin irəli sürdüyü təşəbbüslər ilə bağlı fikir mübadiləsi aparıldı.

Mərkəzi Asiya ölkələri ilə nəqliyyat imkanlarının artırılması, Orta Dəhlizin əhəmiyyəti, Azərbaycanın ölkəmizdə və qonşu ölkələrdə nəqliyyat infrastrukturunun inkişafına yatırdığı investisiyalar məmnunluqla qeyd edildi. Bu baxımdan BMT-nin Avropa üzrə İqtisadi Komissiyası ilə əməkdaşlığın genişləndirilməsi məsələləri müzakirə olundu.

 

 

 

Söhbət zamanı “Transsərhəd kontekstində ətraf mühitə təsirin qiymətləndirilməsi haqqında Konvensiya” – Espo Konvensiyasının əhəmiyyətinə toxunuldu, bu Konvensiyanın regionda təşviqinin, bölgədə su hövzələrinin və çayların ekoloji təmizliyinin təmin olunmasının, sərhədyanı zonalarda, xüsusilə də mədən sənayesi ilə əlaqədar işlərin aparılmasında qonşu dövlətlərin narahatlıqlarının nəzərə alınmasının vacibliyi qeyd edildi.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/62309

 

 

 

]]> Avropada süni ürək aparatı kəşf edən azərbaycanlı həkim: “Gələcəkdə fəaliyyətimi Azərbaycanda davam etdirmək fikrindəyəm” https://tebrizgazetesi.com/avropada-suni-ur%c9%99k-aparati-k%c9%99sf-ed%c9%99n-az%c9%99rbaycanli-h%c9%99kim-g%c9%99l%c9%99c%c9%99kd%c9%99-f%c9%99aliyy%c9%99timi-az%c9%99rbaycanda-davam-etdirm%c9%99k-fikrind%c9%99y-h51782.html Thu, 23 Nov 2023 20:15:38 +0000 https://1453kralmedya.com/avropada-suni-ur%c9%99k-aparati-k%c9%99sf-ed%c9%99n-az%c9%99rbaycanli-h%c9%99kim-g%c9%99l%c9%99c%c9%99kd%c9%99-f%c9%99aliyy%c9%99timi-az%c9%99rbaycanda-davam-etdirm%c9%99k-fikrind%c9%99y-h51782.html

 

 

 

 

Avropada süni ürək aparatı kəşf edən azərbaycanlı həkim: “Gələcəkdə fəaliyyətimi Azərbaycanda davam etdirmək fikrindəyəm”

 

 

 

, 2023
Avropada süni ürək aparatı kəşf edən azərbaycanlı həkim: “Gələcəkdə fəaliyyətimi Azərbaycanda davam etdirmək fikrindəyəm”

 

 

 

Almaniyanın “Helios Krefeld” klinikasında kardiocərrah işləyən, əslən Füzuli rayonundan olan Dr. Cavid Fətullayev bu günlərdə Almaniyadakı Azərbaycanlı Həkimlərin II Forumunun iştirakçısı olub.

 

 

 

 

O, xaricdə yaşayan azərbaycanlı həkimlərin ən azı ildə bir dəfə görüşüb təcrübə mübadiləsi aparmasını çox gözəl təşəbbüs adlandırıb: “Bu təşəbbüsü ərsəyə gətirən hər kəsə öz təşəkkürümü bildirirəm. Forum çox gözəl təşkil olunub və biz burada yeni insanlarla tanış olmaq imkanı qazanırıq. Digər tərəfdən, dövlətimizin göstərdiyi qayğının şahidi oluruq. Berlinin mərkəzində gözəl bir binada bu forumun keçirilməsi həqiqətən də çox təqdirəlayiq bir hadisədir. Burada çox maraqlı təqdimatlar oldu, yeni terapevtik məsələlər ortaya çıxdı. Təəssüf ki, belə müzakirələr hər zaman olmur. İstərdik ki, bu cür tədbirlər tez-tez olsun, təcrübəmiz artsın, dünyaya baxışımız genişlənsin, yeni sahələrə marağımız oyansın”.

 

 

 

C.Fətullayev əmin olduğunu bildirib ki, Almaniyadakı Azərbaycanlı Həkimlərin II Forumu təkcə həkimlər üçün deyil, həm də tələbələr üçün də çox faydalıdır: “Burada onların da imkanı var ki, öncül texnologiyalarla tanış olsunlar, bu sahədə çalışan mütəxəssislərlə birbaşa danışmaq imkanları yaransın. Təşkilatçılara, o cümlədən Diasporla İş üzrə Dövlət Komitəsinə təşəkkür edirəm. İnanıram ki, önümüzdəki illərdə də belə böyük forumlar keçiriləcək və bu, gələcəkdə həm Almaniya, həm də Azərbaycan üçün mütəxəssislərin yetişməsində çox böyük rol oynayacaq. Mən Qarabağdakı quruculuq işləri ilə də yaxından maraqlanıram və gələcəkdə öz fəaliyyətimi Azərbaycanda davam etdirmək fikrindəyəm”.

 

 

 

Qeyd edək ki, Avropada süni ürək aparatı kəşf edən azərbaycanlı həkim Cavid Fətullayevin Almaniyadakı fəaliyyəti ilə “Vətən uzaqda deyil” proqramının aşağıdakı buraxılışını izləməklə tanış olmaq olar.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/avropada-suni-urek-aparati-kesf-eden-azerbaycanli-hekim-gelecekde-fealiyyetimi-azerbaycanda-davam-etdirmek-fikrindeyem-3836

 

 

 

]]> Avropa Parlamentinin prezidenti Almaniyadakı diaspor fəalına cavab verib https://tebrizgazetesi.com/avropa-parlamentinin-prezidenti-almaniyadaki-diaspor-f%c9%99alina-cavab-verib-h51152.html Sun, 05 Nov 2023 06:06:56 +0000 https://1453kralmedya.com/avropa-parlamentinin-prezidenti-almaniyadaki-diaspor-f%c9%99alina-cavab-verib-h51152.html

 

 

 

 

Avropa Parlamentinin prezidenti Almaniyadakı diaspor fəalına cavab verib

, 2023

Avropa Parlamentinin prezidenti Almaniyadakı diaspor fəalına cavab verib

 

 

 

Avropa Parlamentinin (AP) prezidenti Roberta Metsolanın adından Almaniyada yaşayan diaspor fəalı Asəf Əsgərə cavab məktubu göndərilib.

 

 

 

AP-nin vətəndaşların sorğuları şöbəsindən (AskEP) soydaşımıza ünvanlanan məktubda bildirilib ki, onun qurumun Azərbaycanla bağlı qətnaməsinə etiraz məktubu 25 oktyabr 2023-cü il tarixində qəbul edilib: “Əmin olun ki, Qarabağdakı vəziyyətlə bağlı oktyabrda qəbul edilmiş sonuncu qətnamə ilə bağlı müşahidələriniz diqqətlə oxunub və qeyd olunub”.

 

 

 

 

Məktubda nəzərə çatdırılıb ki, prezident parlament üzvlərinə siyasi fəaliyyətlərini necə aparmaları və ya necə səs vermələri barədə göstəriş vermək səlahiyyətinə malik deyil: “Üstəlik, prezident bu qətnaməyə səs verməyib”.

Məktubun sonunda Avropa Parlamentinin Cənubi Qafqazla əlaqələr üzrə nümayəndə heyətinin Ermənistan, Azərbaycan və Gürcüstan dövlətlərində vəziyyətin monitorinqini apardığı, bu ölkələrin parlamentləri ilə əlaqə saxladığı və digər məsələlər diqqətə çatdırılıb.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/avropa-parlamentinin-prezidenti-almaniyadaki-diaspor-fealina-cavab-verib-3753

 

 

]]>