истифода – Tebriz Gazetesi https://tebrizgazetesi.com Wed, 01 Nov 2023 19:56:45 +0000 tr hourly 1 https://tebrizgazetesi.com/wp-content/uploads/2025/03/cropped-tebriz-32x32.webp истифода – Tebriz Gazetesi https://tebrizgazetesi.com 32 32 Ба истифода додани Корхонаи нассоҷии ҶДММ «Арвис» дар шаҳри Душанбе ва боздид аз намоиши маҳсулоти корхона https://tebrizgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%ba%d0%be%d1%80%d1%85%d0%be%d0%bd%d0%b0%d0%b8-%d0%bd%d0%b0%d1%81%d1%81%d0%be%d2%b7%d0%b8%d0%b8-h51063.html Wed, 01 Nov 2023 19:56:45 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%ba%d0%be%d1%80%d1%85%d0%be%d0%bd%d0%b0%d0%b8-%d0%bd%d0%b0%d1%81%d1%81%d0%be%d2%b7%d0%b8%d0%b8-h51063.html

 

 

 

Ба истифода додани Корхонаи нассоҷии ҶДММ «Арвис» дар шаҳри Душанбе ва боздид аз намоиши маҳсулоти корхона

2023 , шаҳри Душанбе

 

 

 

31 октябр Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ноҳияи Фирдавсии пойтахт корхонаи нассоҷии Ҷамъияти дорои масъулиятимаҳдуди “Арвис”-ро мавриди баҳрабардорӣ қарор дода, бо фаъолияти он шинос гардиданд.

Корхонаи нав, ки дар асоси технологияи замонавӣ бунёд гардидааст, ба истеҳсоли матои патдор ва маҳсулоти тайёри патдор, аз қабили намудҳои гуногуни сачоқ, халат барои тамоми синну сол ва дигар номгӯи маҳсулот машғул мебошад.

Корхонаи нассоҷии “Арвис” имкон дорад, ки дар як сол 3 ҳазору 600 тонна ресмони пахтагинро коркард намуда, аз он маҳсулоти патдор истеҳсол ва бо сифати баланд ва тарҳу шакли бозоргир пешниҳоди харидорон намояд.

 

 

 

Дар оянда содироти маҳсулоти тайёри ҷамъият низ марҳила ба марҳила дар назар дошта шудааст, зеро дастгоҳу таҷҳизоти корхона имконият медиҳад, ки маҳсулоти ниҳоии ондар доираи стандартҳои ҷаҳонӣ истеҳсол карда шавад. Айни замон корхонаи нав истеҳсоли 500 номгӯйи маҳсулоти нассоҷиро роҳандозӣ намудааст.

Иттилоъ дода шуд, ки дар корхона дастгоҳҳои муосири нассоҷӣ аз кишварҳои Белгия, Олмон, Туркия, Ҷопон ва Корея харидориву насб шудааст ва онҳо имконияти хуби таъмини сифати баланди маҳсулоту рақобатпазир будани онро доранд. Корхонаи нассоҷӣ дорои коргоҳҳои тортанӣ, суфтакунӣ, бофандагӣ, рангубор, тарроҳӣ ва дӯзандагӣ буда, фаъолияти он ба истифодаи ашёи хоми маҳаллӣ, роҳандозии раванди пурраи коркарди пахта дар дохили кишвар ва истеҳсол намудани маҳсулоти ивазкунандаи воридот равона гардидааст.

 

 

Ифтитоҳи корхонаи нави нассоҷӣ дар шаҳри Душанбе боиси таъмини 600 нафар сокини маҳаллӣбо ҷойи кори доимӣ ва маоши хуб гардид, ки аксарашонро бонувон ташкил медиҳанд.

Дар Корхонаи нассоҷии Ҷамъияти дорои масъулияти маҳдуди “Арвис” истеҳсоли матоъ, рангубори он, нармкунӣ ва омодасозии маҳсулоти ниҳоии баландсифат роҳандозӣ шудааст.

Рангу бори маҳсулот низ дар дохили корхона ба роҳ монда шуда, таҷҳизоти васлгардида иқтидор дорад, ки дар 1 шабонарӯз то 15 ҳазор килограмм матоъро рангу оро диҳанд.

Аснои боздид ба Президенти Ҷумҳурии Тоҷикистон муҳтарам Эмомалӣ Раҳмон иттилоъ доданд, ки коргоҳи тарроҳӣ ва конструктории корхонаи мазкур имконият дорад, ки дар 1 шабонарӯз то 15 тонна матоъро ба таври худкор бурида, омода созад.

Корхонаи нассоҷии Ҷамъияти дорои масъулияти маҳдуди “Арвис” дорои сехи алоҳидаи дӯзандагӣ буда, дӯхтани маҳсулоти ниҳоӣ мувофиқи тарҳи пешбинигардида дар ҳамин ҷо анҷомдода мешавад.

 

 

 

Ин коргоҳ дорои 88 дастгоҳи замонавии дӯзандагӣ, таҷҳизоти дарзмолкуниву нармкунӣ буда, маҳсулот мувофиқи фармоиши мизоҷон ва талаботи бозорҳои истеъмолӣ омода карда мешавад.

Таъмини шароити мусоиди корӣ дар корхонаи навтаъсис дар мадди аввал қарор дошта, дар ин ҷо кормандон бо либоси корӣ ва нақлиёти хизматӣ таъмин буда, ошхонаи барҳаво бо 300 ҷойи нишаст дар ихтиёри онҳо қарор дорад. Ҳамчунин ҳуҷраҳои кории кормандон, роҳрав ва ҳудуди бинои маъмурӣ бо шаклу услуби хос ва завқи баланд оро ёфтааст.

Корхонаи нассоҷии Ҷамъияти дорои масъулияти маҳдуди “Арвис” дар доираи нақшаи чорабиниҳо ба истиқболи ҷашни 35-солагии Истиқлоли давлатии Ҷумҳурии Тоҷикистон бунёд гардида, ба амалишавии тадбирҳо дар роҳи рушд додани соҳаи саноат ва истифодаи ашёи хоми маҳаллӣ боис мегардад.

 

 

 

Дар ҳудуди иншоот мағозаи алоҳидаи фурӯши маҳсулоти ниҳоӣ бунёд гардидааст, ки дар ин ҷо Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣаз намоиши маҳсулоти тайёри корхонаи мазкур дидан намуданд.

Зимни боздид Президенти Ҷумҳурии Тоҷикистон муҳтарам Эмомалӣ Раҳмон ба хатҳои муосири истеҳсолии корхона ва сифати маҳсулоти ниҳоии он баҳои баланд дода, ба масъулин барои назорати сифат ва давра ба давра роҳандозӣ намудани содироти маҳсулот ба дигар кишварҳодастуру маслиҳатҳои муфид доданд.

facebooktwitter

kaynak:http://www.president.tj/node/31789?utm_source=dlvr.it&utm_medium=twitter

 

 

 

]]> Имрӯз дар шаҳри Душанбе 7 корхонаи калони саноатӣ бо беш аз 4000 ҷойи корӣ мавриди истифода қарор дода шуд https://tebrizgazetesi.com/%d0%b8%d0%bc%d1%80%d3%af%d0%b7-%d0%b4%d0%b0%d1%80-%d1%88%d0%b0%d2%b3%d1%80%d0%b8-%d0%b4%d1%83%d1%88%d0%b0%d0%bd%d0%b1%d0%b5-7-%d0%ba%d0%be%d1%80%d1%85%d0%be%d0%bd%d0%b0%d0%b8-%d0%ba%d0%b0%d0%bb%d0%be-h51031.html Tue, 31 Oct 2023 15:13:54 +0000 https://1453kralmedya.com/%d0%b8%d0%bc%d1%80%d3%af%d0%b7-%d0%b4%d0%b0%d1%80-%d1%88%d0%b0%d2%b3%d1%80%d0%b8-%d0%b4%d1%83%d1%88%d0%b0%d0%bd%d0%b1%d0%b5-7-%d0%ba%d0%be%d1%80%d1%85%d0%be%d0%bd%d0%b0%d0%b8-%d0%ba%d0%b0%d0%bb%d0%be-h51031.html

 

 

Имрӯз дар шаҳри Душанбе 7 корхонаи калони саноатӣ бо беш аз 4000 ҷойи корӣ мавриди истифода қарор дода шуд

31.10.2023  шаҳри Душанбе

 

 

 

 

Субҳи рӯзи 31 октябр аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ дар шаҳри Душанбе ба хотири истиқболи сазовор аз ҷашни умумимиллии 35-солагии Истиқлоли давлатӣ, дар доираи “Солҳои рушди саноат” ва ҷиҳати амалисозии ҳадафи стратегии саноатикунонии босуръати кишвар 7 корхонаи калони саноатӣ бо беш аз 4000 ҷойи корӣ мавриди истифода қарор дода шуд.

 

 

Дар оғоз Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ Ҷамъияти саҳомии кушодаи “Гулистони Душанбе”-ро баъд аз азнавсозӣ ифтитоҳ намуданд.

Дар иншооти истеҳсолӣ ҷиҳати иҷрои супоришҳои Роҳбари давлат дар доираи амалӣ шудани ҳадафи чоруми стратегӣ – саноатикунонии босуръати мамлакат бо ташаббуси Мақомоти иҷроияи ҳокимияти давлатии шаҳри Душанбе технологияи муосир насб карда шуд.

 

 

Дастгоҳу таҷҳизоти муосири истеҳсолӣ давоми солҳои 2022-2023 аз Ҷопон, Иёлоти Муттаҳидаи Амрико, Италия, Чин, Англия, Русия ва Туркия ворид карда шудааст.

Баъд аз азнавсозӣ фаъолияти 3 хатти нави технологии ҳозиразамон дар Ҷамъияти саҳомии кушодаи “Гулистони Душанбе” ба роҳ монда шуд, ки дар онҳо пиҷакҳои мардона ва занона, шим ва куртаҳо дӯхта мешавад.

Пешвои муаззами миллат муҳтарам Эмомалӣ Раҳмон иҷрои нақшаҳои Мақомоти иҷроияи ҳокимияти давлатии шаҳри Душанберо барои зиёдшавии теъдоди иншооти саноатӣ, афзоиши истеҳсоли маҳсулоти ивазкунандаи воридот, ба ҷойи кор фаро гирифтани аҳолӣ ва рушди бахшҳои иқтисодиву иҷтимоӣ муҳим арзёбӣ карданд.

 

 

 

 

Баъд аз навсозӣ дар Ҷамъияти саҳомии кушодаи “Гулистони Душанбе” бори аввал истеҳсоли шиму костюми мардонаву занона бо истифода аз технологияи ҳозиразамони ширкатҳои бонуфӯзи ҷаҳонӣ ба роҳ монда шуд.

Дар натиҷаи навсозии пурраи қитъаҳои омодакунӣ, поракунӣ, таҷрибавӣ, дӯзандагӣ, ворид намудани таҷҳизоти муосири техникӣ ва баланд бардоштани сатҳи касбияти кормандон шароити мусоид барои истеҳсоли маҳсулоти рақобатпазир ва таҳкими фаъолияти корхона фароҳам оварда шуд. Бо васеъ гардидани имконияти корхона ҷиҳати содироти молу маҳсулот бо ширкатҳои бонуфузи ҷаҳонӣ шартномаҳои ҳамкорӣ баста мешавад.

Бо истифода аз иқтидори техникӣ Ҷамъияти саҳомии кушодаи “Гулистони Душанбе” имкон дорад дар як сол то 2 миллион либосҳои махсуси корӣ барои фасли тобистону зимистон, шиму костюм, либоси мактабӣ, варзишӣ, курта ва рахти хоб, дар маҷмуъ 250 номгӯйи маҳсулот истеҳсол намояд. Дар сурати зиёд шудани фармоиш, корхона имкон дорад, ки истеҳсоли маҳсулотро аз ин ҳам зиёд кунад.

 

 

 

Баъд аз навсозӣ дар корхона 230 ҷойи кории иловагӣ таъсис дода шуда, дар маҷмуъ ба 470 ҷойи корӣ расонида шуд. Дар сурати дар се баст ба роҳ мондани фаъолияти корхона то 1200 ҷойи корӣ муҳайё карда мешавад. Ин ҷиҳати амалишавии фарогирии шумораи ҳарчи бештари шаҳрвандон ба ҷойи кор мусоидат мекунад. Барои кормандон нақлиёти хизматӣ пешбинӣ карда шудааст.

 

 

 

 

Пешвои муаззами миллат муҳтарам Эмомалӣ Раҳмон таваҷҷуҳи коргарону мутахассисонро ба истеҳсоли маҳсулоти рақобатпазири босифат ҷалб намуданд.

Дар корхона таҷҳизоти лазерӣ барои ҳаккокӣ дар матоъ, сканер барои ба таври худкор гирифтани андозаи либос, хатти технологӣ иборат аз 145 таҷҳизоти махсус барои дӯхт, дарзмолкунӣ, банду баст ва хушкашӯии кимиёвии либос ворид ва насб карда шудааст. Ин имкон фароҳам овард, ки ҳар як амалиёти дӯхти либос бо истифода аз таҷҳизоти алоҳидаи худкор ба роҳ монда шавад, ки дар Тоҷикистон бори аввал аст.

Дар Ҷамъияти саҳомии кушодаи “Гулистони Душанбе” аз матоъ бо андозаҳои гуногун тавасути технологияи муосир мувофиқ ба дархости мизоҷон либосҳои шинаму зебо барои мардон ва занон истеҳсол карда мешавад.

Сарвари давлат муҳтарам Эмомалӣ Раҳмон иқдомҳои шаҳрдориро дар самти бунёду барқароркунии иншооти истеҳсолӣ намуна арзёбӣ карда, коргарону мутахассисонро ҷиҳати омӯзиши пурраи кор тавассути технологияи муосир, афзалият додан ба талаботи бозор, истифодаи пурра аз имконияти васеи технологӣ ва истеҳсоли маҳсулоти босифат вазифадор намуданд.

 

 

 

Имрӯз Ҷамъияти саҳомии кушодаи “Гулистони Душанбе” аз биноҳои маъмурӣ, истеҳсолӣ ва иншооти муосири ёрирасон иборат буда, аз коргоҳи тарроҳӣ, коргоҳи омодасозӣ ва поракунӣ, 2 коргоҳи дӯзандагӣ, коргоҳи шустушӯӣ ва рангубор, коргоҳи такмилдиҳии намнокӣ ва банду баст, коргоҳ барои дӯхти либос аз рӯйи супоришҳои махсус, нуқтаи хизматрасонии хушкашӯӣ, буғхона, мағоза ва ошхонаи васеу барҳаво барои 400 ҷойи нишаст иборат мебошад.

 

 

 

Баъди шиносоӣ бо фаъолияти корхона, Пешвои муаззами миллат муҳтарам Эмомалӣ Раҳмон ба намунаҳои маҳсулоте, ки дар Ҷамъияти саҳомии кушодаи “Гулистони Душанбе” истеҳсол мешаванд, шинос шуданд.

Дар 9 моҳи соли 2023 дар Ҷумҳурии Тоҷикистон дар 87 корхонаи дӯзандагӣ истеҳсоли маҳсулот нисбат ба ҳамин давраи соли гузашта 5,5 фоиз зиёд шудааст, ки аз ин 21 корхона ба шаҳри Душанбе рост меояд. Дар 9 моҳи соли равон истеҳсоли либоси мактабӣ дар шаҳри Душанбе нисбат ба ҳамин давраи соли 2022 26,9 фоиз зиёд шудааст, ки аз ҳама нишондоди баланди рушд дар ҷумҳурӣ мебошад.

 

 

 

 

Иҷрои супоришҳои Сарвари давлат нисбат ба дастгирии фаъолияти намояндагони бахши хусусӣ аз ҷониби Раиси шаҳри Душанбе муҳтарам Рустами Эмомалӣ имкон фароҳам овард, ки соҳибкорӣ дар пойтахти мамлакат рушд кунад ва афзоиши истеҳсоли маҳсулоти ивазкунандаи воридот таъмин карда шавад.

 

 

 

 

Барои рушди саноат дар пойтахти мамлакат шароити зарурӣ фароҳам аст ва дар асоси супориши Сарвари давлат муҳтарам Эмомалӣ Раҳмон тибқи нақшаи Мақомоти иҷроияи ҳокимияти давлатии шаҳри Душанбе тавассути бунёду барқароркунии коргоҳу корхонаҳо афзоиши истеҳсоли маҳсулоти саноатӣ таъмин, шумораи ҷойҳои корӣ дар соҳа зиёд ва ба рушди дучанди иқтисодии пойтахти мамлакат заминагузорӣ карда мешавад.

facebooktwitter

kaynak:http://www.president.tj/node/31787?utm_source=dlvr.it&utm_medium=twitter

 

 

 

]]> Maschoh ilçesinde kümes hayvanı yetiştirme işletmesi “Nekbakht” LLC’nin işletmeye alınması https://tebrizgazetesi.com/maschoh-ilcesinde-kumes-hayvani-yetistirme-isletmesi-nekbakht-llcnin-isletmeye-alinmasi-h47332.html Sun, 09 Jul 2023 08:10:07 +0000 https://1453kralmedya.com/maschoh-ilcesinde-kumes-hayvani-yetistirme-isletmesi-nekbakht-llcnin-isletmeye-alinmasi-h47332.html

Maschoh ilçesinde kümes hayvanı yetiştirme işletmesi “Nekbakht” LLC’nin işletmeye alınması

.2023 , Maschoh bölgesi

 

 

 

7 Temmuz’da, ulusal barış ve birliğin kurucusu – ulusun lideri, Tacikistan Cumhuriyeti Cumhurbaşkanı Saygıdeğer Emomali Rahmon, Mastchoh ilçesinde Limited Liability Company “Nekbakht”ın kümes hayvanı yetiştirme girişimini başlattı.

 

 

 

Girişimci Nekruz Valiev ve Bakhtiyor Valiev tarafından Tacikistan Cumhuriyeti’nin bağımsızlığının 35. yıl dönümü anısına inşa edilen kümes hayvancılığı işletmesinde şu anda 45 gün boyunca 1.000 “mercan” tavuğu olmak üzere 50.000 kuş yetiştiriliyor.

Ülkenin Saygıdeğer Başkanı Emomali Rahmon’a, işletmenin yıllık kapasitesinin 600 ton diyet et üretmek olduğu ve ayrıca bir üreme aşamasındaki kuş sayısının 100.000’e çıkacağı ve yıllık kanatlı eti üretiminin 1000 olacağı bilgisi verildi. -1200 ton.

 

 

 

Kanatlı yetiştirme tesisi alanı 5 bin metrekare olup, “Nekbakht” Limited Liability Company’de 5 adet tavuk yetiştirme binası, idari bina ve çalışanlar için kantin yapılmıştır.

Bina içi su besleme, hayvanat bahçesi-veterinerlik koşulları, sanitasyon ve hijyen ve sıcaklık kontrolü süreci tavuk çiftliğinde otomatik olarak uygulanmakta ve en modern cihaz ve ekipmanlar kurulmaktadır.

Bu tür işletmelerin kurulmasının amacı, öncelikle iç pazara diyet et tedarik etmek, ürünlerin ihracat hacmini artırmak ve yeni istihdam yaratmaktı.

Şu anda, 50 yerel sakine şirkette kalıcı işler ve iyi maaşlar sağlanıyor.

Girişimciler, ülke Hükümeti tarafından sunulan yardım ve imtiyazlardan yararlanarak kümes hayvanı işletmelerinin kurulmasına değerli katkılarda bulunurlar.

 

 

 

Nekbakht işletmesi, endüstrinin normal faaliyeti için gerekli koşulları ve altyapıyı sağlamıştır.

Burada muhterem Devlet Başkanı Emomali Rahmon su hattını devreye aldı. Devletin üst yönetiminin ve Hükümetin yönlendirmeleri doğrultusunda arazinin verimli kullanılması amacıyla 4 kilometre mesafeye su hattı çekildiği ve 15 hektarlık kamu arazisinin iyileştirileceği bilgisi verildi.

İşletmenin topraklarında bir endüstri ürünleri sergisi düzenlendi.

Ulusun lideri Emomali Rahmon, Sughd bölgesindeki kümes hayvanı işletmelerinin ürünlerinin sergilendiği ziyarette, ülke Hükümetinin yenilikçi politikasının uygulanmasına katkıda bulunan girişimcilerin girişiminden duyduğu memnuniyeti dile getirerek teşvik etti. vatansever girişimcilerin kapasitelerini ve imkanlarını kullanmaları, yeni iş sayısını artırmaları, ürünler üretmeleri, rekabetçi olmaları ve kalkınma çalışmalarına katkı sağlamaları yönlendirildi.

Nekbakht Limited Şirketi’nde Devlet Başkanı Sayın Emomali Rahmon da çam fıstığı üretim atölyesi yani yer fıstığının işlenmesi ve paketlenmesi faaliyetine başlamış ve üretim süreci ile tanışmıştır.

Fabrikaya Kazakistan Cumhuriyeti’nden modern cihaz ve ekipmanların getirildiği, üretim hattının montajı, kurulumu, eğitimi ve kullanımı sürecinde Tacikistan ve Kazakistan’dan işçi ve uzmanların iş birliği yaptığı bildirildi.

 

 

 

Bölgede bir ilk olan bu fabrika 500 bin Somoni’ye mal oldu ve günde 400-500 kilo ürün üretiyor. Şu anda 10 çeşit modern ambalajlı kurut piyasaya sunulmakta olup, gelecekte yer fıstığı ambalajlaması planlanmaktadır.

 

 

 

İlk aşamada fabrikanın ürettiği ürünler iç piyasaya sunulacak. Ürünün üretim hacmini ve listesini artırarak ihracat türü ürünlerden biri haline gelir.

Facebookheyecan

kaynak:http://www.president.tj/node/31016?utm_source=dlvr.it&utm_medium=twitter

]]> Ба истифода додани хатти оби полезӣ ва шиносоӣ бо раванди бунёди боғу токзор дар минтақаи Рухаки ноҳияҳои Бобоҷон Ғафуров ва Ҷаббор Расулов https://tebrizgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d1%85%d0%b0%d1%82%d1%82%d0%b8-%d0%be%d0%b1%d0%b8-%d0%bf%d0%be%d0%bb%d0%b5%d0%b7%d3%a3-%d0%b2%d0%b0-h42745.html Sun, 02 Apr 2023 16:57:58 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d1%85%d0%b0%d1%82%d1%82%d0%b8-%d0%be%d0%b1%d0%b8-%d0%bf%d0%be%d0%bb%d0%b5%d0%b7%d3%a3-%d0%b2%d0%b0-h42745.html

 

 

 

Ба истифода додани хатти оби полезӣ ва шиносоӣ бо раванди бунёди боғу токзор дар минтақаи Рухаки ноҳияҳои Бобоҷон Ғафуров ва Ҷаббор Расулов

.2023 , ноҳияи Бобоҷон Ғафуров

1 апрел Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар вилояти Суғд дар минтақаи Рухаки деҳоти Ғозиёни ноҳияи Бобоҷон Ғафуров хатти оби полезиро ифтитоҳ карданд.

Хатти оби полезӣ, ки масофаи он 1,3 километрро ташкил медиҳад, аз пойгоҳи обкашии ба номи “Қоҳиров” ба минтақаи Рухаки ноҳияи Бобоҷон Ғафуров оварда шудааст.

Мавриди зикр аст, ки заминҳои минтақаи Рухаки деҳоти Ғозиён бо сабаби набудани оби полезӣ солҳои зиёд аз истифода берун монда буд. Дар асоси дастуру ҳидояти Президенти Ҷумҳурии Тоҷикистон муҳтарам Эмомалӣ Раҳмон заминҳои мавзеъи Рухак марҳила ба марҳила ба гардиши кишоварзӣ ворид гардида истодааст.

Бино ба маълумоти Идораи давлатии беҳдошти замин ва обёрии ноҳияи Бобоҷон Ғафуров заминҳои ин мавзеъ зиёда аз 2000 гектарро ташкил медиҳад. Аз масоҳати умумӣ, бештар аз 1000 гектараш заминҳои корам мебошад.

Бо бунёди хатти нави оби полезӣ ва таҷдиду навсозии пойгоҳҳои амалкунанда, ки тибқи маълумот солҳои 70-ум, 80-уми асри гузшта сохта ба истифода дода шудаанд, ҳолати обёрии боз 1000 гектар заминҳои корами минтақаи Рухаки ноҳияи Бобоҷон Ғафуров беҳтару хубтар мегардад.

Зимни муаррифии “Нақшаи таъминоти оби полезии минтақаи Рухаки ноҳияи Бобоҷон Ғафуров” ба Сарвари давлат муҳтарам Эмомалӣ Раҳмон иттилоъ дода шуд, ки соли равон бо маблағгузории Мақомоти иҷроияи ҳокимияти давлатии вилояти Суғд барои пойгоҳҳои обкашии ба номи “Қоҳиров”, “Фарҳод-3”, “Юбилейний-1 ва 2” дар маҷмуъ 8 агрегати нав харидорӣ гардида, оянда бо иҷрои тадбирҳои иловагӣ фаъолияти мунтазами иншооти иригатсионии ин мавзеъ таъмин ва мушкилоти солҳои қаблӣ куллан бартараф карда мешавад. Заминҳои ин минтақаи Рухак асосан ба воситаи ҳамин 4 пойгоҳ обёрӣ мегардад ва ба ду қисм тақсим шуда, дар ҳудуди ноҳияҳои Бобоҷон Ғафуров ва Ҷаббор Расулов воқеъ мебошад.

 

 

 

 

Дар минтақаи Рухак кишоварзони ноҳияи Ҷаббор Расулов низ бо беҳтар гардидани вазъи обрасонӣ ҳамасола майдони боғу токзорҳои нав ва заминҳои киштро васеъ менамоянд. Аз ҷумла, соли равон кишоварзони ноҳияи Ҷаббор Расулов дар минтақаи Рухак зиёда аз 50 гектар боғоти бодом, олуча, хуч, олу ва бештар аз 2 гектар токзори нав бунёд карданд.

Дар ин рӯз дар минтақаи Рухаки ноҳия Ҷаббор Расулов низ хатти нави оби полезӣ ба истифода дода шуд. Бо мавриди баҳрабардорӣ қарор гирифтани хатти оби полезӣ, ки масофаи он аз пойгоҳи обкашии “Деҳмой-4” то минтақаи Рухак 828 метрро ташкил медиҳад, зиёда аз 500 гектар замин шодоб мегардад. Ба воситаи пойгоҳи обкашии “Деҳмой-4” 117 гектар заминҳои минтақаи Рухаки ноҳияи Бобоҷон Ғафуров низ обёрӣ мегардад.

Баъди ба истифода додани хатти оби полезӣ ва шиносоӣ бо нақшаи обёрии пурраи заминҳои минтақаи Рухак, Пешвои муаззами миллат муҳтарам Эмомалӣ Раҳмон аз боғи нави бодом, ки бо саҳми Хоҷагии ёрирасони “Пойгоҳи газпуркунии нақлиёти Рухак”-и ноҳияи Бобоҷон Ғафуров бунёд гардидааст, дидан намуданд.

Масоҳати боғи мазкур 5 гектар буда, дар ин ҷо асосан 3 намуди ниҳоли дарахтони серҳосилу ба иқлими маҳал тобовари бодом шинонида шудааст. Хоҷагидорон боғи бодомро асосан дар заминаи боғоти кӯҳнаи зардолу, ки бо гузашти солҳои зиёд ҳосилнокии дарахтонаш кам гардида буд, бунёд намуданд ва баъди ду-се сол аз самараи он баҳра мебаранд.

Барои бунёди боғ ниҳоли дарахтони бодом, ки дар маҷмуъ 2 ҳазору 400 бехро ташкил медиҳад, аз Корхонаи воҳиди давлатии фаръии “Ниҳолпарвар”- и ба номи Ғайбулло Масаидови ноҳияи Бобоҷон Ғафуров дастрас гардида, бо маслиҳати олимони соҳа шинонида шудааст.

Истифодаи самараноку оқилонаи замин, ки яке аз таъкидҳои доимии Сарвари давлат муҳтарам Эмомалӣ Раҳмон ба ҳисоб меравад, дар байни қатори ниҳоли дарахтони боғи нав ҷав кишт карда шудааст ва оянда хоҷагидорон бо гирифтани ҳосили дилхоҳ аз ин ҳисоб низ манфиати иқтисодӣ мебинанд.

Таъкид гардид, ки дар минтақаи “Рухак”-и ноҳияҳои Бобоҷон Ғафуров ва Ҷаббор Расулов бо обёрии пурраи замини талу теппаҳо имкон фароҳам мегардад, ки масоҳати майдони кишти зироат ва боғу токзорҳои нав ба зиёда аз 3 ҳазор гектар расонида шавад. Бо обёрӣ гардидани заминҳои ин минтақа ҳамчунин садҳо нафар соҳиби ҷойи кор гардида, дар бозори истеъмолӣ фаровонии маҳсулоти кишоварзӣ таъмин мегардад.

facebooktwitter

kaynak:http://www.president.tj/node/30409?utm_source=dlvr.it&utm_medium=twitter

 

 

 

]]> Ба истифода додани маркази ташхисию табобатии “Тибби Равшан” дар маркази деҳоти Овчиқалъачаи ноҳияи Бобоҷон Ғафуров https://tebrizgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%bc%d0%b0%d1%80%d0%ba%d0%b0%d0%b7%d0%b8-%d1%82%d0%b0%d1%88%d1%85%d0%b8%d1%81%d0%b8%d1%8e-%d1%82-h42743.html Sun, 02 Apr 2023 15:02:49 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%bc%d0%b0%d1%80%d0%ba%d0%b0%d0%b7%d0%b8-%d1%82%d0%b0%d1%88%d1%85%d0%b8%d1%81%d0%b8%d1%8e-%d1%82-h42743.html

 

 

 

Ба истифода додани маркази ташхисию табобатии “Тибби Равшан” дар маркази деҳоти Овчиқалъачаи ноҳияи Бобоҷон Ғафуров

.2023 , ноҳияи Бобоҷон Ғафуров

Дар маркази деҳоти Овчиқалъачаи ноҳияи Бобоҷон Ғафурови вилояти Суғд Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пас аз ифтитоҳи коргоҳҳои истеҳсолӣ ҳамзамон бинои хуштарҳу замонавии маркази ташхисию табобатии “Тибби Равшан”-ро мавриди баҳрабардорӣ қарор доданд.

Иншоот дар доираи тадбирҳои созандагӣ ба истиқболи ҷашни 35 – солагии Истиқлоли давлатии Ҷумҳурии Тоҷикистон бо саҳми соҳибкори ватанӣ, сокини деҳоти Овчиқалъача Алишер Ҳайдаров сохта шуда, аз ду ошёна ва таҳхона иборат мебошад.

 

 

 

 

 

Сарвари давлат муҳтарам Эмомалӣ Раҳмон дар ин ҷо нахуст бо шароити кории маркази навбунёди тиббӣ, аз ҷумла ҳуҷраҳои корӣ ва дастгоҳу таҷҳизоти муосир шинос шуданд.

Иттилоъ дода шуд, ки дар марказ барои муолиҷа кардани беморон мутахассисони ботаҷриба ҷалб гардида, хизматрасонии тиббӣ дар сатҳи зарурӣ анҷом дода мешавад.

Бинои маркази ташхисию табобатии “Тибби Равшан” бо тарҳи хеле зебо ва ҷавобгӯи талаботи сохтмонию меъморӣ сохта шуда, дорои 7 ҳуҷраи ташхисию муолиҷавӣ ва 4 ҳуҷра бо 11 кати хоб мебошад, ки ҳамаи онҳо бо мизу курсӣ ва дастгоҳу таҷҳизоти зарурии ташхисию табобатӣ таъмин мебошанд.

Дар ин маркази навтаъсиси тиббӣ 15 нафар сокини маҳаллӣ бо ҷойи корӣ доимӣ таъмин шуданд.

Дар таҳхонаи бинои маркази навтаъсиси ташхисию табобатӣ ҳуҷраҳои физиотерапевтӣ амал менамояд, ки бо рахти хоб ва дастгоҳу таҷҳизоти замонавӣ таъмин мебошад.

Мувофиқи лоиҳа дар ошёнаи якуми иншоот ҳуҷраҳои ултрасадо, рентгени рақамӣ, асабшиносӣ, ҳуҷраҳо барои табобати бемориҳои амрози даруна, ҳуҷраи дандонпизишкӣ, ташхисгоҳ ва ҳуҷраи табобатии амрозӣ занона ҷойгир буда, дар ошёнаи дуюм барои ба табобат фаро гирифтани сокинон 11 кати хоб бо шароити муосир таъмин гардидааст, ки табибон бо истифода аз дастгоҳу технологияи пешрафта ва муносибати хуб ба сокинон хизматрасонии босифату бенуқсони тиббӣ мерасонанд.

Сокинони деҳоти Овчиқалъачаи ноҳияи Бобоҷон Ғафуров аз таваҷҷуҳ ва дастгириҳои пайвастаи Пешвои миллат муҳтарам Эмомалӣ Раҳмон ва вусъати тадбирҳои бузурги ободонӣ дар марказ, инчунин бунёду ба истифодадиҳии майдони парчами давлатӣ, бинои муосири тиббӣ, коргоҳҳои истеҳсолӣ ва дигар инфрасохтори зарурӣ, ки барои беҳдошти сатҳи зиндагии мардум нигаронида шудааст, изҳори сипосу миннатдорӣ намуданд.

facebooktwitter

kaynak:http://www.president.tj/node/30408?utm_source=dlvr.it&utm_medium=twitter

 

 

 

]]> Ба истифода додани бинои дуошёнаи бахши минтақавии шуъбаи ВКД дар ноҳияи Бобоҷон Ғафуров https://tebrizgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%b4%d1%83%d0%be%d1%88%d1%91%d0%bd%d0%b0%d0%b8-%d0%b1%d0%b0%d1%85-h42734.html Sun, 02 Apr 2023 12:07:33 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%b4%d1%83%d0%be%d1%88%d1%91%d0%bd%d0%b0%d0%b8-%d0%b1%d0%b0%d1%85-h42734.html

 

 

 

 

Ба истифода додани бинои дуошёнаи бахши минтақавии шуъбаи ВКД дар ноҳияи Бобоҷон Ғафуров

.2023 , ноҳияи Бобоҷон Ғафуров

Баъди ба истифода додани майдони Парчами давлатии Ҷумҳурии Тоҷикистон Асосгузори суҳлу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои бахши милитсияи шаҳраки Овчиқалъачаи Шуъбаи-2-и Вазорати корҳои дохилии Ҷумҳурии Тоҷикистон дар ноҳияи Бобоҷон Ғафуровро ба истифода доданд.

 

 

 

 

 

Сохтмони иншоот соли 2019 оғоз гардида, дар асоси лоиҳаи муосири шаҳрсозӣ бо маблағгузории Мақомоти иҷроияи ҳокимияти давлатии ноҳияи Бобоҷон Ғафуров ба анҷом расонида шудааст.

Пешвои муаззами миллат муҳтарам Эмомалӣ Раҳмон ба шароити фароҳамшуда барои кормандони мақомоти милитсия баҳои баланд дода, ҳайати шахсиро ҷиҳати таъмини тартиботи ҷамъиятӣ, саҳм гирифтан дар пешгирии ҷинояткорӣ, баланд бардоштани маърифати ҳуқуқии шаҳрвандон ва иҷрои дигар уҳдадориҳои касбӣ вазифадор намуданд.

Бинои бахши милитсияи шаҳраки Овчиқалъача дорои 18 ҳуҷраи корӣ, маҷлисгоҳ ва ошхона буда, дар он ба кормандони мақомоти милитсия барои иҷрои уҳдадориҳои касбӣ ва пешрафти фаъолияти хизматӣ шароити зарурӣ фароҳам оварда шудааст.

Сарвари давлат муҳтарам Эмомалӣ Раҳмон зимни суҳбат кормандони мақомоти милитсияро ба истифодаи пурраи имконияти фароҳамшуда ва иҷрои саривақтии уҳдадориҳо вазифадор намуданд.

facebooktwitter

kaynak:http://www.president.tj/node/30406?utm_source=dlvr.it&utm_medium=twitter

 

 

 

]]> Ба истифода додани хатти оби нӯшокӣ барои таъмини 1800 нафар аҳолии деҳаи Зарафшони ноҳияи Зафаробод https://tebrizgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d1%85%d0%b0%d1%82%d1%82%d0%b8-%d0%be%d0%b1%d0%b8-%d0%bd%d3%af%d1%88%d0%be%d0%ba%d3%a3-%d0%b1%d0%b0-h42730.html Sun, 02 Apr 2023 09:09:26 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d1%85%d0%b0%d1%82%d1%82%d0%b8-%d0%be%d0%b1%d0%b8-%d0%bd%d3%af%d1%88%d0%be%d0%ba%d3%a3-%d0%b1%d0%b0-h42730.html

 

 

 

Ба истифода додани хатти оби нӯшокӣ барои таъмини 1800 нафар аҳолии деҳаи Зарафшони ноҳияи Зафаробод

.2023 , ноҳияи Зафаробод

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Зарафшони ноҳияи Зафарободи вилояти Суғд хатти оби нӯшокиро мавриди истифода қарор доданд.

Иттилоъ дода шуд, ки дар ин мавзеъ бо сохтани чоҳи амудӣ дар чуқурии 150 метр ба воситаи насоси махсуси обкашӣ оби нӯшокӣ бароварда шуда, дар натиҷа беш аз 430 оила, яъне 1800 нафар аҳолии деҳаи Зарафшон ба оби тозаи ошомиданӣ дастрасӣ пайдо намуданд.

Ҳамзамон, тавассути хатти оби нӯшокӣ муассисаҳои соҳаи маорифу тандурустии ин деҳа бо оби хушсифати нӯшокӣ таъмин гардиданд.

 

 

 

 

Бо сохтани хатти оби нӯшокӣ мушкилоти қаблии деҳаи Зарафшони ноҳияи Зафаробод вобаста ба таъмин будан бо оби нӯшокӣ ҳалли худро ёфт.

Дар партави ташаббусҳои наҷиби Пешвои миллат муҳтарам Эмомалӣ Раҳмон бо маблағгузории Мақомоти иҷроияи ҳокимияти давлатии вилояти Суғд ва мақомоти маҳаллӣ дар ин деҳа хатти оби нӯшокӣ ба дарозии беш аз 2 километр бунёд гардид ва ба ҳамаи кӯчаю маҳаллаҳои деҳаи Зарафшон хатти об оварда, нӯқтаҳои обгирӣ ташкил карда шуданд.

Татбиқи як қатор лоиҳаҳои сармоягузорӣ оид ба таъмини оби нӯшокӣ дар шаҳру ноҳияҳои мамлакат шаҳодати ин аст, ки сол аз сол масъалаи таъминои оби нӯшокӣ ҳалли худро меёбад.

Таъмини сокинони деҳаи Зарафшони ноҳияи Зафаробод бо оби ошомидании аз ҷиҳати экологӣ тоза самараи Истиқлоли давлатӣ ва амалӣ гардидани дастуру супоришҳои роҳбарияти олии Давлату Ҳукумат мебошад. Ин тадбири муҳим боиси хушҳолии хурду бузурги ноҳияи Зафаробод гардида, аҳолии деҳаи Зарафшон ба Сарвари давлат изҳори сипосу миннатдорӣ баён намуданд.

facebooktwitter

kaynak:http://www.president.tj/node/30382?utm_source=dlvr.it&utm_medium=twitter

 

 

]]> Ба истифода додани Майдони Парчами давлатӣ дар деҳоти Овчиқалъачаи ноҳияи Бобоҷон Ғуфуров https://tebrizgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%bc%d0%b0%d0%b9%d0%b4%d0%be%d0%bd%d0%b8-%d0%bf%d0%b0%d1%80%d1%87%d0%b0%d0%bc%d0%b8-%d0%b4%d0%b0-h42712.html Sat, 01 Apr 2023 21:39:14 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%bc%d0%b0%d0%b9%d0%b4%d0%be%d0%bd%d0%b8-%d0%bf%d0%b0%d1%80%d1%87%d0%b0%d0%bc%d0%b8-%d0%b4%d0%b0-h42712.html

 

 

 

Ба истифода додани Майдони Парчами давлатӣ дар деҳоти Овчиқалъачаи ноҳияи Бобоҷон Ғуфуров
01.04.2023 , ноҳияи Бобоҷон Ғафуров

1 апрел Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маркази деҳоти Овчиқалъачаи ноҳияи Бобоҷон Ғафурови вилояти Суғд бо бардоштани парда аз рӯйи лавҳа майдони Парчами давлатиро ба истифода доданд.

Баландии сутунпояи Парчами давлатии Ҷумҳурии Тоҷикистон 50 метр, дарозии матоъ 14 ва паҳноиаш 7 метрро ташкил медиҳад.

Сохтмони майдони Парчами давлатӣ дар доираи омодагиҳо ба ҷашни 35 – солагии Истиқлоли давлатии Ҷумҳурии Тоҷикистон моҳи январи соли равон бо маблағгузории Мақомоти иҷроияи ҳокимияти давлатии ноҳияи Бобоҷон Ғафуров оғоз гардида, дар муддати кӯтоҳ мутобиқ ба талаботи лоиҳавӣ ба анҷом расонида шудааст.

 

 

 

 

 

Майдони Парчами давлатӣ дар маркази деҳоти Овчиқалъача 30 садякро ташкил намуда, дар он барои истироҳату фароғати шаҳрвандон мутобиқ ба талабот шароит фароҳам оварда шудааст.

Сокинони ин деҳоти дурдасти мамлакат бунёду ба истифода додани иншооти нав, таъсиси ҷойҳои нави корӣ ва тадриҷан беҳтаршавии сатҳи зиндагиро ба дастгириву таваҷҷуҳи доимии Роҳбари давлат марбут медонанд.

Дар майдони Парчами давлатӣ гулу буттаҳои ороишӣ шинонида шуда, барои шаҳрвандон нишастгоҳҳо насб карда шудааст. Фаввораҳо зебогии атрофи иншоотро афзун намудааст. Барои гашту гузор ва фароғати доимии сокинон равшании маркази деҳот ба инобат гирифта шудааст.

Пешвои муаззами миллат муҳтарам Эмомалӣ Раҳмон бунёду ба истифода додани Майдони Парчами давлатиро ба самараи Истиқлолияти давлатӣ ва ваҳдату ягонагӣ марбут дониста, масъулони дахлдорро барои ҳамин гуна ободу зебо нигоҳ доштани атрофи муқаддасоти миллӣ вазифадор намуданд.

Ҳамзамон дар доираи тадбирҳои ободонӣ ба масофаи 10 километр роҳҳои ҳудуди Ҷамоати деҳоти Овчиқалъачаи ноҳияи Бобоҷон Ғафуров асфалтпӯш карда шудааст.

facebooktwitter

kaynak:http://www.president.tj/node/30405?utm_source=dlvr.it&utm_medium=twitter

 

 

 

]]> Ба истифода додани хати оби нӯшокӣ барои таъмини 18 ҳазор аҳолии шаҳри Истиқлол https://tebrizgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d1%85%d0%b0%d1%82%d0%b8-%d0%be%d0%b1%d0%b8-%d0%bd%d3%af%d1%88%d0%be%d0%ba%d3%a3-%d0%b1%d0%b0%d1%80-h42688.html Sat, 01 Apr 2023 12:38:53 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d1%85%d0%b0%d1%82%d0%b8-%d0%be%d0%b1%d0%b8-%d0%bd%d3%af%d1%88%d0%be%d0%ba%d3%a3-%d0%b1%d0%b0%d1%80-h42688.html

 

 

 

Ба истифода додани хати оби нӯшокӣ барои таъмини 18 ҳазор аҳолии шаҳри Истиқлол

.2023 , шаҳри Истиқлол

30 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Истиқлол хати оби нӯшокиро барои 18 ҳазор аҳолии шаҳр ба истифода супориданд.

Оби нӯшокӣ худҷорӣ буда, тавассути қубури қутраш 325 миллиметра аз масофаи 7,2 километр ҷорӣ мегардад. Иншооти мазкур дар раванди созандагию бунёдкорӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳри Истиқлол бунёд гардидааст.

Иттилоъ дода шуд, ки лоиҳаи хати оби нӯшокӣ дар ҳамкорӣ бо шарикони рушд аз тарафи Корхонаи воҳиди давлатии “Хоҷагии манзилию коммуналӣ”-и Ҷумҳурии Тоҷикистон татбиқ мешавад. Оби нӯшокӣ бо қубури асосӣ дар ҳаҷми 110 метри мукааб об дар як соат ба обанбори “Офтобак”-и шаҳр, интиқол дода мешавад.

 

 

 

 

 

Дар обанбори мазкур ду ҳавз бо иқтидори ғунҷоиши 2000 метри мукааб об ҷойгир аст. Корҳои сохтмонӣ дар иншооти мазкур моҳи марти соли 2021 оғоз гардида, барои саривақт ва дар муҳлати муайяншуда анҷом ёфтани он беш аз 50 нафар мутахассиси маҳаллӣ ҷалб карда шуд.

Бояд тазаккур дод, ки қаблан сокинони шаҳри Истиқлол, ки беш аз 18 ҳазорро ташкил медиҳад, аз норасоии оби нӯшокӣ танқисӣ мекашид ва акнун, дар партави сиёсати инсонпарваронаи Пешвои миллат муҳтарам Эмомалӣ Раҳмон ва амалӣ намудани лоиҳаи мазкур сокинон бо оби нӯшокӣ пурра таъмин шуданд.

Дар доираи амалишавии лоиҳаи таъминоти аҳолӣ бо оби нӯшокӣ шафати кӯчаҳо, дохили биноҳои истиқоматӣ, иншооти соҳаи маорифу тандурустӣ ва варзишу хизматрасонии ҳудуди шаҳри Истиқлол дар умум ба масофаи 11,2 километр хати оби нӯшокӣ кашида шудаааст.

Маврид ба ёдоварист, ки иқдоми беназири Президенти мамлакат муҳтарам Эмомалӣ Раҳмон дар доираи татбиқи барномаҳои Даҳсолаи байналмилалии амал “Об барои рушди устувор”, солҳои 2018-2028, дар самти беҳтар намудани сатҳу сифати зиндагии беш аз 18 ҳазор аҳолии шаҳри Истиқлол амалӣ карда шуд.

Обанбори асосии хати оби нӯшокӣ дар масоҳати қариб як гектар ҷойгир ва дорои биноҳои безараргардонӣ ва такшинкунонии оби нӯшокӣ буда, бо дастгоҳу таҷҳизоти муосири соҳавӣ ва маводи зарурӣ таъмин мебошад.

Иқтидори ғунҷоиши об дар ду ҳавзи обанбор 1000 метри мукааб буда, таъминоти об тавассути ду насоси боиқтидор ба обанбори “Офтобак” интиқол меёбад.

Пешвои миллат муҳтарам Эмомалӣ Раҳмон масъулони соҳаро вазифадор карданд, ки пайваста дар беҳтар гардонидани сатҳи обрасонӣ ба аҳолӣ тадбирҳои бетаъхир андешанд ва дар ин радиф корҳои фаҳмондадиҳӣ вобаста ба истифодаи босамари об дар байни сокинон низ гузаронида шавад.

facebook

kaynak:http://www.president.tj/node/30343?utm_source=dlvr.it&utm_medium=twitter

 

 

]]> Ба истифода додани бинои осорхонаи таърихии шаҳри Истиқлол https://tebrizgazetesi.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%be%d1%81%d0%be%d1%80%d1%85%d0%be%d0%bd%d0%b0%d0%b8-%d1%82%d0%b0-h42686.html Sat, 01 Apr 2023 11:36:38 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%be%d1%81%d0%be%d1%80%d1%85%d0%be%d0%bd%d0%b0%d0%b8-%d1%82%d0%b0-h42686.html

 

 

 

Ба истифода додани бинои осорхонаи таърихии шаҳри Истиқлол

.2023 , шаҳри Истиқлол

30 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Осорхонаи таърихии шаҳри Истиқлолро мавриди истифода қарор доданд.

Бинои осорхона дар доираи амалӣ намудани тадбирҳои созандагию ободонӣ бахшида ба 35-солагии Истиқлоли давлатии Ҷумҳурии Тоҷикистон бо мусоидати Мақомоти иҷроияи ҳокимияти давлатии вилояти Суғд аз тарафи соҳибкорони ватандӯст бо тарҳи меъмории миллӣ навсозӣ карда шудааст.

 

 

 

 

 

Бинои осорхона 1-ошёна буда, дар он 3 толори нигоҳдории нигораҳои таърихӣ ва ҳунарҳои мардумӣ мавҷуд аст, ки давраҳои гуногуни таърихии шаҳри Истиқлолро бозгӯ мекунанд.

Ба ақидаи таърихшиносон қадимтарин ёдгорие, ки дар ин осорхона нигоҳ дошта мешавад, таърихи беш аз 500-сола дорад.

Дар иншоот толори калон дар масоҳати 256 метри мураббаъ, хазина ва даҳлез ҷойгир аст.

Дар толори намоишии осорхона ҷои нигоҳдории нигораҳо, ҳуҷраҳои корӣ, ташхисгоҳ ва дигар иншооти хизматрасонӣ мавҷуд аст.

Нигораҳо ва тасвирҳо дар осорхонаи мазкур аз гузаштаи таърихи куҳани шаҳри Истиқлол шаҳодат дода, дар муаррифии ёдгориҳои он нақши муҳим дорад.

Мавриди зикр аст, ки дар шаҳри Истиқлол ёдгориҳои таърихии дар натиҷаи кофтуковҳои археологии олимон пайдо гардида, дар осорхона ҳифзу нигоҳдорӣ карда мешавад.

Инчунин ҷиҳати зебо нигоҳ доштани иншооти мазкур дар атрофи он корҳои кабудизоркунӣ анҷом ёфта, дарахтони ороишию сояафкан шинонида шудааст.

Лозим ба ёдоварист, ки дар доираи сиёсати фарҳангпарварона ва таърихдӯстонаи Пешвои муаззами миллат муҳтарам Эмомалӣ Раҳмон солҳои соҳибистиқлолӣ дар шаҳру ноҳияҳои мамлакат, аз ҷумла вилояти Суғд иншооти зиёди фарҳангӣ бо тарҳи муосир бунёд гардида, ёдгориҳои таърихӣ низ навсозӣ шудааст, ки ҳамасола сайёҳони дохилию хориҷӣ аз онҳо боздид менамоянд.

facebooktwitter

kaynak:http://www.president.tj/node/30344?utm_source=dlvr.it&utm_medium=twitter

 

 

]]>