Мемлекет басшысы Нұр-Сұлтан қаласының әкімі Алтай Көлгіновті қабылдадыhttps://t.co/lotz6DMuJ1 pic.twitter.com/AtWHnxTVgh

— President Kassym-Jomart Tokayev’s Press Office (@AkordaPress) April 13, 2022

 

 

Жаңалықтар
Ақорда
Мемлекет басшысы Нұр-Сұлтан қаласының әкімі Алтай Көлгіновті қабылдады

Қасым-Жомарт Тоқаевқа биылғы бірінші тоқсанның қорытындысы бойынша елорданың әлеуметтік-экономикалық және инфрақұрылымдық дамуы жөнінде есеп берілді.

Елорда әкімдігі Президенттің тапсырмасы бойынша әлеуметтік нысандар салу, тұрғын үйлер алабын дамыту, шағын және орта бизнесті қолдау, құрылысы ұзаққа созылған нысандардың жұмысын аяқтау, жекеменшік сектордан инвестиция тарту жөнінде жүйелі жұмыстар жүргізіп жатыр. Атап айтқанда, биылғы үш ай ішінде 600 мың шаршы метрден астам тұрғын үй пайдалануға берілген. Қала экономикасына 154 миллиард теңгеден астам қаржы тартылған. Жекеменшік сектордан инвестиция тарту көлемі былтырғы жылдың осы кезеңімен салыстырғанда 4,3 пайызға өскен. 2021 жылы 1,2 триллион теңгеден астам қаржы тартылған.

Мемлекет басшысына сорғы-сүзгіш станциясының (ССС-3) құрылысы, нөсер кәріздері, кәріздік тазарту құрылыстарын (КТҚ-2) жобалау, газды қазандықтар мен басқа да нысандар туралы мәлімет берілді.

Бұдан бөлек Алтай Көлгінов Қасым-Жомарт Тоқаевқа биыл 200-ден астам аула мен қоғамдық орындарға (бақтар, саябақтар мен бульварлар) абаттандыру жұмыстары жүргізілетіні жөнінде айтты.

Президент қала жұртшылығының пікірін ескере отырып, елорданы жоспарлы түрде одан әрі дамыту және абаттандыру жұмыстарын жалғастыруды тапсырды.

Кері қайту Кері қайту

 

kaynak:https://akorda.kz/kz/memleket-basshysy-nur-sultan-kalasynyn-akimi-altay-kolginovti-kabyldady-1335254

 

 

Мемлекет басшысы Нұр-Сұлтан қаласының әкімі Алтай Көлгіновті қабылдадыhttps://t.co/lotz6DMuJ1 pic.twitter.com/AtWHnxTVgh

— President Kassym-Jomart Tokayev’s Press Office (@AkordaPress) April 13, 2022